JONA 3
3
Jona ta limburukwa kwaHompa
1 Hompa kwa uyungisire hena Jona. 2Ta tanta asi: “Zende koNinivhe, sitata sosinene, o ka udisire vantu mbudi ezi na ku pa.” 3Makura Jona ta limburukwa kwaHompa, ta zi koNinivhe, sitata sosinene, sokugusa mazuva gatatu ntani ono kusimana ko. 4Jona ta zi omo mwa za sitata, ta gendi ezuva mudima oku ta udisa asi: “Simpe mazuva ko nomurongo ne, Ninivhe tava si hanagura!”
5Vantu womoNinivhe tava pura kombudi zaKarunga.
Tava tokora asi nkenye ogu a dilire, vantu navenye, a kare mukurona a kare munona, va dware nonsako va likide asi vana litezurura.
6Ano hompa gwaNinivhe apa ga yi zuvhire, makura ta katuka ko kosipundi sendi souhompa, ta hutura erwakani lyendi, ta dwara nsako, makura ta hingire menoto. 7Ta gava nzigo kovantu vaNinivhe asi: “Ezi mpangera zahompa nomarenga gendi asi: Kutupu sokulya yuma; vantu navenye nonongombe nononzwi nokulya si nokunwa si. 8Vantu navenye noyimuna nayinye kudwara nonsako. Nkenye ogu a kanderere unene kwaKarunga a sige yikara yendi youdinikarunga noyirugana yendi yoyidona. 9Mpamwe Karunga nga rundurura magazaro gendi; mpange nga hageka kuhanduka, ngatu dire kufa!”
10Karunga ta mono eyi va rugene; ta mono asi vana sigi yikara yawo youdinikarunga. Makura ta rundurura magazaro gendi ta hageke kuvafutisa, kapi hena ga rugene moomu ga yi tente.
Currently Selected:
JONA 3: KWN
Highlight
Share
Compare
Copy
Want to have your highlights saved across all your devices? Sign up or sign in
© Egwanekerobibeli Lyanamibia 1987, 2003
© Bible Society of Namibia 1987, 2003
