Sam 32
32
Sam 32
Rutha paluha ni koko nakhibo
Noa khoze mae Devet.
(Vese lao ka mavitu)
1Hneahnegha nodi lui nanoni te atha koko God nasapladi,
ni fahuira teu nakhibodire.
2Hneahnegha noa lui mae ihei LOD te theome ke kofiza kahe nasapla ka nakahragna ie,
ni theome ke leghuza puhi te phiapita ie.
(Vese lao ka God)
3Kate theome rutha paluha rei ka ghoe ie,
rei tufuni glape soru,
eigna bongi naga'e ie rei tahngi fatheve lana.
4LOD, bongi naga'e ie khamemu ghoe ie fapaaparaghau lui rei.
Rei la the'o hui kahe nogu nahneta,
jateula kho'u te moja ka nadafi ia euwa.
5Ni gignoa igne rei tufuni ngagughau te lepo fataklera nakhibogure ka ghoe,
rei theome phopolora nasaplagure.
Rei lepo fataklera nakhibogure,
euwateuwe ghoe atha koko nakhibogu ni nasaplagu teu rei re.
6Eume, te keli ie nanoni te ghatho bohegho ghoe re,
mala tarai ari ka ghoe kate dufira puhi bi'o ka nakahradire.
Ni jame jateula kho'u bi'o te gnugru eu meigna puhi bi'o ka hatimare ie,
puhi teugne kaina theome tangomana te tapla faparira hatimare re.
7Ghoe nogu thoa mala pologu rei ie,
ni ghoe kaina phopologhau mala theome tangomana ki puhi te dufighau ie.
Rei kaina koze fabi'o, eigna nou noilaghi ghoe te fakahrighau,
eigna ghoe ne phopologhau, ni koikofi fakelighau eu rei.
(Vese lao ka mavitu)
8 LOD ne lepo eu'ani, “Rei kaina fagriugho puhi te keli mala leghuza ghoe ie.
Rei kaina gu'ari gaoghatho te kohlo ka ghoe ni koikofi fakeligho.
9Tovi phaupatu jateula hose ba dongki euwa,
te nana'a phukri ka naflodire te mala bluse saghe leghura re teu ia.”
10Nanoni te di'a puhidire, kaina tufuni au paapara ka nakahradire,
ni ihei te tufuni farouronu ka LOD ie,
magne kaina koikofira fakeli ka noa nahma te bi'o ie.
11Ghotolu nanoni te kohlo puhimira, ghotolu tufuni hneahnegha nomi ka hna te eira LOD re.
Ghotolu nanoni te leghuza puhigna magne ra, ghotolu tufuni hneahnegha ni aku fabi'o!
Currently Selected:
Sam 32: ggaNTP
Highlight
Copy
Compare
Share
Want to have your highlights saved across all your devices? Sign up or sign in
© 2025 SIL Solomon Islands
