JESAYA 12
12
Rusumo rompandu
1Ezuva ngali wiza apa ngazi dimba mbunga asi:
“Tani ku panda Hompa!
Ove kwa handukilire nge,
nye ntaantani kapi ono handuka hena,
kuna kuhengagwida nge.
2Karunga Muzowoli gwange;
tani mu huguvara na hana utjirwe.
Hompa kupa nge nonkondo noupami;
age yige Muzowoli gwange.
3Moomu aga hafesa mema
gomawa venota,
novantu vaKarunga
yimo ava hafa,
nsene ana va parura.”
4Ezuva ngali wiza
apa ngazi dimba mbunga asi:
“Pandureni Hompa!
Mu zigideni a mu kwafe!
Tantereni nomuhoko nadinye
eyi ga rugana!
Di tantereni unene wendi!
5Dimbireni Hompa
morwa‐yininke yoyinene
eyi ga rugana.
Uzuni mudima u zuvhe
mbudi ezi.
6Navenye ava va kara moSiyoni
va lilikide oku tava dimbi!
Karunga gokupongoka
gwaIsraeli munene,
age kwa kara mokatji kombunga zendi.”
Currently Selected:
JESAYA 12: KWN
Highlight
Share
Compare
Copy
Want to have your highlights saved across all your devices? Sign up or sign in
© Egwanekerobibeli Lyanamibia 1987, 2003
© Bible Society of Namibia 1987, 2003
