یوحنا 15
15
عیسا حَقیقی اوزوم آغاجی دیر
1من حَقیقی اوزوم آغاجییام و گؤیدهکی بووآم باغبان دیر. 2منیم هر شاخام کی ثَمر ائدمئیه، گؤیدهکی بووآم او شاخایی کَسَر و هَر شاخا دا کی ثَمر ائده، اؤنو هَرَس ائدهر تا آرتیق ثَمر ائده. 3سیز، بئلَینزه دئدیگیم سؤزلَر سَبرسینه، ائله ایندیسی ده تَمیزَینز. 4مَنده مَنزل ائدینز و مَن ده سیزده مَنزل ائدهرَم. ائله اولهیین کی اگر شاخا اوزوم آغاجینا وصل اولمایا، اؤز-اؤزونه ثَمر ائده بیلمَز، سیز ده اگر منده مَنزل ائدمهینز، ثَمر ائدهبیلمهینز.
5من اوزوم آغاجییام و سیز بو آغاجینگ شاخالارییاینز. او آدام کی منده مَنزل ائدیر و من ده اوندا مَنزل ائدیرَم، چوخ ثَمر ائدیر؛ آما اگر مندن آرالانانز، هئچ ایش گؤره بیلمَینز. 6منده مَنزل ائدمئین آدام، بیر شاخا لهیین دیر کی اؤنو یازّیا آتیرلار و قورّوییر. قورّو شاخالاری دا ییغیرلَر و اوتا آتیرلار و یاندیریرلار. 7اگر منده مَنزل ائدَینز و منیم سؤزلَریم سیزده مَنزل ائده، هَرنهنینگ آرزیسینی کی وارینز، سئینز کی سیزینگ ایچی اولونار. 8بئله، سیز چوخ ثَمر ائدهرَینز و ثابت ائدهرَینز کی منیم شاگردلَریمَینز. منیم گؤیدهکی بووآمینگ شوکتی بئلهیین آشکار اولیر. 9ائله اولهیین کی گؤیدهکی بووآ منی چوخ سئمیش، من ده سیزی چوخ سئمیشَم؛ منیم مُحبّتیمده مَنزل ائدینز. 10اگر منیم حکملریمه عَمل ائدَینز، منیم مُحبّتیمده مَنزل ائدهرَینز؛ ائله اولهیین کی من، گؤیدهکی بووآمینگ حکملرینه عَمل ائدمیشَم و اؤنونگ مُحبّتینده مَنزل ائدمیشَم.
11بو سؤزلَری سیزه دئمیشَم تا اؤرهکینز منیم شادلیگیمدان دؤلو اولا. 12منیم حکمیم بو دور کی ائله اولهیین کی من سیزه مُحبّت ائدمیشَم، سیز ده بیر بیره مُحبّت ائدَینز، 13داها بوندان بویوکتر مُحبّت یوخدور کی بیر نفر اؤز جانینی یولداشلاری یولوندا وئره. 14اگر هَرنهیی کی سیزه حکم ائدیرم، یئرینه ائتیردَینز، منیم یولداشلاریماینز. 15داها سیزی نوکر چاغیرمئیرام، بو سَبریه کی نوکر اؤز اَربابی ایشلَریندَن خبر یوخو. بلکی سیزی یولداش چاغیریرام، بو خاطره کی هَرنهیی کی گؤیدهکی بووآمدان ائشیتمیشَم، سیزه ده بیلدیرمیشَم. 16سیز منی سَچمهدینز، بلکی من سیزی سَچدیم. من سیزی یوللادیم تا گئدَینز و ثَمر ائدَینز، بیر ثَمر کی قالا. بو خاطره کی من سیزی یوللامیشام، هَرنهیی کی منیم آدیمدا گؤیدهکی بووآدان سئیَنز، سیزه وئرهر. 17منیم حکمیم سیزه بو دور کی بیر بیره مُحبّت ائدَینز.
دنیا، عیسا آردی سورا گئدَن آداملاردان نفرت واری اولور
18«دنیا سیزدَن نفرت واری اولور. آما بیلینز کی بوندان ایلَری کی سیزدَن نفرت واری اولا، مندَن نفرت واری ایمیش. 19اگر سیز دنیاکی ایدینز، دنیا سیزی، اؤزوکیلَر لهیین چوخ سئیَردی. آما سیز دنیاکی دهییلینز، چونکی من سیزی دنیا ایچیندن سَچمیشَم. بو سَبریه دیر کی دنیا سیزدَن نفرت واری. 20سیزه دئدیگیم سؤزو، یادینزدا ساخلادینز: ”نوکر اؤز اَربابیندان بویوکتَر دهییل.“ ائله اولهیین کی بو دنیانینگ آداملاری منه جَفا ائدیلَر، سیزه ده جَفا ائدهرلَر. ائله اولهیین کی آداملار منیم سؤزلَریمه عَمل ائدیلَر، سیزینگ سؤزلَرینزه ده عَمل ائدهرلَر. 21منیم آدیم خاطرینه دیر کی بو دنیانینگ آداملاری سیزدن نفرت وارلاری اولور و سیزه جَفا ائدهرلَر. بو سَبریه کی اوللار، منی یوللایان گؤیدهکی بووآیی تانیمئیرلار. 22اگر گلمهمیش ایدیم و اوللار اینَن دانیشمامیشدیم، اوللاردا تَقصیر یوخ ایدی؛ آما ایندی داها گُناهلاری ایچی هئچ ماهان یوخلاری. 23هَر کَس کی مندَن نفرت واری، منیم گؤیدهکی بووآمدان دا نفرت واری. 24اگر اوللار آراسیندا بیر ایشلَر گؤرمهمیش ایدیم کی مندَن آیری هئچ کَس او ایشلری گؤرمهمیش، اوللاردا تَقصیر یوخ ایدی؛ آما ایندی، با بو حال کی من ائدَن ایشلَری، اؤز گؤزلَری اینن گؤرموشلار، هم مندَن، هم ده گؤیدهکی بووآمدان نفرت وارلاری. 25بئله، او سؤز کی اوللارینگ اؤز مُقدّس یازیلیلاریندا یازیلمیش، یئرینه ائتیشهسی کی دئییر: ”سَببسیز مندَن نفرت وارلاری ایدی.“
26«اوندا کی او کؤمَکچی کی بئلَسینی گؤیدهکی بووآ طَرفیندَن سیزه یوللایارام گله، منیم بارهمده گواهلیگ وئرهر. او کؤمَکچی، ائله تارئنینگ حَقیقت روحو دور کی گؤیدهکی بووآ طَرفیندن گلیر. 27او موقعده سیز ده گواهلیگ وئرهرَینز، بو سَبریه کی اَوّلدَن منیم اینَن ایمیشَینز.
Currently Selected:
یوحنا 15: QII
Highlight
Copy
Compare
Share
Want to have your highlights saved across all your devices? Sign up or sign in
@ 2024 Korpu Company
