၂ ကရံၣ်သူး 11
11
စီၤပီလူးကၱာ်အပျဲၢ်အဘီၣ်အယီၤအယၤ
1ယသးအဲးနံၤသံတဲၤခီၣ်သးဒီယတဲၤသခဳး တကၱာ်. မၱာ်သံခီၣ်သးဒီနဲၤနီၤကဲၤယဲၤဟဳ. 2စာ် ပီၢ်, ယတဲၤသးကျးသံတဓဲမၱာ်အစာ်ဘိ ကဘၱာ်စဲာ် အတဲၤသးကျးအံာ်လီၤ. ယကဳထာ်ကၠးလၤအကအံာ်ဆးနံၤသံခရၱာ်, စာ်ဘိထဲၢ်ယကအံာ်ကဲသံအစာ်ဘိအဖိးသဲာ်အစါတပွဲၤဒဳစဝၤတပွဲၤလီၤအစူး ခီးပူၤနဳၤ. 3မၱာ်ဝူၤနဳၤ, ဒဳစတဲၤလၱးမးကးကွဲအပူၤလှီးပျဲးနံၤကဲၤနီၢ်အံၣ်အူအခီ, ယဘဲာ်ၡဳမၱာ်သံ တဲၤကမဳၤကကဲ ကၱာ်သံကဘဲလါတ့ၢ်တၤသံတဲၤ ဘဲာ်လီၢ်အစါအထံလဳသဳးလဳသးခရၱာ်, ကၱာ်ဒးဘး သံချဳဒဳစအီၣ်နဳၤလီၤ. 4မၤနဲၢ်ကဒီၣ်ဓဳၤဒဳၣ်, သံ လဲၤခးသဳးလဳၢ်သးလၤကဲၤပၠၤအလ့ၤထၱးသံကၱာ် ဒီထိးနံၤသံယ့ၣ်ရှူးအလဝ့ၤအစီးကျၱးကၱာ်ဝၤဒီထိး နံၤသံတပွဲၤနဳၤ, သံဖၱးနံၤကဲၤသးစါထံအစီးကျၱး ကၱာ်သံနံၤဘဲာ်ဝှါကဲၤ ကၱာ်ဘူၣ်ကဲၤတဲၤသဳးလဳၢ် သးလၤအံာ်အဝၱၤအကဲထဲၢ်အစီးကျၱးကၱာ်သံနံၤ ဘဲာ်ထဳဝၤအီၣ်နဳၤလီၤ.
5ယတကမဳၤဒဳယမၱာ်အၡံးဖဳးဒဳၣ်လံပၠၤထဲၢ် သံယဳၤစဲာ်, “အပျဲၢ်အဘီၣ်” တစီာ်ထၱးတမံၤနီး. 6ယကတမၱာ်နီၣ်သီ ပၠၤအယၱၢ်ဘဲာ်ပျၱသလိးဇၤတပွဲၤနီး နှီနူၤ, အဘဲာ်ကၠးတဲၤသၱာ်ဟဲနဳၤ ယတဘိးလၤတပွဲး နီး. ဝၤဒဲလၱၢ်လှၱထာ်ဖျီထာ်တယိၤယိထဳသံလှီမီၢ် ဒဳကျဲးကိအဘီအပူၤလီၤ.
