نامَه رومِه کلیسا را 3
3
خدا وفاداره
1پس یهودی بییَنه فایده چیه؟ یا ختنه بیین چِه ارزشی داره؟ 2هر لحاظک پِر. اوّل اِم که خدا کلام اَمانتی دِرَسمارده بییه یهودیان.
3اگم بعضی از اَوان وفادار نبنده، چِه بسه؟ مگم چَوان بی وفایی، خدا وفاداری باطل کره؟ 4هرگز! حتی اگم همهی آدمه دوریه واجین بیبینده، خدا راسته واجه! اَجوره که داووده پادشا مزموره کتابک نویشته بییه:
«چِمه واسنه، وقتی لاوَه کری راست واجی،
و ادمی که داوری بِکری، اشته داوری درسته.»
5امّا اگم چاما ناراستی خدا راستی دیار بکره، چِه گه واتن؟ مگم اَدمی که خدا چاما را غضب کره ظالمه؟ از آدمه شوار لاوَه کَرم. 6هرگز. چون ادمی خدا چُنجوره تانه دنیا داوری بکره؟ 7«ولی اگم چِمن دوری واسطه نه خدا حقیقت پرتر جلال بیگیره دَ چیه را از ایگله گناه کاری شوار محکوم بیبیم؟» 8و چیه را مواجام: «بایا بدی بکرام تا چاکی به بار بایه»؟ اَجوره که بعضی آماشان اِفترا زییه، و ادعا کرنده که آما اِنجوره واجام؟ چَوان محکوم بیین عادلانیه.
هیچ کس صالح نییِه
9پس چِه گَه واتَن؟ مگم چاما وضع و اوضاع غیر یهودیانک چاکتره؟ نه اصلا! چون پَرانتر اِدعامان بکرده که همه یهود و غیر یهود هر دو گناه جیرکنده. 10اَجوره که مقدسه نیویشته هانک نویشته بییه:
«هیچکس صالح نییه، حتی ای نفر.
11هیچکس فهمیده نییه،
هیچکس خدا پَشه نگرده.
12همه خداک دیمشان دگاردنسه،
اَوه هندیگرنه باطله راهان شییَنده.
هیچکس چاکی نکره،
حتی ای نفر.»
13«چَوان لُوک ایگله آواجَه قبری شواره
اِشتن زوانان وازی دییَنه را به کار گیرنده.»
«چَوان لِوان جیرک اَفعی زهر اِسه؛»
14«چَوان گَر نفرین و تَلیک فِته.»
15«چوان لنگه خونه اَرَکَردنه را ویرجنده؛
16هر یاگا که شییَرنده، ویرانی و قَره بختی اَگا هرزنده،
17و اَوان صلح و سلامتیه راه آنزاننده.»
18«خدا ترس، چَوان چشمان دلَک دینییه.»
19اِسا زانسرام که اَ چیای که شریعت واجه کسانی نه اِسه که شریعته جیرکنده تا هر گری دِوسته بیبی و تمام دنیا خدا درگاک جواب پس بدینده. 20چون هیچ آدمی نیه شریعته اعماله به جا آوردننه، خدا چشمانک صالح حساب بیبی، بلکم شریعت، گناه آما آزانه.
خدا صالحی ایمانه راهک
21امّا اِسا شریعتک جدا، اَ صالح بیینی که خداک اِسه دیار آبی، اَجوره که شریعت و پیغَمبران چَوه را گواهی آدَییَرنده. 22اِم صالح بیینی که خداک اِسه، عیسی مسیح ایمان داشتنه راهنه و همهی کسانی نصیب بی که ایمان بوعَرنده. چون هیچ فرقی نِنَیه. 23چون همه گناهشان کرده و خدا جلاله پرانک کم آوردشانه. 24و خدا فیضنه که چاما را ایگله هدیه شواره و اَ آزادی بها واسطه نه که مسیح عیسک اِسه، صالح حساب بینده. 25خدا عیسی مسیحش گناهان کفّارَۀ شوار بنا، اَ کفّارهای که چَوه خون و ایمان راه نه به دس آیه. ام خدا عدالته آمانسنه واسنه به، چون اَ اِشتن الهیه صبرنه، اَ گناهانی که پَرانتر اتفاق دگسه بنده، ندیدش بکته. 26اَ اِم کارش بکه تا اِشتن عدالته اِم دوره زمانک آمانه، تا اِشتن عادل بیبی و همه کسانی که به عیسی ایمان دارنده، صالح حساب بیبینده.
27پس دَ چاما افتخار کردن چیه؟ دَ هیچ افتخاری نییه، چه چی حسابنه! شریعته اعماله نه؟ البته که نَه، بلکم ایمانه شریعتنه. 28چون چاما اعتقاد اِمه که آدم بدون اِم که شریعته اعماله انجام بِدیه، ایماننه صالح حساب بی. 29مگم خدا فقط یهودیان خدا یه؟ غیریهودیان خدا نییه؟ البته که اَ غیریهودیان خدا نی اِسه. 30چون فقط ایگله خدا وجود داره، و اِم خدا ختنه بییه هان، بر طبق ایمان و ختنه نیبیه هان نی بر طبق هَ ایمان، صالح حساب آوره. 31پس آما اِم ایمان نه، شریعتمان از بین برده؟ البته که نه! برعکس آما شریعته پا برجا کرام.
Currently Selected:
نامَه رومِه کلیسا را 3: TIT
Highlight
Copy
Compare
Share
Want to have your highlights saved across all your devices? Sign up or sign in
@ 2024 Korpu Company