عِبرانلیلَر 1
1
تارئ اوغلو، فرشتهلَردن باش دیر
1قَدیم، چوخ وختلَر و چوخ یوللاردان تارئ، پیغمبرلَر وسیلهسینه بیزیم جَدلَریمیز اینن دانیشدی، 2آما بو آخیرکی گؤنلَرده، اؤز اوغلو وسیلهسینه بیزیم اینن دانیشمیش، ائله او اوغول کی بئلَسینی واری زادینگ وارثی معین ائدی، ائله او کی اؤنونگ طَریقیندَن ده جهانی یاراتدی. 3او، تارئ شوکتینینگ ایشّیلاماکی دیر و اؤنونگ ذاتینینگ تمام و کمال نَقشی دیر و قُدرتینینگ سؤزو اینن واری زادی اُستوار ساخلاییر. او، گُناهلاری آرّیدماکدان سورا، ائنگ اوجاداکی عَظمتلینینگ ساغ اَلینده اوتوردو. 4پس ائله اوغاد کی فرشتهلَر آدیندان بیر اوخاریتر آد میراث آپارمیش، ائله اوغاد ده مَقامی اوللاردان چوخ باش اولدو.
5چونکی ایندییانچاز تارئ، فرشتهلَرینگ هانی بیرسینا دئدی:
«سَن، مَنیم اوغلومانگ،
بوگؤن، من سنینگ بووآنگ اولموشام»؟
یا دا گئنه:
«من اؤنا بووآ اولارام،
و او دا مَنه اوغول اولور»؟
6و گئنه اوندا کی او، اَوّلکی دوغولانی دنیا ایچینه گتیریر، دئییر:
«تارئنینگ واری فرشتهلَری اؤنو پَرست ائدسینلَر.»
7فرشتهلَر بارهسینده دئییر:
«او، اؤز فرشتهلَرینی یئل ائدیر،
و خادملَرینی دا اوت اَلووسی ائدیر.»
8آما اوغول بارهسینده دئییر:
«ای تارئ، سَنینگ پادشاهلیگینگ تَختی اَبددَن اَبدنچاز دیر؛
سنینگ پادشاهلیگینگ عَصاسی، عِدالت عَصاسی دیر.
9سن صالحلیگی چوخ سئمیشَینگ و شَریرلیگدَن نفرت ائدمیشَینگ.
پس تارئ، سَنینگ تارئینگ، سَنینگ اینن اولانلاردان آرتیق بئلَینگی شادلیگ یاغی اینن مَسح و معین ائدمیش.»
10و:
«سَن، یا رَب، باشلانماکدا یئرینگ بَنا بُنیادینی قؤیدونگ،
و گؤیلَر سَنینگ اَللَرینگ ایشی دیرلَر!
11اوللار آرادان گئدرلَر، آما سن قالیرانگ!
اوللارینگ واریسی بیر رَخت لهیین کُهنه اولارلار،
12اوللاری قابا لهیین دولایارانگ،
و اوللار رَخت لهیین دهییشیلَرلَر.
آما سَن ائله اویانگ،
و سنینگ ایللَرینگ آخیر یوخو اولور.»
13تارئ ایندییانچاز فرشتهلَرینگ هانی بیرسینا دئمیش:
«منیم ساغ اَلیمده اوتور،
او زامانانچاز کی دشمنلَرینگی قیچلَرینگ آلتینینگ کُرسیسی ائدَم»؟
14بئیه اوللارینگ واریسی خدمت ائدن روحلار دهییللَر کی بونونگ ایچی یوللانیرلار کی نجاتی میراث آپارانلارا خدمت ائدلَّر؟
Currently Selected:
عِبرانلیلَر 1: QII
Highlight
Share
Copy
Want to have your highlights saved across all your devices? Sign up or sign in
@ 2024 Korpu Company
