تیتوس 2
2
دؤز تَعلیمی اؤرگد
1آما سَن هر نهیی کی دوز تعلیم اوستوندن دیر، اؤرگد. 2یاشلی کیشیلَر، هوشکار و وَقارلی و اؤز نَفْسلَرینینگ جلوسینی توتان اولاسیلار و ایماندا و مُحبّتده و اِستقامتده، دوز رووآل ائدهسیلَر.
3ائله بئلهیین ده یاشلی آروادلار رووآللاریندا باعُرضه اولاسیلار. بوهتان ووران اولمایاسیلار یا دا چوخ شراب ایچمَک اَسیری اولمایاسیلار. اوللار او زادی کی خوب دور اؤرگدهسیلَر، 4تا جاهال آروادلارا اؤرگدلَّر کی اَرلَرینی و اوشاقلارینی چوخ سئیلَّر 5و نَفْسلری جلوسینی توتالّار، آرّی و کیوانی و مهربان اولالار و اَرلَریندن اطاعت ائدلَّر، تا تارئ کلامینا پیس دئییلمئیه.
6ائله بئلهیین ده جاهال اوغوللارا اِصرار ائد تا اؤز نَفْسلَری جلوسینی توتالّار. 7اؤزونگو واری زاددا خوب خوب ایشلَرینگ نمونهسی ائد و تعلیمینگده صاپ-صادق و وَقارلی اول. 8سؤزلَرینگ ائله دوز اولسون کی هئچ کَس اونو محکوم ائده بیلمئیه، تا ضدّ ائدَن آدام هئچ پیس گپ یوخو اولا کی بیزیم بارهمیزده چالا و بئله خجیل اولا.
9غُلاملار واری زاددا اؤز اَربابلاریندان اطاعت ائدهسیلر. اوللاری راضی ساخلایاسیلار و جَر و بَحث ائدمئیهسیلَر 10و اوللاردان اوغورلوق ائدمئیهسیلَر، بلکی خوب ایمانی تمام و کمال گؤرسدهسیلَر تا بئله، واری زاددا، نجات وئرَنیمیز تارئ تعلیمینینگ قشنگلیگینی خوب گؤرسدلَّر.
11بو سَبریه کی تارئنینگ فِیضی ظاهر اولموش، او فِیض کی واری خلخ ایچی نجات گتیریر، 12و بیزه اؤرگدیر کی تارئسیزلیگی و دنیانینگ هَوی و هَوسلَرینی رد ائدَک و نَفْس جلوسینی توتماک اینان، دؤزلوک اینن و دیندارلیگ اینن بو زامانادا زندلیگ ائدَک، 13و او مُتبارک امیدیمیز ایچی انتظار چکَک، یعنی عَظمتلی تارئمیز و نجات وئرَنیمیز عیسا مَسیحنینگ شوکتینینگ ظاهر اولماکی ایچی. 14ائله او عیسا مَسیح کی اؤزونو بیزیم یولوموزا وئردی تا آزادلیگیمیزی واری رَقم پیسلیگدن خَرید ائده و تا اؤزو ایچی بیر خَلخ طاهر ائده کی اؤنونگ اؤزوکی اولالّار و خوب ایشلَر ایچی غیرتلی اولالار.
15بو زادلاری اِعلام ائد؛ بوتون اِقتدار اینان نَصیحت ائد و تَشَر ائد، قؤیما هئچ کَس بئلینگه بیاِعتنالیگ ائده.
Currently Selected:
تیتوس 2: QII
Highlight
Share
Copy
Want to have your highlights saved across all your devices? Sign up or sign in
@ 2024 Korpu Company
