၂ ကရံၣ်သူး 9
9
တဲၤမၤဇဳၤခရၱာ်ဖဳးယၢ်သိးသိး
1အသ့ပွ့ၤနဳၤတဲၤအံာ်က့ၤစာ်က့ၤပၠၤစါထံအအီၣ်ဒဳ ယူဒၤက့ၤတစီာ်အနံၤခံ ယမီၤဝှ့းနံၤသံစဲာ်တအီၣ် ပၤခဳးတပွဲးနီး. 2ယသၱာ် ဟဲထဳသံသဳးဆိးသး ဆိးကဲၤပွ့းတဲၢ်အစဲနဳၤ, ကၱာ် ယထါအံာ်ကီးအံာ် ကဲၤ သံဒဳ မၤက့းဒနံဖဳးတစီာ်အလှီမီၢ်, ယဒီၣ်, “အဃါယၤဖဳးတစီာ်အီၣ်တီၤလီၤ ကဲၤ အကအံာ်လှူၣ်လၤတဲၤလှ့ဒ့ာ်မဳၤနဳၤ.” အယဳၤ အစဲ သံတဲၤသဳးဆိးသးဆိးတဓဲမှီးနံၤကဲၤပၠၤ ပွ့တမံၤ. 3ယသဓဳလ့ၤကၢ်ကါ သဲပူၤဝ့ၤတစီာ်လီၤ, စာ်ဘိထဲၢ်ဝၤတဲၤပဲၢ်ဓဳၤပဲၢ်ထိသံတဓဲ အကတကဲာ်ထာ်ပီၢ်အနှးနှါနီးနဳၤ, ကၱာ်သံကအီၣ်တီၤလီၤ ပီၢ်အစာ်ဘိယဒီၣ်နဳၤ. 4သဲလဲးသလီ မၤက့း ဒနံဖဳး ထဲၢ်အကလ့ၤကိာ်ယကါတစီာ် ကပာ်ထၱး မၤသံတအီၣ် ကးဆဲးဝၢ်ဆဲးသံန့ၤနီးဒဳၣ်, ဝၤကဘဲာ်သါဝၢ်တပွဲးဒဳၣ်ချဳသံနဳၤ, ထဲၢ်သံ ဆးၡံအံာ်သွဲးဝှါသံန့ၤနဳၤ. 5ကနဳၤအစဲယကမဳၤကီအကနှးသဲ ပူၤဝ့ၤအယဳၤတစီာ်ကလ့ၤထၱးသံဒဳ ဝၤလှီမီၢ်, ကၱာ် ကမဲၤကြၱၢ်ပီၢ် တဲၤအံာ်က့ၤစာ်က့ၤသံအၣ်မါခးအံာ် ဝှါကဲၤတစီာ်နဳၤ, ကၱာ်တဲၤအရါ အထာ်နံၤတဲၤအံာ် က့ၤစာ်က့ၤထဲၢ်အဘဲာ်ထူးပျဳာ်ဖၱးပျဳာ်ကဲၤဒဳသံတဲၤ သဳးလှီသးလှီအပူၤတစီာ်နဳၤ.
6ဆီးသိပိၢ်နှဲးမဲး, ကပၢ်လၤကြီၤကြၱၢ်ဒဳၣ် ကကဲာ်ဘဲာ်ကြီၤကြၱၢ်, သံဒၱပၢ်လၤအီၣ်အဲး, သံဒၱကဲာ်ဘဲာ်အီၣ်အဲး. 7တပွဲၤလၤဓူၢ် မီၤအံာ်လၤပွ့ စကမဳၤဒဳစသးပူၤနဳၤ, တဘဲာ်ဒဳတဲၤမိၢ်မိၢ်အၱးအၱး အကျဲ, တဲၤနှးနဳၤနှးပဲၤအစဲနဳၤနီး, မၤနဲၢ်, ကဘၱာ် စဲာ်ဘဲာ်လီၢ်ပၠၤအအံာ်သးလဳၢ်သးလၤတဲၤတပွဲၤ အစဲနဳၤ. 8ကဘၱာ်စဲာ်အတဲၤဟိးဝၱၤ အကလၤ သံခဳးနဳၤအကတလဳၢ်ဇၤကီနီး. စကစာ်ကီ ထဲၢ်တဲၤအ လဳၤပၤသံနံၤခံတစီာ်နဳၤ အကအီၣ်နံၤသဲာ်ယိကီသံ, ကၱာ်သံကမဲၤဇဳၤပၠၤအလဝ့ၤတစီာ် အနံၤခံမၱာ်မၱာ်အက အီၣ်သဲာ်ယိနံၤကီသံနဳၤ. 9အစာ်ဘိစဲာ်စါထံဒီၣ်,
“စမဲၤဇဳၤလဳသဳးလဳသးကၱာ်အံာ်ကဲၤအဆဲး ညဲဖဳးတစီာ်,
စတဲၤမဲၤအဝၱၤအဘဲာ်တစီာ်နဳၤကတဘဲာ်ဆီးသိပိၢ်နှဲးကီတပျါနီးနဳၤ.”
