၂ ကရံၣ်သူး 13
13
တဲၤအံာ်သဓံအကူဓူၤကါကၱာ်တဲၤနှူဆဲး
1ယလ့ၤထၱးထဳသံသဳပျာ်တပျာ်ယဳၤ. အလဳၤပၤသ့ပွ့ၤပၠၤ အကခးသဲသၱးဒဳတဲၤဆးယီၤအနံၤခံ, အၡံးဖဳကဓူကၠံၢ်ပွဲၤ, စာ်ဘိထဲၢ်စဲာ်စါထံဒီၣ်နဳၤ. 2ယသးအဲးဒီဆးသံ အမဲၤကဲၤတဲၤခီၣ်ဝဲၤလှ့အအူဆူးနဳၤတစီာ် ကၱာ်ပၠၤကိအပွဲၤ, ထဲၢ်ယဒီၣ်ကဲၤဘ့ယဓဳၤထၱးသံကၠံၢ်ပျာ်တပျာ်နဳၤ, မၱာ်ခဳနူၤယဳၤယကဒီၣ်ဝ့ၤဘ့ယအီၣ်ဒဳအယၱၤနဳၤနဳၤ, ယလ့ၤကဒီအသဲတပျာ်ပ့ၤနဳၤ, တဲၤခီၣ်ဝဲၤမှီးဘဲာ် ကတအီၣ်ပ့ၤနီး. 3သံသးအဲး နံၤသဲသၱးထဲၢ်ခရၱာ်ယၱၢ်ဘဲာ်ဒဳယပူၤ နဳၤ, သံကနံၤ ဘဲာ်လဳတပွဲး. သံသၱာ်ဟဲ စတဘဲာ်အၡံးအဇ့ၤနီး, မၱာ်စဒဲ လၱၢ်ထာ်တဲၤခဳးတဲၤအါဒဳသံကျဲတခီ. 4မၤနဲၢ်, စဘဲာ်ထးလၤကျဳၤ ကဲၤဒဳသဳာ်ပျီၤထူၣ်စူညါအလီၤဒဳတဲၤခဳးဇ့ၤအါဇ့ၤအပူၤနီၣ်သီနှီနူၤ, စအီၣ် သမိဝ့ၤဒဳကဘၱာ်စဲအတဲၤခဳးတဲၤအါအပူၤနဳၤ, ကနဳၤအခီ, အစာ်ဘိစဲာ် နဳၤဝၤခဳးဝၤအါတအီၣ်နီး, မၱာ်သံနံၤခံ ဝၤကအီၣ်သမိပျဳာ်ကီစဲာ်ဒဳ ကဘၱာ်စဲာ်အတဲၤခဳးတဲၤအါအပူၤနဳၤ.
5ကမဳၤလၤက့ၤပီၢ်သံန့ၤ, ကၱာ်မဲၤလၤတံၤ က့ၤပီၢ်သံတဲၤဘူၣ်တဲၤနဲၢ် မၱာ်အအီၣ်မှ့းအီၣ်ကျဳၤ ပွဲးဧါနဳၤ. ထိးစာ်ဒဲစာ်သံန့ၤ. သံအဳလါဖျးလၤတပွဲး ထဲၢ်ခရၱာ်အီၣ်ဒဳသံပူၤနဳၤတဘဲာ်နီးဧါ. 6ယဘူၣ် တပွဲးသံကသၱာ်ဟဲထဲၢ်ဝၤတဆူးဘဲာ်နီးနဳၤ. 7ဝၤ သဘဲကဘၱာ်စဲာ်စာ်ဘိထဲၢ်သံက တမဲၤပီၢ်တဲၤကမဲာ် တမံနီးနဳၤ, အယဳၤမၱာ်တဘဲာ်ဝၤသးအဲးဒဲလၱၢ်ထာ် ဝၤနဳၤဝၤပဲၤကဲၤ အစဲနီး, မၱာ်ဝၤမၱာ်နီၣ်သီအစာ်ဘိအဆူးအပးတစီာ်နှီနူၤ, ဝၤသးအဲးနံၤသံကမဲၤတဲၤအဘဲာ်အပီၤနဳၤတခီ. 8မၤနဲၢ်ဒဳၣ်, တဲၤအထာ်ဒ့ဒီၣ် တဲၤတၱၢ်တဲၤမှးနဳၤ ဝၤတမဲၤတပွဲးတမံနီး, မၱာ်ဝၤ အီၣ်ကိာ်တဲၤတၱၢ်တဲၤမှးအကါတခီ. 9ဝၤခဳဝၤ အါတအီၣ်နီၣ်သီနီးနှီနူၤ, သံခဳးဘါအါဓဳၤဒဳၣ်ဝၤ သးကနၢ်အံာ်တပွဲး. ဝၤသဘဲထာ်သံနံၤခံ စာ်ဘိ ထဲၢ်သံကပ့ထာ်ဇီၤထာ်ပီၢ်နဳၤ. 10အယဳၤအစဲ ယအီၣ်ဒဳအယၱၤနဳၤကၱာ်ဝှ့းနံၤကဲၤသံစဲာ်, စာ်ဘိထဲၢ် ဘ့ယဓဳၤ ထၱးသံနဳၤယကတမဲၤဆိးပီၢ်သံဒဳဘၱာ်စဲာ်အံာ်လၤယဲၤတဲၤအဖျူသရ့ာ် အကမဲၤထာ်မဲၤထိသံအနံၤခံ, တဘဲာ်အကမဲၤကဲမဲၤအိးသံအနံၤခံနီးနဳၤ.
11ခဳနူၤယဳၤ, အဳသဲပူၤဝ့ၤတစီာ်, ဝၤနှူဆဲး သံတဲၤမီၤတဲၤမၤ. ထူးခဳးထူးအါစာ်ဘိပၠၤကတကဲာ်ထၱးပီၢ်သံတဲၤကမဲာ်တမံနီးအနံၤခံနဳၤ. ဆီးခ့န့း ပီၢ်ယတဲၤတၤမီၤသံ, မဲၤဇဳၤအၣ်ဇဳၤလှဲးပီၢ်လၢ်ဝၤ တပွဲၤကၱာ်တပွဲၤ. အီၣ်ပီၢ်တဲၤမီၤတဲၤမၤအပူၤ, ကၱာ်ကဘၱာ်စဲာ်အတဲၤဘဲာ်လီၢ်ကၱာ် အတဲၤစဳးတဲၤ ချံးကအီၣ်ကိာ်ဒီဧဲၤသံကါ.
12နှူဆဲးလှဲးပီၢ်လၢ်ဝၤ ဒဳတဲၤနှူဆဲးစါထံအပူၤနဳၤ. 13ပၠၤစါထံလဳစါစဲးနှူဆဲးလ့ၤသံလီၤ.
14ဘၱာ်စဲာ်ယ့ၣ်ရှူးအလှူၣ်အတါ, ဘၱာ်စဲာ်ပာ် အတဲၤဘဲာ်လီၢ်ကၱာ်သးစါထံအတဲၤလဲၢ်ပျဳာ်ကအီၣ် ကိာ်ဒီဧဲၤသံလဳစါစဲးအကါ.
Currently Selected:
၂ ကရံၣ်သူး 13: GBA
Highlight
Copy
Compare
Share
Want to have your highlights saved across all your devices? Sign up or sign in
Geba Roman New Testament © Bible Society of Myanmar, 2021.
