Popular Bible Verses from ၂ ကရံၣ်သူး 1

Share

ဝၤ​ဘၱာ်​စဲာ်​ယ့ၣ်​ရှူး​ခ​ရၱာ်​အ​ပာ်​ဘၱာ်​စဲာ်​ဘဲာ် တဲၤ​ဟိး​ဝၱၤ, စ​မၱာ်​အ​ပာ်​အ​သဳး​ဘၱာ်​သး​ယူၢ်​ကၱာ် တဲၤ​မဲၤ​မီၤ​ထာ်​က့ၤ​လဳ​စါ​စဲ​အ​ဘၱာ်​စဲာ်, ထဲၢ်​အ​မဲၤ​မီၤ​ထာ် က့ၤ ဝၤ ဒဳ​တဲၤ​အဳး​မှူ​အဳး​ရၤ​လဳ​စါ​စဲး, အ​ကျဲ​ဒဳ​ဝၤ​တ​ခီ​မၱာ်​ဝၤ​မဲၤ ဇဳၤ​ဇၤ​ကီ အ​အဳး​သဳး အဳး​သး​တ​စီာ်​နဳၤ. ဒဳ​ဝၤ​နံၤ​ဘဲာ်​တဲၤ​မဲၤ​မီၤ​ထာ် က့ၤ အ​ပ့​ထာ် လၤ​ပျၱၤ​လၤ​ပျိၤ​အ​ခဳး​အ​စဲ နဳၤ.

အ​စာ်​ဘိ​ဝၤ​ခး​ဘဲာ်​ပျဳာ်​ခ​ရၱာ်​ဒဳ​စ​တဲၤ​ပၤ​တြၤ​ဆဲ​အ​ဓဳၤ​အ​ဇၱၢ် အ​ခီ​နဳၤ, ဝၤ​နံၤ​ဘဲာ်​ကိာ်​က​ဘၱာ်​စဲာ်​အ​တဲၤ​မဲၤ​ဇဳၤ​အ​ဓဳၤ​အ​မူၤ ဒဳ​ခ​ရၱာ်​အ​စဲ​နဳၤ​နဳၤ.

မှး​ဟဳ, ဝၤ​ဟဲး​ဘံာ်​အံာ်​ဇၢ်​အံာ်​တဲၤ​သံ ဒဳ​ဝၤ​လီၤ​နဳၤ, ထဲၢ်​အ​သဲာ်​အံာ်​ဟူ​ကဲၤ​ဝၤ အ​က​တ​ဆး​ၡံ​လၤ​အံာ်​က့ၤ​အ​န့ၤ​နီး, မၱာ် က​ဘၱာ်​စဲာ်​ထဲၢ်​အ​ဘး ဝဲၢ်​ထဳး​က့ၤ​အ​သံ​တ​စီာ်​တ​ပွဲၤ​နဳၤ.

အ​မဲၤ​မှ့း​မဲၤ​ကျဳၤ​ဝၤ ကၱာ်​သံ​ဒဳ ခ​ရၱာ်​အ​ပူၤ, ကၱာ်​ဟိး​ဝၱၤ​ထာ်​ဝၤ​မၱာ်​က​ဘၱာ်​စဲာ်​လီၤ. က​ဘၱာ်​စဲာ်​တီၤ​လၤ​မှါ​အံာ်​ဝၤ​ကၱာ်​အံာ်​ဝၤ သး စါ​ထံ​ဒဳ​ဝၤ​ပူၤ စာ်​ဘိ​တဲၤ​အဳ​လါ​ဖျး​လၤ​အ​ဘဲာ်​ကၠး တဲၤ​လဳ​စါ​စဲး ထဲၢ်​အ​အီၣ်​ပြး​နှဲး​တီၤ​လီၤ​ဝၤ​နံၤ​ခံ​နဳၤ.

ဝၤ​အ​ဘဲာ်​တဲၤ​ဆဲး​ညဲ​မၱာ်​သံ​တဲၤ​မဲၤ​မီၤ​ထာ်​ကၱာ်​သံ​တဲၤ​လှိ​ထာ် က့ၤ အ​နံၤ​ခံ​လီၤ. မၱာ်​ဘ့​ဝၤ​ဘဲာ်​တဲၤ​မဲၤ​မီၤ​ထာ်​က့ၤ​နဳၤ အ​က​မၱာ်​ဘဲာ်​သံ​တဲၤ​မဲၤ​မီၤ ထာ်​က့ၤ, အ​က​သိ​ထိး​ကျဳၤ​အံာ်​သံ, အ​က​ခီး​သး​ဒီၣ်​အံာ်​တဲၤ​ဆဲး​ညဲ ထဲၢ် ဝၤ​ခး​ဘဲာ်​ထိး​တ​စီၤ​နဳၤ.