MAPISAROME 138
138
Ekanderero lyompandu
Episarome lyaNdafita.
1Tani ku pandura nomutjima gwange
nagunye, Hompa;
kuna kudimba ehamberero komeho zovakarunga.
2Tani tu nongoro komeho
zontembeli zoge zokupongoka
ni hamberere edina lyoge,
morwaeharo lyoge lyenene
noulimburukwi woge,
yeeyi wa likida asi
ove nonompangera doge kwa fumana.
3Ove kuzuvha nge apa ani ku zigida;
ove kukorekesa nge kononkondo doge.
4Ohompa navenye vepevhu
ngava ku hamberera ove, Hompa,
yeeyi va zuvha matumbwidiro goge.
5Awo ngava dimba yokuhamena
eyi ga rugana Hompa,
neyi yokuhamena efumano lyendi lyenene.
6Nampili ngomu ga kara Hompa ure meguru,
age kupakera mbili valinunupiki,
ano valinenepeki kapi ava vhuru kumuvanda.
7Nampili maudigu gana rundama nge,
ove to yoworora nge;
ove kuvyuka nonkore dange dokuhanduka,
to parura nge mononkondo doge.
8Ove ngo rugana nkenye eyi
wa tumbwidira nge;
Hompa, nkenda zoge zanarunye.
Sikisa mo yirugana eyi wa tameka.
Currently Selected:
MAPISAROME 138: KWN
Highlight
Share
Compare
Copy
Want to have your highlights saved across all your devices? Sign up or sign in
© Egwanekerobibeli Lyanamibia 1987, 2003
© Bible Society of Namibia 1987, 2003
