၂ ကရံၣ်သူး 8
8
ခရၱာ်ဖဳးတစီာ်အတဲၤလှူၣ်
1ခဳနူၤယဳၤ, သဲပူၤဝ့ၤတစီာ်, ဝၤသးအဲးနံၤ သံသၱာ်ဟဲကဘၱာ်စဲာ်အလှူၣ်အတါလၤဘဲာ်မၤက့း ဒနံအက့ၤပူၤတဲၤအီၣ်ပျဳာ်တစီာ်မၱာ်ကဲၤစာ်တဲၢ်နဳၤ. 2စဲာ်တစီာ်ဒဳတဲၤပၤတဲၤဆဲအဓဳၤအဇၱၢ်အပူၤ, စဆဲးညဲနီၣ်သီ, စလှီးလၤကဲၤစတဲၤဖဳးတဲၤလံၤဒဳတဲၤ သးလှီအပူၤစာ်တဲၢ်နဳၤဝၤသၱာ်ဟဲဘဲာ်ထဳ. 3ယဒီၣ်ခူတပွဲး ထဲၢ်စဲာ်တစီာ်အံာ်လၤ ပွ့စကဲာ်ထာ်နဳၤ, ကၱာ်အံာ်ဒဳၣ်လံစအံာ်ကဲာ်ထာ်နဳၤ လီၤ. စတၤမီၤဝှါကၱာ်တၤမီၤဝၤ 4အကပ့ၤလၤနံၤစခီကဘၱာ်စဲာ်အပၠၤခွံဖဳးတစီာ် ဘ့ယူဒၤ က့ၤအပူၤနဳၤ. 5ကၱာ်ထိဝၤတကမဳၤပးနံၤနီးနဳၤ, စဲာ်တစီာ်အံာ်လၤလၤကဲၤအန့ၤ. အအူဆူးနဳၤစအံာ်လၤကဲၤစန့ၤဒဳကဘၱာ်စဲာ်အစူးခီးပူၤနဳၤ, မဲၤဝှါ ဒဳကဘၱာ်စဲာ်အတဲၤသးအဲးနံၤအီၣ်အဓ့, စဲာ်တစီာ်အံာ်လၤကဲၤအန့ၤဒဳ ဝၤစူး ခီးပူၤနဳၤနဳၤ. 6မဲၤကနဳၤ, ဝၤသဓဳကီ စီၤတံတူး, ထဲၢ်ဒဳစကဳၤထာ်ထဳတဲၤ မဲၤ အကါထၱးအခဳးအစဲ, အကမဲၤဖၱထာ်ရၢ်ထာ် တဲၤအံာ်က့ၤစာ်က့ၤအတဲၤမဲၤဒဳ သံခဳးသံကျဲနဳၤ. 7တၤနဲတၤနဲၢ်နဳၤ, အအဲအီၣ် အဲးကဓူၤမၱာ်သံလီၤ, ဒဳတဲၤဘူၣ်တဲၤနဲၢ်, တဲၤယၱၢ် ဘဲာ်တတီၤ, တဲၤသၱးဒိးသၱာ်ဟဲ, တဲၤသဳးဖြဲသးဖြဲ, ကၱာ်အဘဲာ်လီၢ်ဝၤအဓဳၤကဓူၤ, ကနဳၤအခဳးအစဲ ဝၤဆးၡံအံာ်သံကၱာ်အံာ်လၤဒဳၣ်ချဳတဲၤမဲၤဇဳၤဒဳ တဲၤ ခီၣ်ဝဲၤမှီးဘဲာ်အယဳၤတဓဲအပူၤနဳၤ.
