روملیلَر 12
12
یاشایان قُربانلوقلار
1پس کاکالار، تارئنینگ رَحمتلَری خاطرینه، سیزه یالواریرام کی اؤز بدنلَرینزی بیر دئرّی و مُقدّس و تارئ قبول ائدن قُربانلوق لهیین تقدیم ائدینز کی بو سیزینگ روحانی پَرستشینز دیر. 2بو دونیانینگ شکلینه چیخمَینز، بلکی فکرینزینگ تازّالانماکی اینان دهییشیلینز. اوندا باشارارانز آرالیانز کی تارئنینگ سئدیگی نه دیر؛ او خوب و قبول اولان و تمام و کمال سئدیگی.
3چونکی منه وئریلَن فِیض وسیلهسینه، سیزینگ هَر بیرینزه دئییرَم کی هئچکَس اؤزونو حَددَن آرتیق حسابا گتیرمَسین، بلکی هر کَس او اندازه ایمانا گؤره کی تارئ بئلسینه وئرمیش هوشکارلیگ اینن حکم ائدسین. 4چون ائله اولهیین کی بیر بدنده چوخ عضولار واریمیز و عضولارینگ واریسینینگ ایشی ده بیر دهییل، 5ائله اولهیین ده بیز با بو حال کی چوخاک، مَسیحده بیر بدنَک و هَر بیریمیز تَک به تَک، بیر بیرینگ عضولارییاک. 6بیزه وئریلن فِیضه گؤره، رَقم به رَقم عَطالار واریمیز، گلینز بو عَطالاری ایشلهدَک؛ اگر بو عَطا نَبوّت ائدمَک دیر، اؤنو اؤز ایمانیمیزا گؤره ایشلَدک. 7اگر خدمت ائدمَک دیر، خدمت ائدمَکیمیزده. تَعلیم وئرَن آدام، تَعلیمینده. 8تشویق ائدَن آدام، تشویق ائدمَکینده. یوخسوللارا کؤمَک ائدَن آدام، سخاوت اینن کؤمَک ائدسین. رَهبرلیگ ائدَن آدام، بو ایشی غیرت اینن ائدسین. رَحم ائدَن آدام، بو ایشی شادلیگ اینان ائدسین.
بیر حَقیقی مَسیحینینگ نیشانالاری
9مُحبّت خالص اولسون. پیسلیگدن یامانینز گلسین؛ ایکّی اَللی یاپیشینز خوب زادا. 10کاکالیگ مُحبّتی اینن بیر بیری چوخ سئینز. بیر بیره حُرمَت قؤیماکدا، بیر بیردَن ایلَری وورینز. 11غیرتینز آزالماسین؛ روحدا اَلوولو اولینز و رَبّه قوللوق ائدینز. 12امیدده شادلیگ ائدینز، مُصیبتده صَبرلی اولینز، دُعادا پایدار قالینز. 13مَسیحه ایمانی اولانلارینگ احتیاجلارینی برطرف ائدمَکده شریک اولینز و قوناق سئین اولینز.
14سیزه جور و جفا ائدَنلَر ایچی برکت سئینز، برکت سئینز و بئللرینی قارغیش ائدمَینز! 15شادلیگ ائدنلر اینن، شادلیگ ائدینز، و آغلایانلار اینان، آغلاینز. 16بیر بیر اینن مُدارا ائدینز. تَکبّرلی اولمانز، بلکی ساده و ضعیف آداملار اینان تَرَدید ائدینز. هئچوخت اؤزونزو حِکمتلی گؤرمَینز.
17هئچ کَسینگ پیسلیگی عوضینی، پیسلیگ اینن وئرمَینز، بلکی او ایشی یئرینه ائتیردینز کی واریکَسینگ گؤزونده حُرمَتلی دیر. 18اگر اولیر، اؤرانچاز کی سیزه مربوط دیر، واری کَس اینن صُلح و سلامتلیگده زندلیگ ائدینز. 19عزیزلر، هئچوخت اؤزونز تَقّاص آلمانز، بلکی اؤنو وئرینز تارئنینگ غَضّبی اَلینه. چونکی توراتدا یازیلمیش: «رَب دئییر: ”تَقّاص آلماک منیم دیر؛ منم کی عوض وئرهرَم.“» 20برعکس، «اگر دشمنینگ آج دیر، اؤنا خورکی وئر؛ اگر سویوز دیر، اؤنا بیر زاد وئر تا ایچه! چونکی بو ایش اینن، ائله بئلَسینی خجیل ائدیرَینگ کی اینگار باشی اوستونه غور ییغهرَینگ.» 21پیسلیگ بئلینگه گؤج اولماسین، بلکی خوبلیگ اینان پیسلیگه گؤج اول.
Currently Selected:
روملیلَر 12: QII
Highlight
Copy
Compare
Share
Want to have your highlights saved across all your devices? Sign up or sign in
@ 2024 Korpu Company
