၂ ကရံၣ်သူး 10
10
စီၤပီလူးအတဲၤဒီၣ်ရှံပၠၤအတဲၤဆးယီၤ
1အယဳၤမၱာ်ယဲၤစီၤပီလူး, သဲန့ၤအတဲၤဒီၣ်သၱာ်ဟဲ, ဒဳခရၱာ် အတဲၤသဳးဘၱာ်သးယူၢ်ကၱာ် အတဲၤခီးသးဒီအပူၤနဳၤ, ယဲၤ, ထဲၢ်ပၠၤအပဲၢ် ဘိးလၤအန့ၤဘ့သံလှီမီၢ်, ကၱာ်အခူအဟဲဘ့အအီၣ်ယၱၤကၱာ် သံတပွဲၤ နဳၤသးအဲးတၤမီၤသံ, 2ဘ့ဝၤလ့ၤဓဳၤ ထၱးသံအခၠၱးနဳၤ, အံာ်ပီၢ်မဲးဝၤမဲၤခူမဲၤဟဲဝၤနဲၤမဲး. မၤနဲၢ်, ပၠၤထဲၢ်အဒီၣ်ဒဳဝၤမၱာ်အမဲၤတဲၤပၠၤအမူၢ်ကါ တစီာ်အလီၤနဳၤဝၤမဲၤခူမဲၤဟဲဇၤတပွဲးဝၤနဲၤလီၤ. 3ဝၤအီၣ်ကၱာ်ဖ့းအီၣ်ကၱာ်ဟၱးဟဳ, ပရၤဆါအမဲၤ ဆဲးဆီးဧီၢ်ထာ်ဝၤအဒဳးတဲၤဖၠးတဲၤမၱာ်တဘဲာ်ဖ့းဟၱး နီး. 4ဝၤတဲၤရၱၢ်တဲၤစူတမၱာ်လၢ်ခဳးဖဳးအတဲၤရၱၢ်တဲၤစူနီး, ပရၤဆါမၱာ်ကဘၱာ်စဲာ်အဲ, ထဲၢ်အခဳးဘါအါဓဳၤပွ့အတ့ၤလၤတ့ၢ်ဖြးကဲာ်ထာ်တဲၤ ဘီာ်ထာ်အမှ့းအကျဳၤတစီာ်နဳၤ. ဝၤဓ့ၤလၤဓ့ၢ်ဖြးဇၤပၠၤ အတဲၤတရၤတစီာ်, 5တဲၤသွံၣ်ဓဳၤအထာ်ဒ့ဒီၣ်တဲၤ သၱာ်ဟဲကဘၱာ်စဲာ်တစီာ်နဳၤ. ဝၤဖီၣ်, ဝၤစဳကျဳၤကၠၱၢ် ကျဳၤဇၤတဲၤကမဳၤကိအမဳၤ စာ်ဘိထဲၢ်ဝၤကလ့ၤ အံာ်ပီၢ်စဲာ်ဒဳတဲၤဆီးခ့န့းခရၱာ်အလ့ၢ်နဳၤ. 6လှ့ မဳၤစဲခဳးနဳၤသံအီၣ်အံာ်ကဲၤတဲၤဆီးခ့န့းလ့ၢ်သဲာ်ဟိ ပ့ပ့ဇီၤဇီၤ, ကၱာ်ဝၤအီၣ်တီၤလီၤကဲၤအကစံးရးတဲၤ တဲၤတဆီးခ့န့းလ့ၢ်သဲာ်ဟိနီးအရါနဳၤ.
7သံစာ်လီၤတဲၤထဲၢ်အအီၣ်လၱၢ်ထာ်တပီး ခဳးတစီာ်လီၤ. ကယါပၠၤအဘူၣ်ထဲၢ်စမၱာ်ခရၱာ်အပၠၤ တပွဲၤနဳၤ, ကမဳၤပီၢ်ထဲၢ်ဝၤမၱာ်မၱာ်ဝၤမၱာ်ခရၱာ်အပၠၤ တစီာ်လီၤနဳၤ. 8အလါမၱာ်ယပဲၢ်ဓဳၤပဲၢ်မူၤကဲၤယန့ၤ, ပရၤဆါဘၱာ်စဲာ်အံာ်ကဲၤယဲၤအဖျူအသရ့ာ် အကပြးထာ်သံ, ကၱာ်အကဖြးကဲသံဒဳၣ်, ယကတသါဝၢ်အံာ်ဘဲာ်တပွဲးနီး. 9ယတသးအဲးနံၤသံ ကမဳၤယဲၤမၱာ်ပၠၤအမဲၤၡံးဆါအံာ်သံကၱာ်အိးစဲာ်တပွဲၤ နဳၤနီး. 10ပၠၤကဒီၣ်ကီသံကယဳၤ, “စီၤပီလူးဝှ့း စဲာ်ကၱာ်တဲၤယၱၢ်ဘဲာ်အဆိး, နီၣ်သီနှီနူၤ ဒဳဝၤလှီမီၢ် နဳၤစဲာ်မၱာ်ပၠၤအဇ့ၤဘူးဇ့ၢ်သဳ, ကၱာ်စတမၱာ်ပၠၤအဒီ ထိးဇၤတဲၤတပွဲၤနီး.” 