MAPISAROME 140
140
Ekandererero lyepopero
Komupitisilidimbisi: Episarome lyaNdafita.
1Parura nge kovantu wovadona, Hompa;
yoworora nge kovarudipagi.
2Awo kulizuvha nkenye apa yoyidona,
awo kukatura nkenye apa maugara.
3Maraka gawo ngwendi mazoka gouhungu,
nonkango dawo ngwendi uhungu wombaroka.
4Popera nge kononkondo
dovadinikarunga, Hompa;
yoworora nge kovarudipagi,
ava vana kulizuvha ehanauko lyange.
5Valinenepeki kuna tege nge yiraha;
awo kuna zanzumuna ekwe nonomugodi,
yiraha yiyo vana yi tegaike konzira
asi yi kwate nge.
6Ame makura tani tantere Hompa
asi: “Ove Karunga gwange.”
Hompa, zuvha nkugo zange zekwafo!
7 Hompa, Karunga gwange,
muparuli gwange gononkondo,
nyove wa popera nge mezuva lyoyita.
8 Hompa, wa ha pa vadinikarunga
eyi vana hara;
wa ha va sigilira va sikise mo
malizuvho gawo gomadona.
9Wa ha sigilira nonkore dange
di funde;
ninka magazaro gawo gokuvyuka
nge, ga va tengwire vene.
10Makara gomundiro ngano
taga va gwire;
ngano tava va zugumine
mondjombo zokupita,
ngava dire kutunda mo hena.
11Ava ava uyungire vapeke
momudona, ngano va ha ragopa;
udona ngano tau gwana varudipagi
u va hanagure po.
12Na diva asi, ove Hompa kupopera muhepwe,
nononkango domunaruhepo.
13Vahungami ngava ku hamberera;
awo ngava kara kosipara soge.
Currently Selected:
MAPISAROME 140: KWN
Highlight
Share
Compare
Copy
Want to have your highlights saved across all your devices? Sign up or sign in
© Egwanekerobibeli Lyanamibia 1987, 2003
© Bible Society of Namibia 1987, 2003
