JESAYA 27
27
1Mezuva olyo Hompa nga ruganesa rufuro rwendi rononkondo rosifo a futise Revhiatani, ezoka lyongenderera lyokulidinga?-?dinga, a dipage hena emukasama eli lya kara mefuta.
2Mezuva olyo Hompa nga uyunga kosikunino sendi soyindjembere sosiwa asi: 3“Ame kusitakamesa, tani si tekere nkenye apa. Ame kusikunga masiku nomutenya asi si dire kugwana simpagwa. 4Ame kapi hena nina handukire sikunino soyindjembere. Ngano kwa kere po mega nononhonho dokurwisa, ngano na yi hwika po nayinye nuunu. 5Nye nsene asi nonkore dombunga zange kuna hara egameno, va kare nombili name ntani, nhi, va kare nombili name ntani.”
6Momazuva ogo gana kuwiza, mbunga zaIsraeli, nontekuru daJakopo ngadi kara nondandani ngwendi sitji, ngava hoka tava temuna nombya. Uzuni mudima ngau zura yiyimwa eyi ngava yima.
7Israeli kapi ga mu futisa nkenye apa Hompa ngwendi nonkore dendi, kapi hena ga zumbanesa vagara wovanzi. 8Hompa kwa futisa mbunga zendi pokuzituma koupika. Age kwa va gusire po nompepo zondona zokutunda koUpumezuva. 9Apa ngava di dongwenena po nonzo daIsraeli, ntudi pokuvhugunyuna yizambero yomamanya yovapagani yi kare ngwendi mpezo, nopokumana mo yizambero yokuswakererera yedumba lyewa nomafano gakarunga gomukadi Asera.
10Sitata sa pama kuna kara ndambo zerunda. Aso kwa si zumba ngwendi mburundu. Makura yiyo sina kara maliro gonongombe, omu adi gombo oku tadi li. 11Nomutayi doyitji da kukuta da tekauka, ano vakadi kuditjava va ka rade. Morwambunga kapi za yi kwata egano, Karunga Muungi gwawo kapi nga va zaverera ndi asi a va fire nkenda.
12Mezuva olyo kutundilira koEufurata dogoro komururani gwaEgipite, Hompa nga pongaika vantu vendi gumwe nagumwe, moomu a zere muntu, mahangu ga likerere rungu ru likerere.
13Ezuva olyo apa ngali sika mo, mbendo ngava zi sika zi tengwide Vaisraeli navenye ava va kara moupika moAsiliya nomoEgipite. Awo ngava wiza tava ya tongamene Hompa moJerusarema, kondundu zokupongoka.
Currently Selected:
JESAYA 27: KWN
Highlight
Share
Compare
Copy
Want to have your highlights saved across all your devices? Sign up or sign in
© Egwanekerobibeli Lyanamibia 1987, 2003
© Bible Society of Namibia 1987, 2003
