YISEWE 20
20
1Kunwa unene taku ku ninki mukavauki nomugova. Kukara nkorwi ugova unene.
2Kara ono tjira hompa gougara, moomu o tjira nyime gokununga, ano mokuhandukisa to zonagura po mwenyo gwaamoge.
3Nkenye egova kuvhura li vareke nomutangu. Mugara gokufumana kukara ure nonompata.
4Munafarama ogu ga kara noudwa wokupurura mapya gendi posiruwo sosiwa, kapi nga zangura yuma.
5Magazaro gomuntu ngwendi mema gokonhiinhi zetope. Nye ogu ta ga mono, yige a vhuru kugavheta.
6Nkenye ogu kuuyunga omu ga fumana nokukara mulimburukwi, nye uhungami kukambadara kukoneka muntu nawa‐nawa.
7Vanona kukara nerago, nsene va kara naguhwyawo ogu ga kara mousili, yiyo a rugana yoyiwa.
8Hompa ta hingire posipundi sepangero, makura ta diva udona nsene ta u mono.
9Gumwe kuvhura tupu a uyunge nawa‐nawa asi ezwi lyendi lyokomutjima kapi ali mu pe usima, ndi asi ga tunda mo mononzo dendi?
10 Hompa kwa nyenga ava ava ruganesa noheteko peke‐peke dokudira kuzira mo.
11Nomunona kulihorora moyirugana yendi, mwayo kuvhura kumona asi muhungami ndi muwa.
12 Hompa kwa tu pa meho gokumonesa, nomatwi gokuzuvhisa.
13Siruwo soge nsene o si ruganesa mokuponyoka mwelike, ngo hepa, nye nsene o rugana unene, ngo gwana yoyinzi yokulya.
14Murandi kutanguna narunye asi mfuto zina zeruka unene, nye nsene ta tundu po age kulikanganga, morwa kumuhorera ko.
15Nsene ono diva mbinga ezi ono kuuyunga, ono kara noyuma yomulyo kupitakana ngorodo nosisiliveli.
16Gumwe ugova musi mokutumbwidira asi yige gokupura makongo gomunayirongo. Age ga fira kutura sinongweneso somfuto kougawo wamwene.
17Yninke eyi o gwana moyimpempa, kuvhura yi ku hafese ngwendi nondya dosipe. Nye mazuva gamwe ngayi ka fana ngwendi kana kana zura muheke.
18Tambura epukururo lyewa ngo ragope. Wa ha ka rwa ove kapi ono faneke.
19Mutangu kapi agu horeke sihorekwa. Kara ure novantu ava ava mborombomba.
20Nsene o finga vakurona woge kukaramwenyo koge ngaku haga ngwendi ramba zina dimine modovera.
21Ugawo woge nampili o u ogwana noureru, ngau ku ruganena tupu nakauke.
22Wa ha lifutira nyaamoge udona, nye huguvara Hompa, makura age ta yi ku wapekere.
23 Hompa kwa nyenga vantu ava ava hetekesa yihetekeso pepuko.
24 Hompa ga diva nonzira detu. Muntu ngapi nye no vhura kukwata egano oku una vyuka ukaro wendi.
25Gazara nawa pomuhowo simpe kapi ono tumbwidire Karunga nonzambo, neisi ngayi ku guvisa moruhura.
26Hompa gonondunge kudimburura usimbu ogu ana rugana yoyidona. Age ta mu futisa pwa hana nkenda.
27 Hompa kwa tu pa magazaro nezwi lyokomutjima. Ose kapi atu vhuru kulihoreka nyaamwetu.
28Hompa kukara nononkondo, epangero lyendi nsene lina kara pausili nopauhungami nopauwa.
29Ose kututetura nonkondo dovadinkantu, tatu fumadeke nohuki donomvhi dovakurupe.
30Poyiruwo yimwe ediwo lyetu lyoukaro kutuzuvhisa kukora mokurundwilisa nonzira detu.
Currently Selected:
YISEWE 20: KWN
Highlight
Share
Compare
Copy
Want to have your highlights saved across all your devices? Sign up or sign in
© Egwanekerobibeli Lyanamibia 1987, 2003
© Bible Society of Namibia 1987, 2003