7ဘ့ယဒီဆးသံကဘၱာ်စဲာ်အတဲၤသးလဳၢ် သး လၤအံာ်အဝၱၤအကဲနဳၤ, ယတတၤကဲၤသံအဆိး အလှဲတမံနီး. ယပဲၢ်ဘိးလၤယန့ၤစာ်ဘိထဲၢ်ယကလဲၢ် ထာ်ယၱၤသံနဳၤ, ယဒီၣ်အူဒီဆးတဲၤအစဲယတဖၱး ဆိးဖၱးလှဲကဲၤနီး. အတဘဲာ်ပ့ၤနီးတခီဧါ. 8ယကခးဇိၤသံအနံၤခံနဳၤ ယအါဝူၢ်ကဲၤတဲၤအီၣ်ပျဳာ် အလဝ့ၤတစီာ်နဳၤ. 9လှ့ယအီၣ်ကိာ်ဝ့ၤသံကါနဳၤ ပံဒဳပံဆးလဳၢ် တၱၢ်ယဲၤ, ယတအံာ်ကဲၤပၠၤတဲၤထဳး တဲၤပၤတဗွဲနီး. သဲပူၤဝ့ၤအအီၣ်ဒဳ က့ၤမၤက့းဒနံ အလ့ၤတစီာ်အံာ်က့ၤစာ်က့ၤလဳတပွဲးယဲၤ. ယဝဳၤလၤ အံာ်ကဲၤယန့ၤ, ကၱာ်ယကမဲၤသဲာ်ယိကဲၤကနဳၤ စာ်ဘိထဲၢ်ယကတမၱာ် ပီၢ်သံနံၤခံတဲၤထဳးတဲၤပၤတပျါနီးနဳၤ. 10ဒဳခရၱာ်အတဲၤတၱၢ်တဲၤမှးအအီၣ်ယပူၤနဳၤအခဳးအစဲ, ဒဳအဃါယၤအက့ၤပူၤယဳၤနဳၤယတဲၤယၱၢ်ဘဲာ်ထာ်ယၱၤသွံးအယဳၤတဓဲကတဘဲာ် ဖၱးကဲသံဝံၢ်ကီယဲၤတပျါနီး. 11ယကတဘဲာ် လီၢ်မၤသံနီးဒဳၣ်, ယကမဲၤပီၢ်ကနဳၤဧါ. ကဘၱာ်စဲာ် သၱာ်ဟဲတပွဲးယဘဲာ်လီၢ်သံနဳၤ.
12ယသးအီၣ်အကမဲၤဝ့ၤတဲၤထဲၢ်ယမဲၤခဳ နဳၤယဳၤတစီာ်နဳၤ, ကၱာ်ယတအံာ်ပၠၤအသးအဲးနံၤ တဲၤအၡဳကၢ်တစီာ် အခၠၱးအကျၤဒဳအကယၱၢ်ဘဲာ်ဓဳၤသွံၣ်နဳၤနီး. 13ပၠၤအယဳၤတစီာ်မၱာ်အပျဲၢ်အဘီၣ်အယီၤအယၤ, ပၠၤအတတၱၢ်တမှးနီး, ကၱာ်အသိပျိၤထာ်အန့ၤအစာ်ဘိခရၱာ်အပွဲၤအပျဲၢ်အဘီၣ်တစီာ်နဳၤ. 14တဲၤအမီၤထဲးတမိၢ်တမှါအလ့ၤတအီၣ်တပွဲးနီး. မဳၤဒဲးလၱးနှီနူၤသိပျိၤထာ်ဇၤတပွဲးအန့ၤအစာ်ဘိ တဲၤလှၱအမီၢ်ခဳးပွဲၤဇဳၤလီၤ. 15စဇိၤစပွဲၤတစီာ်မၱာ် မၱာ်ကသိပျိၤထာ်ဇၤမၤအန့ၤအစာ်ဘိတဲၤတၱၢ်တဲၤမှး အဇိၤအပွဲၤနဳၤဒဳၣ်, အမီၤထဲးတမိၢ်တမှါအလ့ၤတအီၣ်တပွဲးနီး. အကဓူၤလါ, စကနံၤဘဲာ်တပွဲးစမီၤ တးနံၤတစီာ်နဳၤ.
