JONA 2
2
Ekanderero lyaJona
1Omo monda zezimo lyomfi Jona ta kanderere kwaHompa Karunga gwendi asi:
2“Moruhodi rwange na kuga
koge ove Hompa,
makura yiyo wa limburura nge.
Konhi zosirongo sovafe na kuga
ekwafo, yiyo wa zuvha nge.
3Ove kwa zugumina nge
konhiinhi zefuta,
oku ga kundurukida nge mema,
mankumpi goge nagenye
gononkondo kuna kuligarumuna kwange.
4Makura tani gazara asi ono tjida
nge ko kosipara soge
kapi ngani mona hena ntembeli
zoge zokupongoka.
5Mema gana kudumike nge
ga minise nge;
efuta kuna kudumikilire nge,
wayi wemefuta kuna lidingire
nge komutwe.
6Ame kwa hegumuka dogoro
komatateko gene gonondundu,
kosirongo somarungavero
aga va pata dogoro narunye.
Nye ove Hompa Karunga gwange
wa koka nge ko konhi nomwenyo.
7Mwenyo apa nkare gu diruke nge,
makura tani kanderere koge
ove Hompa,
ano montembeli zoge
zokupongoka to zuvhu nge.
8Ava ava tongamene vakarunga woyimpempa,
kwa zumba ogu a va fire nkenda.
9Nye ame ngani ku dimbira yompandu;
Ngani ku zambera nzambo
tani rugana eyi na tumbwidira.
Eparu kutunda kwaHompa! ”
10Makura Hompa ta pangere mfi zi fizire Jona konontere, tazi yi rugana.
Currently Selected:
JONA 2: KWN
Highlight
Share
Compare
Copy
Want to have your highlights saved across all your devices? Sign up or sign in
© Egwanekerobibeli Lyanamibia 1987, 2003
© Bible Society of Namibia 1987, 2003
