ကလၤတံ 1
1
1-2ယဲၤစီၤပီလူး ကၱာ်သဲပူၤဝ့ၤအအီၣ်ကိာ် ယ ကါ ဘ့ယဳၤတစီာ်ဝှ့းဒီဆးသံတဲၤအီၣ်ပျဳာ်ဖဳး အအီၣ်ဒဳက လၤတံက့ၤပူၤလဳစါစဲးဒဳတဲၤဖျူ တဲၤ သရ့ာ် ယ့ၣ်ရှူးခရၱာ်သဲန့ၤ အံာ်လၤယဲၤအပူၤနဳၤ, ကၱာ်ကဘၱာ်စဲာ်ပာ်အဘးဝဲၢ်ထဳးက့ၤစဲာ်တဲၤသံကျဲ တပွဲၤအမံၤအပူၤနဳၤ. 3ဝၤနှူဆဲးတပွဲးသံဒဳဘၱာ်စဲာ်ပာ်ကၱာ်ဘၱာ်စဲာ်ယ့ၣ်ရှူးအတဲၤလှူၣ် တဲၤတါကၱာ်အတဲၤယံၢ်တဲၤဒွါအပူၤနဳၤ.
4ခရၱာ်အံာ်လၤကဲၤအန့ၤဒဳဝၤတဲၤခီၣ်ဝဲၤခီၣ်ခးတစီာ်အနံၤခံ, စာ်ဘိထဲၢ်စကမဲၤလှိထာ်က့ၤပီၢ်ဝၤဘ့အတဲၤကၱကဲာ်မဲၤလှီအဆဳအခဲ, ခဳနဳၤယဳၤဒဳတဲၤဆီၤခ့န့း ဝၤဘၱာ်စဲာ်ပာ်အတဲၤသးအဲးနံၤအပူၤနဳၤ. 5ဘၱာ်စဲာ်ပာ်ကဘဲာ်ဒီဧဲၤတဲၤတီၤတဲၤသ့းလၤထူလၤပျဳၤ. အၤမ့ၣ်.
တဲၤအံာ်သဓံ
6ယထဲးတမိၢ်တမှါဆိးကဲၤဒဳသံဒးဖျီးမံကဲၤသံန့ၤဒဳဘၱာ်စဲာ်ပာ်ထဲၢ်အယဳၤကဲၤသံဒဳခရၱာ်အတဲၤလှူၣ်တဲၤတါ အပူၤတပွဲၤအီၣ်, ကၱာ်အကလိၤကိာ်ပျာ်ပျါကဲၤတဲၤသးလဳၢ်သးလၤအံာ် အဝၱၤအကဲအကျဲးသအီအသဲအခဳးအစဲနဳၤ. 7အတဘဲာ်ဒဳတဲၤသးလဳၢ်သးလၤအံာ်အဝၱၤအကဲအလဝ့ၤဆီးဆူအစဲနီး, မၱာ်ပၠၤအသးအဲးမဲၤပၤသံတစီာ်သးအဲးမဲၤတပိၢ်တပ့ၤခရၱာ်တဲၤသးလဳၢ်သးလၤအံာ်အဝၱၤအကဲအခဳးအစဲနဳၤလီၤ. 8ပရၤဆါတဲၤတဲၤသးလဳၢ်သးလၤအံာ်အဝၱၤအကဲအစီးကျၱး ကၱာ်ဝၤဒီထိးနံၤထဳ သံနဳၤ, အကမၱာ်နီၣ်သီဝၤသဲန့ၤမၱာ်ဝၱၤ, မီၢ်ခဳးပွဲၤဇဳၤအ အီၣ်ဒဳမီၢ်ခဳးတပွဲၤပွဲၤမၱာ်ဝၱၤ, စကဘဲာ်ဒီဧဲၤတဲၤဟိးကၱကဲာ်. 9အယဳၤမၱာ်ယဒီၣ်ကဲၤတဲၤယၱၢ်ဘဲာ်ယဒီဆးထဳ သံလှ့မဳၤစဲခဳးနဳၤ, ယကဒီၣ်က့ၤဒီအသဲတပျာ်ပ့ၤ, ပၠၤထဲၢ်အဒီထိးနံၤ သံတဲၤသးလဳၢ်သးလၤအံာ်အဝၱၤအကဲအစီၤကျၱး ကၱာ်သံနံၤဘဲာ်ကဲၤတပွဲၤပွဲၤနဳၤ, စကဘဲာ်ဒီဧဲၤ တဲၤဟိးကၱကဲာ်.
10ခဳနဳၤယဳၤယသးအဲးမဲၤဘဲာ်သး ကဲၤပီၢ်ပွဲၤ. ပၠၤဧါ, မၱာ်ကဘၱာ်စဲာ်နဳၤဧါ. ယမၱာ်အဝၢ်လှဲးပၠၤအတဲၤဘဲာ်သဳးဘဲာ်သး, သံကဒီၣ်ဒီယဲၤဓဳၤဧါ. တဘဲာ်တပွဲးဓဳၤနီး. ယသးအဲးနံၤမၱာ်ကဘၱာ်စဲာ်အတဲၤဘဲာ်သဳးဘဲာ်သးလီၤ. ယကသးအဲးနံၤဝ့ၤ မၤတဲၤအနဳၤတဇဲၢ်နဳၤဒဳၣ်, ယကတမၱာ်ခရၱာ်အခၱအပွဲၤနီး.