စီၤပီလူးအတဲၤခးဘဲာ်အစာ်ဘိသဓဳဖဳးတပွဲၤ
16အစာ်ဘိယဒီၣ်ကဲၤလှ့အကါထၱးနဳၤ, ပၠၤ ကတကမဳၤဒီဧဲၤယဲၤအစာ်ဘိအပျူၤတဗွဲနီး. မၱာ် သံကကမဳၤဓဳၤဒဳၣ်, လဲၢ်ဒီဧဲၤယဲၤအစာ်ဘိအပျူၤ တပွဲၤနဳၤ, ကၱာ်ယကယၱၢ်ဘဲာ်ထာ်ယၱၤသွံးဒီဧဲၤယဲၤ. 17ယကဒီၣ်တဲၤခဳနူၤယဳၤတစီာ်မၱာ် တဘဲာ်ကဘၱာ်စဲာ်နှးဒီၣ်ယဲၤနီး. မၱာ်ယကဒီၣ်တဳမူၤတဳဆါဒဳၣ်, ယမီၤယၱၢ်ဘဲာ်ထာ်ယၱၤသွံးတအီၣ်တပွဲးတမံနီး. 18ပၠၤအီၣ်အဲပွဲၤထါအံာ်ကီးအံာ်အန့ၤဒဳ စတဲၤမဲၤ အဘဲာ်ကၠးလၢ်ခဳးဖၱထာ်ရၢ်ထာ်အခဳးအစဲအခီနဳၤ, ယကမဲၤကိာ်ကီကနဳၤနဳၤ. 19သံသဲန့ၤမၱာ်ပၠၤအဇၤ အပျၤသ့ပွ့ၤအခဳးအစဲ, သံခီးသးဒီအံာ်ကဲာ်ထာ်တပွဲး အပျူၤတစီာ်ဒဳတဲၤသးလဳၢ်သးလၤအပူၤနဳၤ, ဘဲာ်ဟဳ, 20သံခီးသးဒီပၠၤထဲၢ် အသဓဳထာ်သဓဳလၤသံအစာ်ဘိဇိၤပွဲၤ, အအါဝူၢ် သံတဲၤ, အအၣ်ဓူၢ်သံခဳး, အစာ်တလၤကါ သံ ကၱာ်အဒဲးနံၢ်သံမူၢ်ကါပူၤတစီာ်နဳၤလီၤ. 21အသါ ဝၢ်အဳလါယဲၤဒဳ ဝၤတအီၣ်အံာ်တဲၤခူတဲၤဟဲ ပွ့အကမဲၤသံကနဳၤနီးအစဲနဳၤ.
ပရၤဆါပၠၤအသးယၱၢ် ဘဲာ်ခ့းသးကအီၣ်ဘ့ာ်မ့တပွဲၤပွဲၤဒဳၣ်, ယယၱၢ်ဘဲာ် အစာ်ဘိပၠၤအပျူၤ, ယခူတပွဲးပွ့ကနဳၤနဳၤ. 22စဲာ်တစီာ်မၱာ်ပၠၤဧ့ၤဘြံၤဖဳးဧါ. ယဲၤမၱာ် ပၠၤဧ့ၤဘြံၤဖဳးဖဳး. စမၱာ်အံၣ်စရ့လးဖဳးဧါ. ယဲၤမၱာ်မၱာ်. စမၱာ်စီၤအၤဘြၤဟၣ်အခွံအသလဲဧါ. ယဲၤမၱာ်မၱာ်. 23စမၱာ်ခရၱာ်အဇိၤဖဳးတစီာ်ဧါ. ယလါကၱာ်တပွဲး အပျူၤ, ဘဲာ်တပွဲးဟဳ. ယမၱာ်ဒဳၣ်ချဳခရၱာ်အဇိၤဖဳး, မၤနဲၢ်ဒဳၣ်, ယမဲၤဆီးဝဲဒဳၣ်လံစဲာ်တစီာ်. ယလၤတ့ၢ် နံၢ်တဲၤကၱတၱၢ်ပူၤတယိၤယိလီၤ, ယဘဲာ်တ့ၤဘဲာ်ပဳၤဒဳၣ်ချဳဝ့ၤ, ထိကၱာ်ယသးမီသံအီၣ်အဲပျာ်လီၤ. 24ယခးဘဲာ်ယူဒၤဖဳးတစီာ်လှၱးပျဲယဲၤဆဳၡံလွံၢ်သိးတချံး, ယဲၢ်ပျာ်. 