8အယဳၤတဘဲာ်ယထူးလၤမှဲးလၤသံနီး. မၱာ် ယဒိးသီ တြီၤ သံတဲၤဘဲာ်လီၢ်ကၱာ်ပၠၤအလဝ့ၤတစီာ် အဲလီၤ. 9ကမဳၤထာ်နံၤပီၢ် ဘၱာ်စဲာ်ယ့ၣ်ရှူးအသး လှီကီပွ့းတဲၢ်နဳၤ. စဲာ်မၱာ်အယဲၤဓၢ်, မၱာ်သံနံၤခံစဆဲး ညဲကဲၤ, စာ်ဘိထဲၢ် ဒဳစတဲၤဆဲးညဲအပူၤ, စကမဲၤ ယဲၤဓၢ်ပီၢ်သံနဳၤ.
10အစာ်ဘိယဒီၣ်နဳၤ, ယအံာ်ကဳအံာ်ကၠး သံ, သံနံၤခံအဘဲာ်ကျဲးတပွဲး. မၤနဲၢ်ဒဳၣ်သံမၱာ် ကဲၤအအူဆူး, လှ့ဒ့ာ်မဳၤနဳၤ, သံပဲၢ်ထာ်ကဲၤသံသး အကကဳၤထာ်ကဲၤတဲၤမဲၤတခီ. 11ကနဳၤအစဲ, မဲၤထိမဲၤဝှါပီၢ်သံတဲၤမဲၤ, တဲၤသးဆိ အကမဲၤဝှါက့ၤ အစာ်ဘိသံပဲၢ်ထာ်ကဲၤသံသးအကမဲၤထာ်နဳၤ, ကၱာ်မဲၤပီၢ်ဘ့တဲၤအီၣ်နံၤသံအဓ့နဳၤ. 12သံတဲၤသးဆိးကအီၣ်နှဲးနှဲးဒဳၣ်, တဘဲာ်ဒဳသံအဲတအီၣ်နီးအပူၤနီး, မၱာ်ဘ့တဲၤအီၣ်နံၤသံအပူၤ ကဘၱာ်စဲာ်ကဖၱးနံၤတပွဲးသံအဲ.
13-14တဘဲာ်ယသးအဲးမဲၤဖံထာ်ဝှါပၠၤလဝ့ၤ အတဲၤဘံာ်တဲၤဇၢ်ကၱာ်တဲာ်ထာ်တဲၤသံလီၤတဲၤဘံာ် အထဳးအပၤနီး. ပရၤဆါခဳနူၤယဳၤ သံအဲအီၣ်အဲး အီးအီးနဳၤအံာ်လၤပ့ၤလၤနံၤပီၢ်ပၠၤအအဲတအီၣ် နံၤ စဲာ်နီးတစီာ်နဳၤတခီ. ကတဒီၣ်ဝၱၤနီး, ဘ့ာ်မ့တနံၤ တသဲစနံၤခံအလၤပျၱၤလၤပျိၤတစီာ် ကမၱာ်ပီၢ်သံ တဲၤတအီၣ်နီးအနံၤခံတဲၤအံာ်က့ၤစာ်က့ၤနဳၤ. ကၠံၢ်ခီလဳၢ်လဳၢ်ကမၱာ်ကီယၢ်သိးသိးလီၤ. 15တဲၤ ဘါချဲးဇၤအန့ၤကနဳၤ အစာ်ဘိစဲာ်စါထံဒီၣ်, “ပၠၤ အထူးနံၤဖၱးနံၤအီၣ်အဲးတပွဲၤအနံၤခံ အလၤပျၱၤ လၤပျိၤတအီၣ်နီး. အထူးနံၤဖၱးနံၤတကၱာ်လီၤ တပွဲၤတအီၣ်ပၤအီၣ်ဆဲနီး.”
