YISEWE 19
19
1Kukara hepere nomunasili hasa, kupitakana yimpempa yegova.
2Ugova wa hana ediwo kapi wa zira mo. Ano mugendereli kuvyuka usimbu moudigu.
3Vantu vamwe kulizonagura po vene noyirugana yavene youpote, makura tava pe Hompa usima.
4Vantu wonongawo, kugwana narunye vakwawo wovape, nye nohepere kugaunuka kovamaparambo vawo.
5Nsene o sanseka yimpempa mombangwiliro, tava ku futisa — kutupu ko ehendauko.
6Nkenye ogu kukambadara a limonene eharo lyovantu womakuto, nkenye ogu kulipaparera ogu a gava sigava neharo lyewa.
7Hepwere novanavazina kumutara asi kutupu sirugana, nampili ana pili vakwavo, yimo tupu. Age nampili a kondje ngapi, kapi ta gwana nampili gumwe.
8Lihara nyamoge o vhure kulironga nayinye; nye diworoka eyi wa lironga, makura ngo ragope.
9Kutupu nampili gumwe ogu a uyunga yimpempa mombangwiliro, a vhure kuhendauka ehandu. Age yige kumufutisa.
10Magova kapi aga vhuru kuliparura mwankenye eyi, novapika kapi ava pangere ngano vapangeli.
11Nsene o kotoka, to pangere nkareso zoge. Ano gumwe nsene ana ku zono, efumano lyoge lyokumudongwenena po.
12Ehandu lyaHompa kwa fana ngwendi nyime ana kununga. Nye eharo lyendi ngwendi eme lina kara kowayi.
13Munona gomupote kuvhura a retere oguhwe ezonauko. Ano mukadi ogu a rwakita narunye kwa fana ngwendi mema gana kundoka.
14Muntu kuvhura a pinge embo noyimaliva yovakurona vendi, nye Hompa gelike ta vhuru kumupa mukadi gonondunge.
15Dwapa tupu moomu ono harere, ponyoka, nye ngo fa nzara.
16Nsene o sikisa mo yipango yaKarunga, ngo kara ntaka pevhu, nye nsene yimo sa ngo fa.
17Ano nsene o gava konohepere kuna fana ngwendi kwaHompa ono heheda, nye Hompa nga ku tengwida kuwoko.
18Pisura vana woge awo simpe vanona mokulironga nawa. Nye nsene kapi o yi ninki, ove kuna kuvakwafa mokulizonagura po vene.
19Nsene gumwe kuhanduka unene, eyi yina kukwama ko, yi kare yamwene. Nye nsene o mu gusa moudigu owo, ove kuhepa kuyirugana hena.
20Nsene to purakene mapukururo ove o ga fire mbili o ga lironge, ezuva limwe ngo kara munongo.
21Vantu kuvhura va faneke yininke peke‐peke, nye eharo lyaHompa, yilyo lyelike ali siki mo.
22Kukara nedowo, kuzumbanesa efumano; nohepere hasa, da pitakana vanayimpempa.
23Limburukwa kwaHompa ngo kare nomwenyo gomure. Kara ono gwana neyi ono kara nayo, ngo yoworoke koudona.
24Vantu vamwe vadwa unene kutura nondya motuna twawo.
25Vazonaguli kuvapangura, yipo vantu ava va hana kudiva nawa, va vhure kulirongera ko sirongwa. Ano ove nsene munongo, ngo lironga, nsene tava ku pukurura.
26Muntu ogu a reta nomuga neswau, yige a rugana momudona oguhwe nokutjida‐tjida ozina membo lyendi.
27Munwange, nsene o hageka kulironga, ngo divara usimbu nayinye eyi wa diva nare.
28Uhungami kapi au kara po nsene ndipo kuna temene kuzuvhisa kukora ngandi. Vadinikarunga kwa hara kumakera udona.
29Matokoro gehandukiro kwa ga wapaikira vasensi, ano matono nomugongo dovasensi.
Currently Selected:
YISEWE 19: KWN
Highlight
Share
Compare
Copy
Want to have your highlights saved across all your devices? Sign up or sign in
© Egwanekerobibeli Lyanamibia 1987, 2003
© Bible Society of Namibia 1987, 2003
