RUSUMO 5
5
Mugara:
1Ame na hwilire mosikunino sange,
sihoro sange sokomutjima,
muvandekerwa gwange.
Ame kuna kupongaika yidumba yonomira;
ame kuna kulya usi nosinsira sousi;
ame kuna kunwa vhinyu zange nomasini.
Vakadi:
Lyeni, one wokuhara,
nweni dogoro tomu korwa keharo!
Rusumo rwaune
Mukadi:
2Mokurara kwange
mutjima gwange ago muzuni.
Tani roto muholi zange
ta ngongora kevero.
Mugara:
Zegurura nge ni hwilire,
muholi zange, sihoro sange
sokomutjima, nkutji zange.
Mutwe gwange kuna woro keme,
nohuki dange dina woro keundu.
Mukadi:
3Na lihutura nare;
yinke eyi nani dwarera hena?
Nompadi dange na di kuhu;
yinke eyi nani di nyatekera hena?
4Muholi zange ta kwata kuwoko
kwendi kevero,
makura ame tani kankama
asi ana siki popepi.
5Ame tani liwapaikire
kumuhwilida mo.
Mawoko gange nina ga gwaveke murora,
ano nonyara dange murora
gomema gomira,
makura tani kwata sizegwiliso sepito.
6Eyi na zegurura muholi zange,
age nare ana henze po.
Tara nye omu kani hara
kuzuvha ezwi lyendiee!
Tani mu papara,
nye nokumugwana si;
tani mu zigida, nye nakumbutu si.
7Vanomeni ava va gendagwire
mositata tava gwana nge;
tava toona va pake nge yironda;
vanomeni vekekuma lyositata
tava taura mwaye gwange.
8Tani mu ganesa, one vakadi vaJerusarema,
asi nsene muna gwana muholi zange,
mu tantereni asi ame eharo lina
kuveresa nge.
Vakadi:
9Mukadi ove gomuwa unene kovakadi,
mwene muholi zoge kapi ga
lifana nye novakwawo ndi?
Eyi ya ku tetura po unene
kombinga zendi o ka tu
ganese ngoso, yinke nani?
Mukadi:
10Muholi zange sitenda
age nonkondo;
age ahuru mo momayovhi murongo.
11Sipara sendi ngorodo‐ngorodo
za lipwira;
nohuki dendi domankumpi,
ado nonsovagani ngwendi ekorova.
12Meho gendi mawa
ngwendi nonkutji dina kara
pomema gokupupa,
nonkutji dina likuhu momasini
yiyo dina sikama pomukuro.
13Matama gendi mawa ngwendi
sikunino sina zura yitoveseso.
Kana kendi ngwendi mbya zehwa,
zina nengena komurora gomira.
14Mawoko gendi kwa ga sita nawa,
age kudwara tulinga otu va tura
mamanya gondiro.
Rutu rwendi ngwendi mazego
ganzovhu gakwehu,
omu mwa kara mamanya gosafira.
15Maguru gendi ngwendi nongundi
demanya lyomarumeli
edi va zweka momatako gongorodo.
Efumano lyendi ngwendi
nondundu daLibanoni
noyitji yado yosedeli.
16Kana kendi utovara kuncumita;
nayinye eyi ya mu hamena
kuhafesa nge unene.
Yimo nye ngoso ga fana muholi
zange, one vakadi vaJerusarema.
Currently Selected:
RUSUMO 5: KWN
Highlight
Share
Compare
Copy
Want to have your highlights saved across all your devices? Sign up or sign in
© Egwanekerobibeli Lyanamibia 1987, 2003
© Bible Society of Namibia 1987, 2003
