၂ ကရံၣ်သူး 1
1
1စီၤပီလူးထဲၢ်ဝၤဘၱာ်စဲာ်ယ့ၣ်ရှူးခရၱာ်အအပျဲၢ်အဘီၣ်ထဲၢ်ကဘၱာ်စဲာ်ရိၤထာ်တပွဲၤ, ကၱာ်စီၤတံၤမသ့း ထဲၢ် ကဘၱာ်စဲာ်အတဲၤအီၣ်ပျဳာ်ပူၤ သဲပူၤဝ့ၤတပွဲၤ နှူဆဲးလ့ၤသံ ပၠၤစါထံလဳစါစဲးအအီၣ်အဃါယၤ အက့ၤတစီာ်—
2ဝၤပာ်ဘၱာ်စဲာ်ကၱာ် ဘၱာ်စဲာ်ယ့ၣ်ရှူးခရၱာ်အတဲၤစဳးတဲၤချံး ကလၤဘဲာ်ဒီဧဲၤသံခဳး.
တဲၤထါအံာ်ကဘၱာ်စဲာ်အလှူၣ်အတါ
3ဝၤဘၱာ်စဲာ်ယ့ၣ်ရှူးခရၱာ်အပာ်ဘၱာ်စဲာ်ဘဲာ် တဲၤဟိးဝၱၤ, စမၱာ်အပာ်အသဳးဘၱာ်သးယူၢ်ကၱာ် တဲၤမဲၤမီၤထာ်က့ၤလဳစါစဲအဘၱာ်စဲာ်, 4ထဲၢ်အမဲၤမီၤထာ် က့ၤ ဝၤ ဒဳတဲၤအဳးမှူအဳးရၤလဳစါစဲး, အကျဲဒဳဝၤတခီမၱာ်ဝၤမဲၤ ဇဳၤဇၤကီ အအဳးသဳး အဳးသးတစီာ်နဳၤ. ဒဳဝၤနံၤဘဲာ်တဲၤမဲၤမီၤထာ် က့ၤ အပ့ထာ် လၤပျၱၤလၤပျိၤအခဳးအစဲ နဳၤ. 5အစာ်ဘိဝၤခးဘဲာ်ပျဳာ်ခရၱာ်ဒဳစတဲၤပၤတြၤဆဲအဓဳၤအဇၱၢ် အခီနဳၤ, ဝၤနံၤဘဲာ်ကိာ်ကဘၱာ်စဲာ်အတဲၤမဲၤဇဳၤအဓဳၤအမူၤ ဒဳခရၱာ်အစဲနဳၤနဳၤ. 6ဝၤအဘဲာ်တဲၤဆဲးညဲမၱာ်သံတဲၤမဲၤမီၤထာ်ကၱာ်သံတဲၤလှိထာ် က့ၤ အနံၤခံလီၤ. မၱာ်ဘ့ဝၤဘဲာ်တဲၤမဲၤမီၤထာ်က့ၤနဳၤ အကမၱာ်ဘဲာ်သံတဲၤမဲၤမီၤ ထာ်က့ၤ, အကသိထိးကျဳၤအံာ်သံ, အကခီးသးဒီၣ်အံာ်တဲၤဆဲးညဲ ထဲၢ် ဝၤခးဘဲာ်ထိးတစီၤနဳၤ. 7ကၱာ်ဒီဝၤတဲာ်ဆးၡံ အံာ်သံခိးမၱာ်တဲၤသဳး မှ့းသးကျဳၤ, မၤနဲၢ်ဝၤသၱာ်ဟဲထဲၢ်သံခးပျဳာ်ဝၤ တဲၤဆဲးညဲအစဲသံ ကနံၤ ဘဲာ်ပျဳာ်ဝၤတဲၤမဲၤလှိထာ်က့ၤနဳၤ.