စီၤတံတူးကၱာ်အခီတစီာ်
16ယထါထာ်အံာ်ကဘၱာ်စဲာ်အလှူၣ်အတါဒဳ စဘဲနံၢ် စီၤတံတူး အသးပူၤအကမဲၤဇဳၤသံ အစာ် ဘိယမဲၤကဲၤနဳၤ. 17တဘဲာ်ဒဳဝၤသဓဳစဲာ်အစဲခၣ်လဲာ်စမဲၤကီနီး. မၱာ်စသဳးဆိးသးဆိး သဲာ်ယိ ကၱာ်စလ့ၤထၱးဓီသံစလဳၤစလၤ. 18ဝၤသဓဳလ့ၤကိာ်ကဲၤ သဲပူၤဝ့ၤ ထဲၢ်တဲၤအီၣ်ပျဳာ်တစီာ်ဒဳဘဲာ်ယးဘဲာ်ဒဳအဘဲာ်ကၠးကၱာ်တဲၤဒီၣ်အူဆးအူ တဲၤသးလဳၢ်သးလၤအံာ်အဝၱၤအကဲတပွဲၤပျဳာ်ပျဳာ်ကၱာ်စဲာ်လီၤ. 19ဒဳၣ်ချဳကၱာ်အယဳၤ စမၱာ်တဲၤအီၣ်ပျဳာ်တစီာ်ရိၤထာ် အစာ်ဘိဝၤခီဝၤသီၣ် အကလ့ၤမဲၤတဲၤခီၣ်ဝဲၤမှီးဘဲာ်အတဲၤမဲၤအယဳၤနဳၤ, ဒဳကဘၱာ်စဲာ်အတီၤအသ့းအနံၤခံဝၤတတၱၢ်အံာ်သးကဲၤတဲၤမဲၤဇဳၤအတဲၤဖၱးတဲၤမဲၤအယဳၤနဳၤ.
20ဝၤဘူၣ်ဆးၡံအံာ်ထဲၢ်တဲၤစံးရးဖးမ့ၤဝှိအချဳးဓဳၤပွ့ကယဳၤ ကတဖၱထာ်ပီၢ်တဲၤဆးယီၤနီၤနဳၤ. 21မၤနဲၢ်, ဝၤမဲၤတဲၤအဘဲာ်ကျဲး ဒဳကဘၱာ်စဲာ်အလှီမီၢ်ကၱာ်ပၠၤအလှီမီၢ်မီၢ်အခဳးအစဲနဳၤ.
22မဲၤဝှါဒဳၣ်, အကလ့ၤကိာ်အယဳၤကၠံၢ်ပွဲၤ အကါဝၤသဓဳလ့ၤ တပွဲၤပ့ၤ, ထဲၢ်အတဲၤသဳးဆိး သးဆိးနဳၤဝၤသၱာ်ဟဲဘဲာ်အီၣ်အဲပျာ်ထဳ နဳၤကၱာ်အဘူၣ်ဆးၡံအံာ်သံတပွဲၤနီၤ. 23ယကဒီၣ် ဝ့ၤအလှီမီၢ် တကၱာ်မၱာ်, စီၤတံတူးမၱာ်ယခီကလဳၢ် ကၱာ်အမဲၤပျဳာ်ယဲၤတဲၤတပွဲၤ, အလဝ့ၤကၠံၢ်ပွဲၤမၱာ် တဲၤအီၣ်ပျဳာ်အပျိၤထဲၢ်အမၱာ်သ့ပွ့ၤအလ့ၤအံာ်ခရၱာ် အတီၤအသ့းတစီာ်နဳၤ. 24မဲၤကနဳၤဒဳၣ်, ဒဳတဲၤ အီၣ်ပျဳာ်လဳစါစဲးအလှီမီၢ်နဳၤ ဒဲလၱၢ်ပီၢ်စဲာ်သံတဲၤ ဘဲာ်လီၢ်ကၱာ်သိထိးပီၢ်ဝၤဒဳတဲၤဖၱးဓဳၤဖၱးမူၤသံအခဳး အစဲနဳၤ.
Currently Selected:
၂ ကရံၣ်သူး 8: GBA
Highlight
Copy
Compare
Share
Want to have your highlights saved across all your devices? Sign up or sign in
Geba Roman New Testament © Bible Society of Myanmar, 2021.
