MAPISAROME 129
129
Ekanderero lyokuhamena nonkore daIsraeli
Rusumo rorugendo rokuza koUpongoki.
1Israeli, sanseka omu da ku ninka
nonkore doge momudona
hawa tunda unona woge!
2“Hana tunda unona wange,
nonkore dange kwa hepeka nge momudona,
nye kapi da dininina nge po.
3Awo kwa geragwire nge mamuronda komugongo,
taga lirauka ngwendi epya
va purura.
4Nye Hompa, muhungami,
ga mangurura nge mo moupika.”
5Navenye ava va nyenga Siyoni
ngano tava va fisa nomuga
va tengure!
6Ngano tava kara ngwendi wayi,
ou wa mena konomutwe donondunda,
ou au livinduka kukukuta,
awo wa hana kusika mo mokuuteta.
7Nagumwe si gokuupongaika
ndi asi
a u damune yitungu‐yitungu.
8Nagumwe si ogu nga mu pita po
a tante asi:
“Hompa ngano ta mu tungike!
Tatu mu swere medina lyaHompa! ”
Currently Selected:
MAPISAROME 129: KWN
Highlight
Copy
Compare
Share
Want to have your highlights saved across all your devices? Sign up or sign in
© Egwanekerobibeli Lyanamibia 1987, 2003
© Bible Society of Namibia 1987, 2003
