ဖံးလံးပံၤ တဲၤဆူကူၢ်
တဲၤဆူကူၢ်
စီၤပီလူးအစဲာ်ပရဳဒဳ ခရၱာ်ဖဳးအအီၣ် ဖံလံးပံၤ တဲၤအီၣ်ပျဳာ်အအူဆူးကဓူၤတပျဳာ်အနံၤခံ ထဲၢ် စမဲၤထာ်ကဲၤဒဳယူရပၤအလၢ်ခဳးပူၤ, ရိမ့ၤအတဲၤ အူအံာ်, မၤက့းဒနံက့ၤနဳၤ. အဘဲာ်ဝှ့းဘ့ စအီၣ် တဲၤကၱတၱၢ်ပူၤ, ဘ့တဲၤဆဳတဲၤခဲထဲၢ် စစာ်ထၱး ဘဲာ် တဲၤပၤတဲၤဆဲဒဳခရၱာ်အတဲၤမဲၤဖဳး အလဝ့ၤ တစီာ်ထာ်ခဳးကါစဲာ်ကၱာ် တဲၤသးဘဲာ်ဒိဒဳ အဘဲာ် ကၠးတဲၤသဲၣ်လှိကမဲး ဒဳဖံလံးပံၤအတဲၤအီၣ်ပျဳာ် အပူၤအစဲနဳၤ. နီၣ်သီနှီနူၤ, စဲာ်ပရဳအယဳၤတဘဲာ် သဲလ့ၤအံာ်တဲၤသးကနၢ်အံာ်ကၱာ်တဲၤဘူၣ်ထဲၢ် အဘဲာ်ဒီၣ်လှၱထာ်ကဲာ်ထာ်မၱာ်စီၤပီလူးအတဲၤဘူၣ်တဲၤနဲၢ်အဓဳၤအယီၢ်အအီၣ် ဒဳခရၱာ်အပူၤ အခဳးအစဲနဳၤ.
တဲၤဝၱၤတဲၤကဲအီၣ်ထာ်သဲကဳၤသဲလဲၤကဲၤမၱာ် ဘ့စလဳၤပၤပံဒဳပံဆး အခၠၱးနဳၤ, ခရၱာ်ဖဳးအအီၣ် ဖံလံးပံၤတစီာ် မဲၤဇဳၤသိထိးစဲာ်အခဳးအစဲ, စဒီၣ် လှူၣ်ဒီၣ်တါက့ၤလၢ်ဝၤကၱာ်ဝှ့းကဲၤစဲာ်တဘဲာ်ယဳၤလီၤ. စမဲၤအံာ်တဲၤခွဲး တဲၤယာ်အယဳၤအကမဲၤမှ့း မဲၤကျဳၤက့ၤတဲၤဘူၣ်တဲၤနဲၢ်ဒဳ စဲာ်တစီာ်အပူၤ စာ်ဘိထဲၢ်စဲာ်တစီာ်ကအီၣ်အံာ်တဲၤခဳးတဲၤအါ ကၱာ်တဲၤဘူၣ်ဘ့စဲာ်ကၱာ် လၢ်ဝၤတစီာ်သဲန့ၤကဲာ်ထၱး တဲၤပၤတဲၤဆဲအခၠၱးနဳၤ. စတၤမီၤလၢ်ဝၤတစီာ် အကအီၣ်အံာ်ယ့ၣ်ရှူးအတဲၤပဲၢ်ဘိးလၤအသး, ကၱာ်အကတအီၣ်အံာ်ပီၢ် တဲၤသးအဲးနံၤဓဳၤကၱာ် တဲၤပဲၢ်ထာ်ထိအန့ၤတစီာ်နီးနဳၤ. စမဲၤကမဳၤထာ် နံၤလၢ်ဝၤဒဳ စဲာ်တစီာ်အတဲၤအီၣ်သမိပျဳာ်ပျဳာ်ကၱာ် ခရၱာ်အပူၤမၱာ်တဲၤအံာ် လၤတမဳၤထဲၢ်အဘဲာ်ကၠး ကဘၱာ်စဲာ်အလှူၣ်အတါစနံၤဘဲာ်ဒဳ တဲၤဘူၣ် အစဲ, တမၱာ်ဒဳတဲၤဆီးခ့န့းလ့ၢ်သဲာ်ဟိ ကၱာ်မဲၤကိာ် ယူဒၤဖဳးအတဲၤသဘူၣ် သဘဲအနူၤအဒီအတဲၤမှဲးလၤနီးနဳၤ. စဝှံးကဲၤအဘဲာ်ကၠးတဲၤသးကနၢ်အံာ် ကၱာ်တဲၤစဳးတဲၤမီၤထဲၢ် ကဘၱာ်စဲာ်အံာ်လၤနံၤ အအီၣ်ပျဳာ်ပျဳာ်ခရၱာ်တစီာ် နဳၤ.
စဲာ်ပရဳတဘဲာ်ယဳၤအီၣ်ကၱာ်အတဲၤစီးကျၱးလၤဆါ ဒဳအဒဲလၱၢ်ထာ် တဲၤသးလဳၢ်သးလၤ, တဲၤဘူၣ်, တဲၤအီၣ်ယံၢ်ဒွါ, တဲၤခီးသးဒီအအီၣ်ဒဳ ခရၱာ်ဖဳး အတဲၤဘူၣ်ကၱာ် အတဲၤအီၣ်သမိအပူၤနဳၤ. စဲာ်ပရဳ အယဳၤဒဲလၱၢ် ထာ်ကိာ်ကိာ် စီၤပီလူးအတဲၤဘဲာ် လီၢ် ဖံလံးပံၤအတဲၤအီၣ်ပျဳာ်အခဳး မၱာ် အအီၣ်ကဲၤပွ့းတဲၢ်နဳၤ.
တဲၤဝၱၤတဲၤကဲအကျဳၤပူၤ
တဲၤဆူကူၢ် (၁:၁-၁၁)
တဲၤမဲၤအန့ၤကၱာ်စီၤပီလူးတစီာ် (၁:၁၂-၂၆)
တဲၤအီၣ်သမိဒဳခရၱာ်အပူၤ (၁:၂၇—၂:၁၈)
တဲၤမၤလၤနံၤဒဳစီၤတံၤမသ့းကၱာ် စီၤအ့းပၤဖြီးဒံတူးအနံၤခံ (၂:၁၉-၃၀)
တဲၤအံာ်သဓံအကခးရှံဒ့ဒီၣ်တစီာ်ကၱာ် တဲၤဘဲာ်ရှဳဘဲာ်မၤတစီာ် (၃:၁—၄:၉)
စီၤပီလူးကၱာ်စသီၣ်ဖံလံးပံၤဖဳးတစီာ် (၄:၁၀-၂၀)
တဲၤဘီဘံာ် (၄:၂၁-၂၃)
Currently Selected:
ဖံးလံးပံၤ တဲၤဆူကူၢ်: GBA
Highlight
Copy
Compare
Share
Want to have your highlights saved across all your devices? Sign up or sign in
Geba Roman New Testament © Bible Society of Myanmar, 2021.