Popular Bible Verses from روملی‌لَر 12

Share

بو دونیانینگ شکلینه چیخمَینز، بلکی فکرینزینگ تازّالانماکی اینان ده‌ییشیلینز. اوندا باشارارانز آرالیانز کی تارئ‌نینگ سئدیگی نه دیر؛ او خوب و قبول اولان و تمام و کمال سئدیگی.

پس کاکالار، تارئ‌نینگ رَحمت‌لَری خاطرینه، سیزه یالواریرام کی اؤز بدن‌لَرینزی بیر دئرّی و مُقدّس و تارئ‌ قبول ائدن قُربانلوق له‌یین تقدیم ائدینز کی بو سیزینگ روحانی پَرستشینز دیر.

امیدده شادلیگ ائدینز، مُصیبتده صَبرلی اولینز، دُعادا پایدار قالینز.

پیسلیگ بئلینگه گؤج اولماسین، بلکی خوبلیگ اینان پیسلیگه گؤج اول.

کاکالیگ مُحبّتی ‌اینن بیر بیری چوخ سئینز. بیر بیره حُرمَت قؤیماکدا، بیر بیردَن ایلَری وورینز.

مُحبّت خالص اولسون. پیسلیگدن یامانینز گلسین؛ ایکّی اَل‌لی یاپیشینز خوب زادا.

اگر اولیر، اؤرانچاز کی سیزه مربوط دیر، واری کَس اینن صُلح و سلامتلیگده زندلیگ ائدینز.

عزیزلر، هئچ‌وخت اؤزونز تَقّاص آلمانز، بلکی اؤنو وئرینز تارئ‌نینگ غَضّبی اَلینه. چونکی توراتدا یازیلمیش: «رَب دئییر: ”تَقّاص آلماک منیم دیر؛ منم کی عوض وئره‌رَم.“»

غیرتینز آزالماسین؛ روحدا اَلوولو اولینز و رَبّه قوللوق ائدینز.

چونکی منه وئریلَن فِیض وسیله‌سینه، سیزینگ هَر بیرینزه دئییرَم کی هئچ‌کَس اؤزونو حَددَن آرتیق حسابا گتیرمَسین، بلکی هر کَس او اندازه ایمانا گؤره کی تارئ بئلسینه وئرمیش هوشکارلیگ اینن حکم ائدسین.

هئچ کَسینگ پیسلیگی‌ عوضینی، پیسلیگ اینن وئرمَینز، بلکی او ایشی یئرینه ائتیردینز کی واری‌کَسینگ گؤزونده حُرمَتلی دیر.

بیر بیر اینن مُدارا ائدینز. تَکبّرلی اولمانز، بلکی ساده و ضعیف آدام‌لار اینان تَرَدید ائدینز. هئچ‌وخت اؤزونزو حِکمتلی گؤرمَینز.

برعکس، «اگر دشمنینگ آج دیر، اؤنا خورکی وئر؛ اگر سویوز دیر، اؤنا بیر زاد وئر تا ایچه! چونکی بو ایش اینن، ائله بئلَسینی خجیل ائدیرَینگ کی اینگار باشی اوستونه غور ییغه‌رَینگ.»

سیزه جور و جفا ائدَن‌لَر ایچی برکت سئینز، برکت سئینز و بئللرینی قارغیش ائدمَینز! شادلیگ ائدنلر اینن، شادلیگ ائدینز، و آغلایانلار اینان، آغلاینز.

مَسیحه ایمانی اولان‌لارینگ احتیاج‌لارینی برطرف ائدمَکده شریک اولینز و قوناق سئین اولینز.

چون ائله اوله‌یین کی بیر بدنده چوخ عضولار واریمیز و عضولارینگ واریسی‌نینگ ایشی ده بیر ده‌ییل، ائله اوله‌یین ده بیز با بو حال کی چوخاک، مَسیحده بیر بدنَک و هَر بیریمیز تَک به تَک، بیر بیرینگ عضولاری‌یاک.