8သဲပူၤဝ့ၤတစီာ်, ဝၤသးအဲးနံၤသံကသၱာ်ဟဲထဲၢ် ဝၤခးဘဲာ် ယၤဘဲာ် ဒဳက့ၤအၤစံအပူၤတစီာ်မၱာ်တဲၤဘံာ်တဲၤဇၢ်ဝၤတဘံာ်ကဲာ်ထာ်နီး တစီာ်နဳၤ, ပွ့အစာ်ဘိဝၤတကမဳၤကၱာ်အကလှိထာ်ဖျီးထာ်ဒဳတဲၤအီၣ်သမိ အပူၤ နီး နဳၤ. 9မှးဟဳ, ဝၤဟဲးဘံာ်အံာ်ဇၢ်အံာ်တဲၤသံ ဒဳဝၤလီၤနဳၤ, ထဲၢ်အသဲာ်အံာ်ဟူကဲၤဝၤ အကတဆးၡံလၤအံာ်က့ၤအန့ၤနီး, မၱာ် ကဘၱာ်စဲာ်ထဲၢ်အဘး ဝဲၢ်ထဳးက့ၤအသံတစီာ်တပွဲၤနဳၤ. 10ကၱာ်ဒီစမဲၤလှိထာ်က့ၤထဳဝၤဒဳတဲၤသံကျဲ, ကၱာ်အလ့ၤကါစကမဲၤ လှိထာ် က့ၤဝ့ၤဝၤ. မှးဟဳ, ဝၤဆးၡံအံာ်မှ့းမှ့းစ့းစ့းစဲာ် ဒဳစကမဲၤလှိထာ်က့ၤကီ ဝၤတပျာ်ပ့ၤ, 11ဘ့သံ သဘဲ ဇဳၤဝၤနံၤခံနဳၤ. အတၤထာ် ဝၤနံၤခံ တဲၤမဲၤဇဳၤဒံအီၣ်အဲးအဲး, ဝၤကဒံထါထာ်အံာ်က့ၤကီကဘၱာ်စဲာ် ဒဳတဲၤ အံာ်လၤဝၤတစီာ်အစဲနဳၤ.
စီၤပီလူးဘါချဲးအတဲၤကဳတဲၤကၠး
12ဝၤဖၱးဓဳၤဖၱးမူၤတဲၤအီၣ်တမဳၤ, ထဲၢ်ဝၤ သးဒီဆးဝၤအဘဲာ် နဳၤ, ဝၤလဲၢ်ဒဳလဲၢ်ယးပၠၤကိ အပွဲၤ, ဒဳၣ်ချဳသံနဳၤ ဒဳကဘၱာ်စဲာ်အံာ်လၤနံၤ ဝၤတဲၤ သဳးတနၢ်သးတနၢ်အပူၤနဳၤ, မၱာ်ဒဳကဘၱာ်စဲာ် အလှူၣ်အတါအစဲ ဝၤတမဲၤတပီးခဳးကဲၤတၤတမံနီးနဳၤ. 13-14ဒဳဝၤအိးဝၤစဲာ်အပူၤနဳၤ, သံတစာ်ထၱးမဲၤတဲၤအဟူၣ်အဇီၤတမံနီး, မၱာ်သံဖးကၱာ်သၱာ်ဟဲဇၤတပွဲး. သံတသၱာ်ဟဲနီၣ်သီဝၤနှၱနီးနှီနူၤ, ယဆးၡံအံာ်တပွဲးဘ့ဝၤဘၱာ်စဲာ်ယ့ၣ်ရှူး ဓဳၤလ့ၤတပျာ်နဳၤ, သံကသၱာ်ဟဲဘဲာ် ကၱာ်ဖၱးဓဳၤဖၱးမူၤကီဝၤ စာ်ဘိထဲၢ် ဝၤဖၱးဓဳၤဖၱးမူၤကဲၤသံနဳၤ.
