MAPISAROME 137
137
Ponomukuro daBabironiya
1Ponomukuro daBabironiya
yipo twa hingilire oku tatu lili
nsene tu diworoka Siyoni.
Yimburumbumba yetu
ngatu yi kulike koyikulikuli yakooko.
2Morwa ava va tu twara
ose nonkwate,
3yiko ava tu sininike asi tu dimbe marusumo,
nava va tu hepeka asi tu dimbe
tu va hafese,
pokutanta asi:
“Tu dimbireni po rusumo
rokuhamena Siyoni!”
4Ngapi nye omu natu dimba rusumo
rwaHompa mosirongo peke?
5Nsene ni ku divara, ove Jerusarema,
nokuwoko kwange kokorulyo ninka,
nako ngaku lidivare kwene.
6Ninka eraka lyange li kakatere koufinyinyi,
nsene ni dira kuzerura Jerusarema
kupitakana mahafo gange nagenye.
7 Hompa, diworoka vana vaEdomu
ezuva lyezonauko lyaJerusarema, ava
va tente asi:
“Si bamagureni, si bamagureni,
dogoro pevhu!”
8Babironiya, ove nyove tupu kukuzungurura!
Gerago googu gokukurugwidira
kuwoko eyi wa tu rugana.
9Gerago googu gokugusa vana woge
a va myonene pemanya!
Currently Selected:
MAPISAROME 137: KWN
Highlight
Copy
Compare
Share
Want to have your highlights saved across all your devices? Sign up or sign in
© Egwanekerobibeli Lyanamibia 1987, 2003
© Bible Society of Namibia 1987, 2003
