MAPISAROME 127
127
Ehamberero lyouwa waKarunga
Rusumo rwaSaromo rorugendo rokuza koUpongoki.
1 Hompa nsene a dira kudika nzugo,
ava vana kuzitunga nayimwe si.
Hompa nsene a dira kupopera sitata,
wokusinomena nayimwe si
va tompora.
2Neisi ayi kwafa yokurugana unene
asi o paruke,
yimeneka nongurangura
noyitokomena dogoro masiku.
Yeeyi Hompa kugava epwizumuko
kwava ga hara.
3Vana, yigava yaHompa,
awo etungikozuni.
4Mugara ogu ga kara novana
wovagara, age simpe munona,
awo ngwendi yikutji
mokuwoko komukwayita.
5Gerago mugara ogu ga kara
noyikutji yoyinzi yangoso!
Age narumwe si kufa nomuga
nsene a gwanekera nononkore dendi pomapangwiro.
Currently Selected:
MAPISAROME 127: KWN
Highlight
Copy
Compare
Share
Want to have your highlights saved across all your devices? Sign up or sign in
© Egwanekerobibeli Lyanamibia 1987, 2003
© Bible Society of Namibia 1987, 2003
