Popular Bible Verses from یوحنا 15

Share

من اوزوم آغاجی‌یام و سیز بو آغاجینگ شاخالاری‌یاینز. او آدام کی منده مَنزل ائدیر و من ده اوندا مَنزل ائدیرَم، چوخ ثَمر ائدیر؛ آما اگر مندن آرالانانز، هئچ ایش گؤره بیلمَینز.

مَنده مَنزل ائدینز و مَن ده سیزده مَنزل ائده‌رَم. ائله اوله‌یین کی اگر شاخا اوزوم آغاجینا وصل اولمایا، اؤز-اؤزونه ثَمر ائده بیلمَز، سیز ده اگر منده مَنزل ائدمه‌ینز، ثَمر ائده‌بیلمه‌ینز.

اگر منده مَنزل ائدَینز و منیم سؤزلَریم سیزده مَنزل ائده، هَرنه‌نینگ آرزیسینی کی وارینز، سئینز کی سیزینگ ایچی اولونار.

سیز منی سَچمه‌دینز، بلکی من سیزی سَچدیم. من سیزی یوللادیم تا گئدَینز و ثَمر ائدَینز، بیر ثَمر کی قالا. بو خاطره کی من سیزی یوللامیشام، هَرنه‌یی کی منیم آدیمدا گؤیده‌کی بووآدان سئیَنز، سیزه وئره‌ر.

داها بوندان بویوکتر مُحبّت یوخدور کی بیر نفر اؤز جانینی یولداش‌لاری یولوندا وئره.

منیم هر شاخام کی ثَمر ائدمئیه، گؤیده‌کی بووآم او شاخایی کَسَر و هَر شاخا دا کی ثَمر ائده، اؤنو هَرَس ائده‌ر تا آرتیق ثَمر ائده.

منیم حکمیم بو دور کی ائله اوله‌یین کی من سیزه مُحبّت ائدمیشَم، سیز ده بیر بیره مُحبّت ائدَینز،

بئله، سیز چوخ ثَمر ائده‌رَینز و ثابت ائده‌رَینز کی منیم شاگردلَریمَینز. منیم گؤیده‌کی بووآمینگ شوکتی بئله‌یین آشکار اولیر.

من حَقیقی اوزوم آغاجی‌یام و گؤیده‌کی بووآم باغبان دیر.

منده مَنزل ائدمئین آدام، بیر شاخا له‌یین دیر کی اؤنو یازّیا آتیرلار و قورّوییر. قورّو شاخالاری دا ییغیرلَر و اوتا آتیرلار و یاندیریرلار.

بو سؤزلَری سیزه دئمیشَم تا اؤره‌کینز منیم شادلیگیمدان دؤلو اولا.

اگر منیم حکم‌لریمه عَمل ائدَینز، منیم مُحبّتیمده مَنزل ائده‌رَینز؛ ائله اوله‌یین کی من، گؤیده‌کی بووآمینگ حکم‌لرینه عَمل ائدمیشَم و اؤنونگ مُحبّتینده مَنزل ائدمیشَم.

منیم حکمیم سیزه بو دور کی بیر بیره مُحبّت ائدَینز.

اگر سیز دنیاکی ایدینز، دنیا سیزی، اؤزوکی‌لَر له‌یین چوخ سئیَردی. آما سیز دنیاکی ده‌ییلینز، چونکی من سیزی دنیا ایچیندن سَچمیشَم. بو سَبریه دیر کی دنیا سیزدَن نفرت واری.