Жаратылыу 10

Нухну жашларындан чыкъгъан миллетле

1Нухну жашларыны – Шемни, Хамны, Яфетни – тукъум тарыхлары буду. Суу къыямадан сора алагъа сабийле туугъандыла.

Яфет улулары

2Яфет улулары:

Гомер, Магог, Мадай, Яуан, Тубал, Мешек эм Тирас.

3Гомер улулары:

Ашкеназ, Рифат эм Тогъарма.

4Яуан улулары:

Элиша, Таршиш, Киттим эм Доданим.

5Быладан тенгиз жагъалада жашагъан миллетле чыкъгъандыла. Ол миллетле, хар бири кеси тилин жюрютген тукъумлагъа бёлюннгендиле.

Хам улулары

6Хам улулары:

Куш, Мисир, Пут эм Кенан.

7Куш улулары:

Себа, Хауила, Сабта, Раама эм Сабтека.

Раама улулары:

Шеба бла Дедан.

8Кушну дагъыда Нимруд атлы жашы болгъанды. Нимруд жер башында биринчи къудуретли къазауатчы болгъанды. 9Ол Раббийни болушлугъу бла бек кючлю уучу эди. «Нимруд кибик, Раббийни болушлугъу бла кючлю уучу», – деген сёз мындан келеди. 10Бек алгъа аны патчахлыгъыны баш шахарлары Шинар жеринде Бабил, Эрек, Аккад эм Калне эдиле. 11Нимруд ол жерден чыгъып, Ашшургъа барып, анда Нинебаны, Рехобот-Ирни, Калахны 12эм Нинебаны бла Калахны арасында Ресен деген шахарны къурагъанды; бу уллу шахар эди.

13Мисирден туугъанла:

лудлула, анамлыла, лехаблыла, нафтухлула, 14патруслула, каслухлула (быладан филистлиле чыкъгъандыла) эм кафторлула.

15Кенандан туугъанла:

аны тюнгючю Сидон бла Хет, 16эбуслула, аморлула, гиргашлыла, 17хивлилени, арклыланы, синлилени, 18аруадлыла, семарлыла эм хаматлыла.

Артда кенанлы миллетле чачылып кетгендиле да, 19кенанлыланы чеклери Сидондан Герар таба Газагъа дери, андан да Содомгъа, Гоморагъа, Адмагъа эм Цевоимге барып, Лашагъа дери эди.

20Была Хамны туудукъларыдыла; ала жерлеринде эм миллетлеринде тюрлю-тюрлю тукъумла эм тилле жюрютгенлеге бёлюннгендиле.

Шем улулары

21Яфетни тамата къарындашы Шемгъа да уланла туугъандыла. Шем битеу Эбер улуланы атасы эди.

22Шем улулары:

Элам, Ашшур, Арпакшад, Луд эм Арам.

23Арам улулары:

Уц, Хул, Гетер эм Маш.

24Арпакшаддан Шелах туугъанды, Шелахдан а Эбер туугъанды.

25Эберге эки улан туугъанды:

бирини аты Пелег#10:25 Пелег атны магъанасы «бёлюнюу», «юлешинюу». эди, нек дегенде, аны заманында жер юлешиннген эди, аны къарындашыны аты уа Ёктан эди.

26Ёктанны туудукълары:

Алмодад, Шелеф, Хацармавет, Ерах, 27Хадорам, Узал, Дыкъла, 28Обал, Абимаил, Шеба, 29Офир, Хауила эм Ёвав. Ала бары да Ёктанны уланлары эдиле.

30Быланы жашагъан жерлери Мешадан башлап, кюн чыкъгъан жанындагъы Сефар табада тау жерге дери эди.

31Была Шемни туудукъларыдыла; ала жерлеринде эм миллетлеринде тюрлю-тюрлю тукъумла эм тилле жюрютгенлеге бёлюннгендиле.

32Была кеслерини миллетлеринде, тукъум тарыхларына кёре, Нухну жашларыны тукъумларыдыла. Суу къыямадан сора жер башында миллетле аладан жайылгъандыла.

Currently Selected:

Жаратылыу 10: МалкъСК

Highlight

Copy