စီၤပီလူးတၤမီၤကဘၱာ်စဲာ်အတဲၤယဳၤ
11သဲပူၤဝ့ၤတစီာ်, ယသးအဲးမဲၤသၱာ်ဟဲသံမၱာ် အယဳၤ. တဲၤသးလဳၢ်သးလၤအံာ်အဝၱၤအကဲထဲၢ်ယဒီ ထိးလၤနံၤသံတမၱာ်ပၠၤအအဲနီး. 12တဘဲာ်ဒဳပၠၤအတဲၤ ဒီဆးယဲၤတဗွဲနီး, ကၱာ်ပၠၤတသဲာ်လှိလၤယဲၤတဗွဲနီးနီး. မၱာ်တဲၤထဲၢ်ယတီၤနံၤဖၱးနံၤကဲၤဒဳ ယ့ၣ်ရှူးခရၱာ်အတဲၤဘးလှၱလါနံၤယဲၤတခီ.
13သံသၱာ်ဟဲတပွဲးယဲၤမၱာ်ပၠၤအသဘဲယူဒၤဖဳးအဲ တပွဲၤနဳၤမီၢ်. ယလိၤမဲၤဆဲးညဲဇၱၢ်ကဲၤကဘၱာ်စဲာ်အတဲၤအီၣ်ပျဳာ်နဳၤ. ယမဲၤကဲမဲၤအိးကဲၤစဲာ် ပွ့တမံၤ. 14ဒဳယခီကလဳၢ်ယူဒၤဖဳးတစီာ်အလှီမီၢ်နဳၤ ယဆီထဳးအီၣ်ကဲၤစာ်တဲၢ်နဳၤ, ကၱာ်ယသဳးဆိးသးဆိးကဲၤဒဳယဖံယဖူတစီာ်အနူၤအဒီအခဳးလဲၢ်ကါလဲၢ်နဳၤ.
15နီၣ်သီနှီနူၤ, ကဘၱာ်စဲာ်ထဲၢ်အရိၤထာ်ကဲၤယဲၤလှ့ယအီၣ်ဝ့ၤယမဳၤအဖူပူၤတပွဲၤနဳၤယဳၤက့ၤယဲၤဒဳစလှူၣ်စတါအပူၤစာ်ဘိထဲၢ်ယကမဲၤစတဲၤမဲၤနဳၤ. 16စရိၤကဲၤယဲၤအကဒဲလၱၢ်ယဲၤစဖဳးခဳ, စာ်ဘိထဲၢ်ယကဒီဆးပီၢ်ပွဲၤသူကူာ်ဖဳးတစီာ်တဲၤသးလဳၢ်သးလၤအံာ်အဝၱၤအကဲနဳၤ, ယတလ့ၤတၤကဲၤပၠၤအတဲၤအံာ်ကဳအံာ်ကၠးတဗွဲနီး. 17ယတထာ်ကဲၤဒဳယရူၤၡလ့ၣ်အူးအကလ့ၤစာ်ပၠၤအဖၱထာ်အူဆူးကဲၤယဲၤသဓဳဖဳးတစီာ်နဳၤနီးနီး. မၱာ်ယလ့ၤဘး တနၢ်ကဲၤဒဳက့ၤအ့ရ့းကၱာ်အလ့ၤကါ့ ယက့ၤဘးကဲၤဒဳ အူးဒၤမ့ၤစ့းနဳၤတခီ. 18သဳဒ့ာ်ဖျီတလိးဝှါတခးလဲာ် ယလ့ၤထာ်ကီယရူၤၡလ့ၣ်အူး အကယၱၢ်ဘဲာ်ထၱး စီၤပ့းတရူးကၱာ်အီၣ်ကိာ်ကီစကါၡံးယဲၢ်သဲအဓၢ်ပူၤ. 19ယတကဲာ်ထၱးကဲၤသဓဳဖဳးအလဝ့ၤတစီာ်နီး. ယကဲာ်ထၱးကဲၤထ့စီၤယၤကိာ်ထဲၢ်ဘၱာ်စဲာ်အသဲပူၤဝ့ၤတပွဲၤနဳၤ.
20ယဝှ့းစဲာ်အယဳၤမၱာ်တဲၤတၱၢ်တဲၤမှးလီၤ. တဘဲာ်ယပျဲးနီးနဳၤ ကဘၱာ်စဲာ်သၱာ်ဟဲတပွဲး.
21အလ့ၤကါယလ့ၤကဲၤဒဳစူၤရံက့ၤကၱာ်ကံၤလံၤကံက့ၤနဳၤ. 22မၱာ်တဲၤအီၣ်ပျဳာ်အအီၣ်ဒဳယူဒၤက့ၤနဳၤတစာ်ထၱးယဲၤကၱာ်တသၱာ်ဟဲယဝၱၤယကဲတမံနှၱနီး. 23မၱာ်စဲာ်တစီာ်သၱာ်ဟဲဘဲာ်ပၠၤဒီဆးစဲာ်ယဝၱၤယကဲ, “ပၠၤထဲၢ်အလိၤမဲၤဆဲးညဲတဲၤအီၣ်ပျဳာ်ဖဳးတပွဲၤနဳၤ ဒီၣ်အူဒီ ဆးကဲၤတဲၤဘူၣ်တဲၤနဲၢ် စသးအဲးမဲၤဟဲးဝၱၢ်ဟဲးကဲ လှ့အ အူဆူးတဓဲနဳၤ.” 24ကၱာ်စဲာ်တစီာ်ကီၢ်အံာ်ထါအံာ်ကဲၤကဘၱာ်စဲာ်ယခဳးလဲၢ်ကါလဲၢ်.
Currently Selected:
ကလၤတံ 1: GBA
Highlight
Copy
Compare
Share
Want to have your highlights saved across all your devices? Sign up or sign in
Geba Roman New Testament © Bible Society of Myanmar, 2021.
