JONA 4
4
Ehandu lyaJona nonkenda zaKarunga
1Jona kapi ga yi haferere eyi, makura ta handuka. 2Ta kanderere asi: “Nani kapi na yi tente ame simpe kwetu asi eyi ngo rugana youhunga? Eyi yiyo ya ninkisire nge asi ni dukire koSipaniya! Na diva asi ove Karunga geharo nonkenda, nkenye apa muzavereli, nkenye apa o muwa, ove hena nkenye apa kurundurura magazaro o dire kufutisa. 3Ngesi Hompa, siga nge ni fe. Yokufa ame hasa, kapisi kumwe neyi yokukara nomwenyo.”
4 Hompa ta limburura asi: “Mokonda musi no handukira ove?”
5Jona ta pwagere koUpumezuva wositata, ta hingire. Ta dike mundwire gwendi a hingire, makura ta tarere eyi nayi horokera Ninivhe. 6Hompa makura ta ninki simeno si kure pwaJona si mu pe mundwire, asi ehandu lyendi li liture. Jona kwa haferere unene simeno oso. 7Nye monongura, Karunga ta ninki simbumburu si lye simeno oso, makura tasi fu. 8Eyi lya puma ezuva, Karunga ta tumu mpepo zokoUpumezuva zompyu, Jona kuna kuhara kupwilira koupyu wezuva ou, wa livetere pomutwe gwendi. Ta hara asi ngano a fe. Ta tanta asi: “Yokufa ame hasa, kapisi kumwe neyi yokukara nomwenyo.”
9Nye Karunga ta mu tantere asi: “Mokonda musi no handukilira ove simeno?”
Jona ta limburura asi: “Na kara nawa‐nawa nokonda zokuhanduka — ehandu lyokufa nokutara!”
10 Hompa ta mu tantere asi: “Simeno esi kwa kura masiku gamwe tupu, gokukwama ko tasi dongonoka; ove nayimwe si wa rugana ko kwaso, kapisi nyove wa si ninka si kure — makura yiyo nye ono kusizuvhira kukora! 11Nsene ngame ko nye, omu nani dira kuretera nkenda Ninivhe, sitata sosinene. Unene po hena, aso kwa kara novanona wokupitakana 120 000 va hana nzo, ntani yimuna hena yoyinzi!”
Currently Selected:
JONA 4: KWN
Highlight
Share
Compare
Copy
Want to have your highlights saved across all your devices? Sign up or sign in
© Egwanekerobibeli Lyanamibia 1987, 2003
© Bible Society of Namibia 1987, 2003
