دوّمتا نامه قُرنتیانِ ره 8
8
دس و دلبازی ره تشویق کودن
1براران، امان خوائیم شمرأ اُ فیض درون کی خُدا مقدونیه کلیسائانَ فدَه، واخبرَ کونیم. 2چونکی اوشان مُصیبت واسی، سخت امتحان بُبوستید، ولی بی حد و حساب شادید و با اَنکی خَیلی ناداری درون ایسائید، ولی دَس و دیل بازید. 3چره کی من شاهدم کی خوشانِ توان اَندر حتی ویشتر جه اون پا پیش بَنئید. 4خَیلی اَمرا بی ریا منت بُکودید و بخواستید اَ خیدمت درون کی مُقدّسین ره ایسه شریک بیبید. 5اَشان نه فقط اوجور کی امان انتظار دَشتیم بلکی اول خوشانَ خُداوند ره وقف بُکودید و بازین مطابق خُدا اراده خودشانَ وقفِ امان بُکودید. 6جه اَ رو، امان تیتوس جا بخواستیم هُطوکی خودش پیشتر اولتّا قدمانَ اوساده بو، الانم اُ کار خیرَ شیمی میان کامل تمانَ کونه. 7ولی اوجور کی همه چی درون سَرترید، ایمان درون، گب زئن درون، دانایی درون، بی ریایی درون و شیمی محبت نسبت به امان- پس اَ کار خیر درونم همه کَس جا سَرتر بیبید.
8من اَنه شمرأ حُکم نُکونم، بلکی خوائم بواسطه دیگرانِ غیرت ثابت بُکونم کی شیمی محبت ئم بی ریا ایسه. 9چونکی اَمی خُداوند عیسی مسیح فیض جا واخبرید کی هرچن دولتمند بو، شیمی واسی نادار بُبوست تا شُمان اونِ ناداری درون دولتمند بیبید.
10من می نظرَ اَ جریان باره گَم: اَن به نفع شُمان ایسه، پارسال، شُمان نه فقط اَ کار خیر انجام دَئن درون، بلکی اونِ انجام دَئن ذوق وشوق درونم پا پیش بنَبید. 11پس الان اَ کارَ تمانَ کونید، تا ذوق و شوقی کی اَ کار ره دَشتید، اونِ تمان کودن شیمی توان مالی اَمرا جور بِبه. 12چونکی اَگه ذوق و شوق بِبه اُ آدم پیشکش، مطابق اوچی کی دَره قُبیل به، نه مطابق اونچی کی ناره.
13چونکی اَمی منظور اَن نیه کی دیگران آسایش درون بأسید و شُمان فشار درون، بلکی خوائیم منصفانه بِبه، 14کی الان شیمی فراوانی، اوشانِ احتیاجاتَ برطرف بُکونه تا ایروج اوشانِ فراوانی شیمی احتیاجاتَ برطرف بُکونه تا اَطویی انصاف برقرار بِبه. 15هُطوکی تورات درون بینیویشته بُبوسته: «اونکی زیادی جما کوده بو، اضافه ناشتی، و اونکی کم جما کوده بو، کم و کسر ناشتی.»
پولُس، تیتوس سفارشَ کونه
16ولی خُدایَ شُکر کونم کی اُ غیرتیَ کی من شمرأ دَرم تیتوس دیل درونم نَئه. 17چونکی اون نه فقط اَمی خواسته قُبیل بُکود، بلکی خودش ذوق و شوق زیاد مرا، اَنه واسی کی شیمی ورجه بایه پا پیش بنه. 18امان ایتا دیگر برارَ تیتوس مَرا اوسه کونیم کی انجیل موعظه واسی تمان کلیسائان درون سرشناس ایسه. 19و نه فقط اَن، بلکی اُ برار کلیسائان جا تعیین بُبوسته تا اَ کار خیر کی اون انجام دَئن و اداره کودن اَمی وظیفه ی، اَمی اَمرا همسفر ببه. اُ کاری کی خُداوند جلال واسی ایسه و اَمی خیر خوائی نیشان دئه. 20امان خَیلی پائیم اَ خیدمت درون کی پیشکشان جما کودن، کی دیل جا و بواسطه امان اداره به هیکّس اَمی سر عیب نَنه. 21چونکی تقّلا کونیم نه فقط خُداوند نظر درون، بلکی مردوم دید درونَم اونچیَ کی خُبِ انجام بدیم.
22و اَشانِ مَرا اَمی برارَ اوسه کونیم، کی خَیلی اونَ امتحان بُکودیم و بفهمستیم کی خَیلی چیان درون ذوق و شوق دَره، ولی هسّا اُ برار اُ اطمینان زیادِ خاطری کی شمرأ دَره ویشتر جه قبل ذوق و شوق دَره. 23تیتوسِ باره بایستی بگم کی اُ خیدمت درون کی شمرأ کودن دَره می شریک و همکار ایسه. و اَمی براران باره ئم بایستی بگم کی اوشان کلیسائانِ اوسه بُبوسته ئان و مسیح جلال ایسید. 24پس شیمی محبت و افتخاری کی شمرأ کونیم کلیسائانِ محضر درون اَ آدمان ره ثابت بُکونید.
Currently Selected:
دوّمتا نامه قُرنتیانِ ره 8: GIL
Highlight
Copy
Compare
Share
Want to have your highlights saved across all your devices? Sign up or sign in
@ 2024 Korpu Company
