MAPISAROME 142
142
Ekandererero lyekwafo
Rusumo roukonentu rwaNdafita, apa ga kere mekombombo lyomamanya.
1Ame kuna kukuga ekwafo kwaHompa;
ame kuna kumulikwambera.
2Ame tani mu pe masivano gange nagenye;
tani mu tantere udigu wange naunye.
3Nsene tagu hara kupwa mo,
nzira zange ga zi diva.
Monzira ezi ani gendi, nonkore
dange da vhumbikira nge mo siraha.
4Ni tara‐tare tani mono asi
kutupu gokukwafa nge;
kutupu gokupopera nge;
kutupu gokupakera nge mbili.
5 Hompa,
ame koge nina kukuga ekwafo;
ove Hompa,
nyove mupopeli gwange;
ove nyovelike na hepa po moukaro ou.
6Purakena nkugo zange zekwafo,
yeeyi nina roroka.
Popera nge kononkore dange,
edi da kara nononkondo kupitakana nge!
7Yoworora nge mo moudigu wange;
nkumwe ngani ku hamberere
mosigongi sovantu woge,
morwa wa wapeka nge.
Currently Selected:
MAPISAROME 142: KWN
Highlight
Share
Compare
Copy
Want to have your highlights saved across all your devices? Sign up or sign in
© Egwanekerobibeli Lyanamibia 1987, 2003
© Bible Society of Namibia 1987, 2003