10ကၱာ်ကဘၱာ်စဲာ်ထဲၢ်အအံာ်လၤနံၤသံတဲၤခွံအကဆဳးလၤပၢ် လၤအနံၤခံကၱာ်တဲၤအၣ်တကဳာ်အနံၤခံ လဳစါစဲးတပွဲၤကအံာ်လၤကီ သံ တဲၤ သးအဲးနံၤအခွံ လဳစါစဲးကၱာ်အကသဲာ်ထာ်ဖီထာ်အံာ်အီၣ်အဲးအီးအီး ဒဳၣ်ချဳကီဒဳသံတဲၤဖၱးတဲၤမဲၤအဖီအသဲာ်နဳၤ. 11ကၱာ်ဒီသံ ကနံၤအီယီၤအၣ်ဝှါအမဳအမဳၤထိသံကအံာ် ကီဒဳတဲၤသဳးလှီသးလှီအပူၤ ဒဳဝၤစူးခီးပူၤဒဳတဲၤထါ ထာ်အံာ်က့ၤကဘၱာ်စဲာ်အလှူၣ်အတါနဳၤလီၤ. 12တဲၤဖၱးတဲၤမဲၤအဝၱၤအဘဲာ်ယဳၤမၱာ်တဘဲာ်ထ့အမဲၤနံၤ ပၠၤအစါထံတစီာ်အတဲၤအီၣ်အနံၤခံတဲၤအၣ်တဲၤအီလီၤနီး, မၱာ်အမဲၤဓဳၤထာ်ကိာ်တဲၤထါ အံာ် ကဘၱာ်စဲာ်အလှူၣ်အတါလီၤ. 13ဒဳတဲၤဖၱးတဲၤ မဲၤယဳၤအပူၤ သံဒဲလၱၢ်ထာ်ကဲၤသံမၱာ်ပၠၤတၤနဲၢ်နူၤ, ကၱာ်သံမဲၤနံၤကဲၤပၠၤတစီာ်ကပဲၢ် တီၤပဲၢ်သ့းကဘၱာ်စဲာ် ဒဳသံဖၱးနံၤကဲၤကၱာ် မဲၤအံာ်ကဲၤခရၱာ်အတဲၤသဳးလဳၢ် သးလၤအဝၱၤအကဲနဳၤ, ကၱာ်သံသဳးလှီသးလှီကၱာ် ခီၣ် ဝဲၤမှီးဘဲာ်ကဲၤ ပၠၤ လဳစါစဲးနဳၤ. 14ဒဳကဘၱာ်စဲာ်ဒဲလၱၢ်ထာ်နံၤသံစလှူၣ်စတါအလၤ ဓူၢ်လၤဆါအခဳး အစဲ, စဲာ်တစီာ်ဘဲာ်စွံးဒးထဳးနံၤကဲၤဒဳသံအီၣ် ကၱာ် ဒဳတဲၤဘဲာ်လီၢ်သံအဓဳၤအယီၢ်အပူၤ, စကတၤသဘဲကီသံနံၤခံ. 15တဲၤမှီးဘဲာ်ဘၱာ်စဲာ်ဒဳ စတဲၤ အံာ်က့ၤစာ်က့ၤ ကဒီဆးတလဳၢ်ဇၤနီးတစီာ်အစဲ နဳၤ.
Currently Selected:
၂ ကရံၣ်သူး 9: GBA
Highlight
Copy
Compare
Share
Want to have your highlights saved across all your devices? Sign up or sign in
Geba Roman New Testament © Bible Society of Myanmar, 2021.