15ယဘူၣ်သ့ပွ့ၤသၱာ်လၱကဲၤကနဳၤဒဳၣ်, ယသးအဲးလ့ၤထၱး အူဆူး သံ စာ်ဘိထဲၢ်သံကနံၤဘဲာ် ပီၢ်အလှူၣ်အတါကၠံၢ်ပျာ်ပူၤနဳၤ, 16ယကလ့ၤဒဳ မၤက့းဒနံက့ၤဒဳၣ် ယကလ့ၤနံၢ်ထၱးသံ ဘ့ယလ့ၤ ခဲတပျာ်, ယက့ၤခဲ ယကက့ၤဘးထၱးကီသံတပျာ်ပ့ၤ, စာ်ဘိထဲၢ်ယတဲၤလ့ၤဒဳယူဒၤက့ၤအနံၤခံ ယကနံၤဘဲာ်ပီၢ်သံတဲၤမဲၤဇဳၤယကမဳၤဓဳၤ. 17တဲၤကဳထာ်ကၠးလၤအယဳၤနဳၤ, အဒဲလၱၢ်ကဲၤ ယဲၤမၱာ်အသးတဝၱၢ်တဝ့ၤဧါ. ဘ့ယကဳထာ်ကၠး လၤတဲၤနဳၤ, မၱာ်ပၠၤအတပွဲးဖဳးအအဲလီၤနဳၤဧါ. ဘ့ယယၱၢ်ဘဲာ်အခၠၱးနဳၤယဒီၣ်, “အဳၣ်” ကၱာ် “နီး” တပျာ်ခါလီၤနဳၤဧါ. 18အစာ်ဘိကဘၱာ်စဲာ်ဒီၣ် တဲၤ တၱၢ်တဲၤမှးသ့ပွ့ၤပွ့ၤအခီ, ယတဲၤအဳလါသံ တဘဲာ် “အဳၣ်” ကၱာ် “နီး” နီး. 19မၤနဲၢ်, ယ့ၣ်ရှူးခရၱာ်, ကဘၱာ်စဲာ်အဖဳး, ထဲၢ်စီၤစံလၤ (စီၤစံၤလဝ့နူၤ), စီၤတံၤမသ့း ကၱာ်ယဲၤသဲန့ၤ ဝၤဒီထိးလၤနံၤသံ စဝၱၤစကဲတပွဲၤနဳၤ တဘဲာ်ပၠၤတပွဲၤထဲၢ်, “အဳၣ်” ကၱာ် “နီး” တပျာ်ခါလီၤနီး. 20စဲာ်မၱာ်ဘၱာ်စဲာ်အအဲ “အဳၣ်” ဒဳကဘၱာ်စဲာ်အတဲၤအဳလါဖျးလၤ လဳစါ စဲးအနံၤခံလီၤ. မဲၤကနဳၤဒဳၣ်, ဒဳယ့ၣ်ရှူးခရၱာ်အခဳး အစဲ, ဝၤ “အၤမ့ၣ်” ဘဲာ်ကဲၤ ဒဳဘၱာ်စဲာ်အတီၤအသ့းအပူၤနဳၤ. 21အမဲၤမှ့းမဲၤကျဳၤဝၤ ကၱာ်သံဒဳ ခရၱာ်အပူၤ, ကၱာ်ဟိးဝၱၤထာ်ဝၤမၱာ်ကဘၱာ်စဲာ်လီၤ. 22ကဘၱာ်စဲာ်တီၤလၤမှါအံာ်ဝၤကၱာ်အံာ်ဝၤ သး စါထံဒဳဝၤပူၤ စာ်ဘိတဲၤအဳလါဖျးလၤအဘဲာ်ကၠး တဲၤလဳစါစဲး ထဲၢ်အအီၣ်ပြးနှဲးတီၤလီၤဝၤနံၤခံနဳၤ.
23ယယဳၤထာ်ကဘၱာ်စဲာ် စာ်ဘိထဲၢ်စကမၱာ် ပီၢ်ယသဲသၱး, မၤနဲၢ်စသၱာ်ဟဲယသဳးယသးလီၤ. ယလဲၢ်လၤကဲၤယသးဒဳ ယတလ့ၤပ့ၤကရံၣ်သူး အူးနီးနဳၤ သံနံၤခံမၱာ်တဲၤအအဲးလီၤ. 24ဝၤတဒီၣ်ဆိးဒီၣ်မှးသံဒဳသံကဘူၣ်ဘဲာ်တၤနဲၢ်တၤနဲၢ်နဳၤ နီး. သံတဲၤဘူၣ်အီၣ်မှ့းအီၣ်ကျဳၤနဳၤ ဝၤသၱာ်ဟဲတပွဲး. မၱာ်ဝၤမဲၤယံၢ်ပျဳာ်သံ ဒဳသံတဲၤသးလဳၢ်သးလၤ အနံၤခံလီၤ.
Currently Selected:
၂ ကရံၣ်သူး 1: GBA
Highlight
Copy
Compare
Share
Want to have your highlights saved across all your devices? Sign up or sign in
Geba Roman New Testament © Bible Society of Myanmar, 2021.