11ပၠၤအဒီၣ်တဲၤကနဳၤတပွဲၤနဳၤ ကမဳၤထာ်နံၤဒီဧဲၤ, ဘ့ယအၣ်ယၱၤကၱာ်သံအခၠၱး, အစာ်ဘိတဲၤယၱၢ်ဘဲာ်အအီၣ်ယအိးယစဲာ်ပူၤတစီာ်အခီနဳၤ, ဘ့ဝၤဓဳၤထၱးသံ နဳၤ, ဝၤတဲၤဖၱးတဲၤမဲၤကမၱာ်ကီကနဳၤလီၤလီၤ. 12ဝၤတခူပွ့ဝၤဒိးလၤဝၤနဲၤဒဳပၠၤအပဲၢ်ထာ်ယၱၤတစီာ် အကျဲနဳၤနီး, ကၱာ်ဝၤတဒိးသီတြီၤဝၤနဲၤကၱာ်ပၠၤ အလဝ့ၤတဗွဲနီးနီး. ပၠၤထဲၢ်အပဲၢ်ဓဳၤပဲၢ်မူၤလၤက့ၤ ဓီအန့ၤလီၤတစီာ်နဳၤ, စမၱာ်ပၠၤအကဓူၤလီၤ. 13မၱာ်ဝၤယဳၤ, ဝၤတယၱၢ်ဘဲာ်ထာ်ယၱၤလိၤလၤဒဳၣ်လံ ဝၤတးယၱၢ်ဘဲာ်နီး. မၱာ်ဝၤယၱၢ်ဘဲာ်ထာ်ယၱၤအံာ်ဝၤ န့ၤကၱာ်တဲၤဖၱးတဲၤမဲၤထဲၢ်ကဘၱာ်စဲာ်အံာ်လၤနံၤဝၤ, ကၱာ်ဒီဝၤတဲၤမဲၤဒဳသံခဳးသံကျဲတစီာ်နဳၤအစဲလီၤ. 14ဝးတစိဝၤနဲၤပွ့သံကတထိးထာ်ဘးဝၤနဳၤနီး, မၱာ်ဝၤလ့ၤဓဳၤထၱးသံကၱာ်ဒီၣ်အူဒီဆးခရၱာ်အတဲၤ သးလဳၢ်သးလၤအံာ်အဝၱၤအကဲအစာ်ဘိလှ့အကါ ထၱးနဳၤလီၤ. 15မၱတမၱာ်ဒဳကဘၱာ်စဲာ်အံာ်လၤနံၤဝၤ တစီာ်နီးနဳၤ, ဝၤတယၱၢ်ဘဲာ်ထာ်ယၱၤသွံးအံာ်ကဲၤ ပၠၤအလဝ့ၤတစီာ်အတဲၤဖၱးတဲၤမဲၤအခဳးအစဲနီး, မၱာ်ဝၤဆးရှံအံာ်, အစာ်ဘိသံတဲၤဘူၣ်ဓဳၤထာ်သရ့ၤ သရ့ၤနဳၤ, ဝၤကမဲၤဇၤပီၢ်တဲၤမဲၤဒဳသံခဳးသံကျဲဒဳၣ်လံကၱာ်အလ့ၤ, အစာ်ဘိကဘၱာ်စဲာ်လဲၢ်လၤနံၤဝၤ အဓ့နဳၤ. 16ဝှါဒဳၣ်ဝၤကလ့ၤအံာ်ကီတဲၤသးလဳၢ် သးလၤအံာ်အဝၱၤအကဲဒဳအလ့ၤအီၣ်ယၱၤကၱာ်သံ တစီာ်နဳၤ, တဘဲာ်ဒဳတဲၤဖၱးတဲၤမဲၤပၠၤမဲၤဝှါကဲၤ တစီာ်အခဳးနီး.
17ပရၤဆါဒဳၣ် အစာ်ဘိတဲၤဝှ့းလၤအီၣ် အဒီၣ်, “ပၠၤအသးယၱၢ်ဘဲာ်ထာ်ယၱၤသွံးတပွဲၤစမဲၤဒီ ဧဲၤဒဳကဘၱာ်စဲာ်အမံၤအပူၤနဳၤ.” 18မၤနဲၢ်, ပၠၤ အထါအံာ်အန့ၤတပွဲၤကဘဲာ်ဘူၣ်နဲၢ်ကီတဘဲာ် နီး, မၱာ်ပၠၤထဲၢ်ကဘၱာ်စဲာ်ထါအံာ်တပွဲၤနဳၤတခီ.
Currently Selected:
၂ ကရံၣ်သူး 10: GBA
Highlight
Copy
Compare
Share
Want to have your highlights saved across all your devices? Sign up or sign in
Geba Roman New Testament © Bible Society of Myanmar, 2021.
