MAPISAROME 128
128
Mfeto zoulimburukwi kwaHompa
Rusumo rorugendo rokuza koUpongoki.
1Verago vava ava tjira Hompa,
ava va liza ukaro wawo
nonompangera dendi!
2Moyirugana yoge ngo gwana mo yokukuparura;
ngo ragopa tayi ku wapa.
3Mukadoge nga fana
ngwendi sindjembere
esi asi yimi membo lyoge,
ano vana woge wovagara
ngwendi mauzwe
gana kundurukida sitafura soge.
4Mugara ogu a limburukwa kwaHompa
yimo ngava mu tungika nawa‐nawa ngoso.
5 Hompa ngano ta ku tungike moSiyoni!
Ngano to mono erago lyaJerusarema
moukaro woge naunye!
6Ngano to kara ngorooro
ngo kwate nontekuru!
Mbili zi kare naIsraeli!
Currently Selected:
MAPISAROME 128: KWN
Highlight
Copy
Compare
Share
Want to have your highlights saved across all your devices? Sign up or sign in
© Egwanekerobibeli Lyanamibia 1987, 2003
© Bible Society of Namibia 1987, 2003
