نامَه رومِه کلیسا را 2
2
خدا عادلانۀ داوری
1پس تِه ای آدمی که ای نفر دیگره داوری کری، هر کسی که بیبی هیچ بهانه ای نداری. چون وقتی که ای نفر دیگره داوری بکری، اِشتنر محکوم کرده؛ چون که ته، ای داور، اِشتن نی اَ کاره انجام دَیی. 2آما زانسرام که خدا داوری کسانی را که ایزنه کاران انجام دَینده، حق اِسه. 3تِه اِی آدمی که الباقی داوری کری و اِشتن نی اَ کاره انجام دَیی، خیال کری که خدا داوریک تانی دِوَزی؟ 4یا اِم که خدا مهربانی، توع و چوه پیله صبره ویلی زانی و نزانی که خدا مهربانی چِمه واسنیه که تِه راهنمایی بکره تا توبه بکری؟
5امّا تِه اِشته سرسخت بین و اِشته دلِه واسنه که نگشه توبه بکره، خدا غضبه، اِشته را، غضبه روجه انبار آکری، روجی که اَوک خدا عادلانۀ داوری دیار بی. 6خدا «هر کسی چوه اِشتن کاران اندازه سزا کره.» 7خدا ابدیه زندگی کسانی آدیه که صبرنه چاک کاران انجام دینک، شکوه و جلال و حرمت و اَبدیه زندگی پشه اِسنده؛ 8امّا کسانی که اِشتن منفعت پشنده و حققیقتک اطاعت نکرنده، بلکم کسانی که نادرستیک اطاعت کرنده، غیض و غضب اِسه. 9هر کسی که بده کاران انجام بدیه، رنج و عذاب چوه نصیب بی، اوّل یهود و چاوش غیر یهود. 10امّا خدا جلال و حرمت و صلح و سلامتی اَ کسانی نصیب بی که چاکی کرنده، اوّل یهود و چاوش غیر یهود. 11چون خدا فرق نِنَیه.
12همهی کسانی که بیدون موسی شریعت گناه کَرِنده، بیدون شریعت نی هلاک بینده؛ و همهی کسانی که شریعته جیرک گناه کرنده، شریعت نه داوری بینده. 13چون کسانی که شریعته اَشنونده خدا نظرک صالِح نینده، بلکم کسانی صالح حساب بینده که شریعته انجام دَینده. 14چون، وختی غیریهودیان که شریعت نِدارنده، طبق غریزه شریعته اعمال به جا آورنده، هر چند اَوه شریعته ندارنده، امّا اِشتن، اِشتن را شریعتی اِسنده. 15چون آماننده که شریعته اعمال چَوان دِلان دلک نیویشته بییه، اَجوره که چَوان وجدان اِمه گواهی دَیه چون که چوان فکره یا اَوان محکوم کره یا حتی تبرئه کره. 16اِم، اَ روجی اتفاق دِگنه که خدا بنابر انجیلی که اَز اعلام کَرِم، آدمان سِرش، مسیح عیسی واسطه نه داوری کره.
17ولی ته ای که اِشتن یهودی زانی و شریعته تِکیه آدَیی و چِمه واسنه که خدا آزانی اِشته را پوز دیی، 18و چوه اراده زانی و چون شریعتِکِر تعلیم کَته، چاکترینان انتخاب کری، 19و اگم مطمنش که ته کوران راهنمایش و کسانی را که ظلمتک اِسنده نورش، 20نادانان مربی و خردنان معلمش، ته شریعتی که دانایی و حقیقته داری، 21پس ته که خلکان آموجی، ته اِشتن ناموجی؟ ته که دزی ضد موعظه کری، ته اِشتن دزی کری؟ 22ته که واجی گه زنا مَکرا، ته اِشتن زنا کری؟ ته که بتانک نفرت داری، ته اِشتن معبدان غارت کَری؟ 23ته که شریعته داشتنه پوز دیی، ته شریعته اشکنجانسننه، خدا بیحرمت کری. 24اَجوره که پیغمبران کتابک نویشته بییه: «شاما واسنه، غیر یهویان دِلک خدا نامه کفر واجِنده.»
25خَتنه کردن اَدمی ارزش داره که شریعته به جا بوعرا، امّا اگم شریعته بشکنجا، چِمه شواره که ختنه بییه نییِران. 26پس اگم ایگله مردکی که ختنه بیه نیه، شریعته احکامه به جا بوعره، مگم چوه ختنه نیبیَن ختنه بییه حساب نیبی؟ 27پس اَ کسی که جسمک ختنه نیبیه، امّا شریعته به جابوعره، ته محکوم کره، ته ای که هم شریعته نیویشته بییَه حکمان داری و هم ختنه بییِش، ولی خدا شریعته اشکنجانی.
28چون یهودی اَ کسی نییِه که ظاهرک یهودی بیبی، و ختنه نی کاری نییه که جسم و ظاهرک بیبی. 29بلکم یهودی اَ کسی اِسه که باطنک یهودی بیبی و ختنه نی کاری اِسه دِلنه، که خدا روح اوه انجام دیه، نه ایگله نیویشته واسطنه. اِنجوره آدمه خدا تحسین کره، نه آدم.
Currently Selected:
نامَه رومِه کلیسا را 2: TIT
Highlight
Copy
Compare
Share
Want to have your highlights saved across all your devices? Sign up or sign in
@ 2024 Korpu Company