25ရိမ့ၤဖဳးတစီာ်လှၱးအံာ် ယဲၤကၱာ်နှၱကျီးသဳပျာ်, ယခးဘဲာ်တဲၤဝှ့ယဲၤလဳၤတပျာ်, သဲပီၤလၤဖြးအံာ်ယဲၤသဳပျာ်, ကၱာ်တပျာ်နဳၤ ယအီၣ်ဘဲာ်ထံပဲာ်လဲာ်ပူၤတနဲၤကၱာ်တနံၤလီၤ. 26ယဟဲးဘဲာ်သဲာ်ယိကျဲး, တဲၤဘဲာ်ၡဳအီၣ်ဒဳလီၢ်ဓဳၤ ပူၤ, တ့ၤဝှ့ဖဳးတစီာ်အစူးခီးပူၤ, ယခီထၱးခီဒဳတစီာ် အစူးခီးပူၤကၱာ်ပွဲၤသူကူာ်ဖဳးတစီာ်အစူးခီးပူၤ, တဲၤ ဘဲာ်ၡဳဒဳအူးပူၤဒဳပူၤ, ဒဳမှၱးလဲၢ်ခဳးသဳာ်လဲၢ်ကျဲ, ဒဳပဲာ် လဲာ်ပူၤ, ကဒီၣ်ဘဲာ်ယခီယခဲးအယီၤအယၤတစီာ် အစူးခီးပူၤနဳၤနဳၤ. 27ယဖၱးတဲၤမဲၤတဲၤဆီးဝဲဘဲ သး, တဆီးမံဆီဟးဘဲာ်နီး, ယဆီတအၣ်ပၤတအီ, အီၣ်အဲပျာ်အလၤဒီၣ်လၤဖျၱးယဲၤ, ယအီၣ်လှိး သိကၱာ်ခးဘဲာ်ကဲၤတဲၤဟီးတဲၤရွှံး, တဲၤဆဲးညဲပီၤ တီၤလီၤ. 28အချဳနဳၤယဘဲာ်ရှဳဘဲာ်မၤဘဲာ်တဲၤအီၣ်ပျဳာ်လဳစါစဲးအနံၤခံခံ. 29ပၠၤတပွဲၤပွဲၤအခဳး ကဇ့ၤအါကဇ့ၤဒဳၣ်, ယခဳးဇ့ၤအါဇ့ၤကိာ်စကါ. အကလၤခူးလၤတကျဳတပွဲၤပွဲၤဒဳၣ်, ယအီၣ်ပ့ထာ် ကၱာ်တဲၤကဳၤတဲၤကဲၢ်လီၤ.
30ယကထါအံာ်ဘဲာ်မၤယန့ၤဒဳၣ်, ယထါ အံာ်ဘဲာ်ယတဲၤသခဳးလီၤ. 31ကဘၱာ်စဲာ်, ဘၱာ် စဲာ်ယ့ၣ်ရှူးအပာ်အမံၤကဘဲာ်ဟိးဝၱၤသဲာ်ယိ, စသၱာ်ဟဲတပွဲးတဘဲာ်ယပျဲးနီးနဳၤ. 32ဘ့ယအီၣ် အူးဒၤမ့ၤစ့းနဳၤ, ဆးဖြးအရံတၢ်အပွဲၤဓဳၤဘဲလါ ပၠၤခွဲဘးအူးအကပိာ်ယဲၤအနံၤခံလီၤ. 33ပရၤ ဆါဒဳၣ်, ပၠၤစူလါတ့ၢ်ဘဲာ်ယဲၤ အူးထါရၢ်အချဳဒဳ ပးလှူၣ်အပူၤ, အကစွဲးလှိထာ်ဒဳစစူးခီးပူၤအနံၤခံ နဳၤ.
Currently Selected:
၂ ကရံၣ်သူး 11: GBA
Highlight
Copy
Compare
Share
Want to have your highlights saved across all your devices? Sign up or sign in
Geba Roman New Testament © Bible Society of Myanmar, 2021.
