ကလၤတံ တဲၤဆူကူၢ်
တဲၤဆူကူၢ်
ဘ့တဲၤသးလဳၢ်သးလၤအံာ်အဝၱၤအကဲ အဘဲာ် ကၠးယ့ၣ်ရှူးဘဲာ်ပီၢ်အံာ်အသဲလဲၢ်ခဳး ကၱာ်ပၠၤအီၣ်အဲး အီၣ်အီးထဲ်အတဘဲာ်ယူဒၤဖဳးနီးတစီာ်ဖၱးနံၤကဲၤနဳၤ, တဲၤထိးတဲၤဒဲအီၣ်ထာ်ကဲၤဒဳခရၱာ်ဖဳးအနှဲးတပွဲၤမီၤမဲၤ ကိာ် စီၤမိၤရှ့အတဲၤသိၣ်တဲၤသီနဳၤဧါ, နီးဧါ, နဳၤ. စီၤပီလူးဒီၣ်ရှံက့ၤစဲာ်တစီာ်ထဲၢ် အတလဳၤပၤ ကဆီးခ့န့း စီၤမိၤရှ့အတဲၤမှဲးလၤနီး, တဲၤအီၣ် သမိဒဳခရၱာ် အပူၤအခၣ်ထၱးခးဘီမၱာ် ထဲၢ်တဲၤဘူၣ် အစဲလီၤ. ထဲၢ်ပၠၤကိအပွဲၤဘဲာ်ပဲၢ်တၱၢ်ပဲၢ်မှးအံာ်ကိာ် ကဘၱာ်စဲာ်နဳၤ. ပရၤဆါဒဳကလၤတံက့ၤအူး, ထဲၢ်အ အီၣ်ဒဳအၤစံက့ၤ, ရိမ့ၤအတဲၤအူအံာ်အလဲၢ်, အတဲၤ အီၣ်ပျဳာ်တစီာ်စီာ်ထာ် ဒ့ဒီၣ်ကဲၤစီၤပီလူးကၱာ်ဒီၣ်ကဲၤ စာ်ဘိထဲၢ်ပၠၤတပွဲၤပွဲၤကဘဲာ် ပဲၢ်တၱၢ်ပဲၢ်မှး ဒဳကဘၱာ်စဲာ်အလှီမီၢ်အနံၤခံနဳၤ စကဘဲာ်လိၤကိာ်စီၤမိၤရှ့ အတဲၤသိၣ် တဲၤသီလီၤ.
စီၤပီလူးအစဲာ်ပရဳထဲၢ်စဝှ့းနံၤကလၤတံက့ၤနဳၤ အဝှ့းလၤကဲၤ စာ်ဘိ ထဲၢ်အကသဲက့ၤပၠၤတစီာ်ဒဳ အ ဘဲာ်သဲာ်ဖြီးကဲၤတမဳၤယဳၤဒဳ တဲၤဘူၣ်အတၱၢ်အမှးအနံၤခံနဳၤ. စီၤပီလူးစးထာ်အတဲၤ ယၱၢ်ဘဲာ်ဒဳအတဲၤဝဳၤအံာ်အန့ၤအပူၤကၱာ်ဒီၣ်ကဲၤထဲၢ် စမၱာ်သဓဳဖဳးကဘၱာ်စဲာ်သဲန့ၤရိၤထာ်ကဲၤ ကၱာ်တဘဲာ် ပၠၤရိၤထာ်နီး, ကၱာ်စမၱာ်ပၠၤအနံၤဘဲာ်တဲၤဖျူတဲၤသ ရ့ာ်ဒဳကဘၱာ်စဲာ်အီၣ်, ကၱာ်စတဲၤမဲၤမၱာ်အကမဲၤတဲၤ အယဳၤဒဳအတဘဲာ်ယူဒၤဖဳးနီးတစီာ်အနံၤခံနဳၤ. မဲၤဝှါ စဒီၣ် တရၤအီၣ်အဲးထာ် ထဲၢ်ပၠၤ တပွဲၤပွဲၤ ဘဲာ်ပဲၢ်တၱၢ်ပဲၢ်မှးဒဳကဘၱာ်စဲာ်အလှီမီၢ် မၱာ်ထ့တဲၤ ဘူၣ်တမဳၤလီၤနဳၤ. ဒဳတဲၤဘီဘံာ်က့ၤစစဲာ်ပရဳ အကျၤဓဳၤတစီာ်အပူၤနဳၤစီၤပီလူးဒဲလၱၢ်ထာ်ထဲၢ် ခရၱာ်ဖဳးတစီာ်အတဲၤအီၣ် သမိမၱာ်တဲၤဘဲာ်လီၢ် ထဲၢ်အအီၣ်ဒဳ တဲၤဘူၣ်ခရၱာ်အပူၤနဳၤ.
တဲၤဝၱၤတဲၤကဲအကျဳၤပူၤ
တဲၤကဳၤထာ် (၁:၁-၁၀)
စီၤပီလူးအစိသလဲအစာ်ဘိပွဲၤသဓဳဖဳးတပွဲၤ အခီ (၁:၁၁-၂:၂၁)
တဲၤသးလဳၢ်သးလၤအံာ်အဝၱၤအကဲ အဘဲာ်ကၠး ကဘၱာ်စဲာ်အလှူၣ်အတါ (၃:၁-၄:၃၁)
ခရၱာ်ဖဳးအတဲၤအီၣ်လှိအီၣ်လၤကၱာ်အလိၢ် အခဲး(၅:၁-၆:၁၀)
တဲၤဘီဘံာ်(၆:၁၁-၁၈)
Currently Selected:
ကလၤတံ တဲၤဆူကူၢ်: GBA
Highlight
Copy
Compare
Share
Want to have your highlights saved across all your devices? Sign up or sign in
Geba Roman New Testament © Bible Society of Myanmar, 2021.