Vagaratiya 4

1Ano tani mu tantere asi: nsene asi mupingi simpe munona, kapi va livhura nomupika. Nampili a kare asi yige mupingi gwanayinye, 2age kukara mepangero lyovareli novagendesi dogoro nekezuva eli ga mu pangera guhwe. 3Yimo ngorooro twa kere nose mounona wetu pampepo. Ose kwa heme koupika wonompepo edi adi pangere mouzuni. 4Apa sa sikililire mo siruwo, makura Karunga ta tumu Munwendi. Age mukadi ga mu hampurukilire, nga sikisa mo Veta, 5asi a zowore ava azi pangere Veta, makura ose va tu ninke tu kare vana vaKarunga.

6Morwa one mu vana, Karunga yiyo ga tuma Mpepo zaMunwendi monomutjima deni, ezi azi zigida asi, “Tate, Tate!” 7Ano mwaKarunga one kapi si mu vapika hena, nani nye mu vana mwa kara. Ano nsene asi mu vana, mu vapingi hena vaKarunga.

Sinka saPaurusa sokoVagarata

8Gazareni asi, apa mwa dilire kudiva Karunga, kwa kakaterere konompepo dopaunsitwe edi da hana asi vakarunga. 9Ano ntaantani ngomu muna diva Karunga — ndi ni tante asi, Karunga ana mu diva — yinke hena nomu tengwira konompepo da hana nonkondo ado da hana mutompo, edi ngomu ruganene nare, mu kare vapika vado? 10One kukoneka mazuva nomakwedi noyiruwo nomalima! 11Ame kutjira mwarweni, asi mpamwe eyi na mu ruganena kapi ya mu kwafa yuma!

12Vakwetu, rukusi nina kwata, kareni ngwendi nyame, yeeyi name hena kwa kara ngwendi nyone. One kapi mwa rugana nge yuma yoyidona. 13Mwa diva asi, eyi na mu udisira Mbudi zoNgwa muhowo, yeeyi ngani vera‐vera. 14Kapi mwa dinine nge ndi mu nyoke nge, nampili ngomu kwa mu reterere kuyova kwange udigu. Nye kwa tambwire nge moomu ava tambura muengeli ndi ngwendi Jesus Kristusa mwene. 15Vantu mwa ragopere, yinke hena yina mu gwana? Ame ko tani mu panda asi: ngano asi yiyo yokuwapa, ngano mwa ga korora mo ogo meho geni mu ga pe nge. 16Ame nkore zeni sa nye nina kara mokonda zokumutantera usili ndi?

17Owo vakwawo kuna kumurugana momuwa unene, nye kapisi megazaro lyewa; kuna hara va mu tonye ko kwange, nkumwe ngomu va wapeke awo unene. 18Yiwa kukara mupampi mweyi yoyiwa, nye kapisi nange ponili ntani! 19Vana vange, moomu a zuvhu mukadi kukora pokuhampuruka, name yimo hena nina kumuhepera dogoro noku ngasi moneke mweni sinhwi saKristusa. 20Ame kuna hara asi ngano pweni nina kara, ni rundurure magazaro gange gokumuhamena, yeeyi ame kapi nina diva omu nani mu rugana!

Sihonena saHagara naSara

21One ava mwa hara kukara konhi zoVeta, tani mu pura asi: eyi azi tanta Veta, kapi omu yi zuvhu ndi? 22Matjangwa kwa tanta asi, Abirahamu kwa kere novana wovagara vavali, gumwe gopomupika, ano ogu gumwe gwapwamukadendi mwene‐mwene. 23Munwendi gopomupika kwa mu hampurukire moomu ava hampuruka navenye, nye ogu gwapwamukadendi metumbwidiro lyaKarunga va mu hampurukire. 24Eyi kuvhura kuyigusa yi kare sifanekeso. Ava vakadi vavali, magwanekero gavali: limwe kwa tundilira kondundu zaSinayi, nye alyo muhampuruki govapika — age yige Hagara. 25Ano Hagara kuseweka ndundu zaSinayi zomoArabiya. Age kuliza naJerusarema zantaantani, yeeyi azo kwa kara moupika rambanga ko novantu vawo navenye. 26Nye Jerusarema zekeguru za manguruka, azo yizo zinyetu. 27Yeeyi kwa tjanga asi:

“Ove mukadi gonganze wa dira kureta rumwe, hafa,

lilikida unene nampili ngomu o dili kuzegama!

Yeeyi mukadi goudike nga kara novana wovanzi

a pitakane gokukwara.”

28Vakwetu, one mu vana vaKarunga vemetumbwidiro, nawa‐nawa ngwendi Isaka. 29Moomu tupu ya kere posiruwo oso, napaapa yimo, asi ogu va hampurukire moomu ava hampuruka navenye, a nyenge ogu va hampuruka paMpepo. 30Omu gana kutanta matjangwa ngapi? Ago kutanta asi, “Tjida mo mupika namunwendi, yeeyi mupika kapi a pingi nomuna gwamukadendi mwene‐mwene ogu ga manguruka.” 31Yimo nye vakwetu, ose kapisi vana womukadi gomupika, nani nye ose vana wopomukadi ga manguruka.

Currently Selected:

Vagaratiya 4: KWN

Highlight

Copy