ایکّینجی نامه تَسالونیکیلیلَره 2
2
مَسیحنینگ بؤکولمهکی
1ایندی کاکالار، رَبّیمیز عیسا مَسیحنینگ گلمهکی و اؤنونگ یانیندا بئلینه ییغیلمَکیمیز بارهسینده سیزدَن خواهش ائدیرَک کی، 2فکرینزده تئز لَرزهیه دؤشمَینز یا دا تلواسهیه دؤشمَینز، نه بیر روح اینان، نه بیر گپ اینن، نه بیر نامه اینن کی اینگار بیزیم طرفیمیزدَن دیر، کی دئییر رَب عیسانینگ بؤکولمهکی گؤنو ائتیشمیش، 3قؤیمانز هئچ کَس، هئچ رَقم بئلَینزی آلداتا. چونکی او گؤن گلمَز، به غیری بو کی اَوّل ایماندان دؤنمَک باشلانا و او دینسیز کیشی کی هلاکت اوغلو دور ظاهر اولا. 4او هَر نه اینن کی تارئ چاغیریلیر و یا دا پَرست اولونیر ضِدّ ائدیر و اؤزونو اوجالتیر، ائله کی تارئنینگ مَعبدی ایچینده اوتوریر و اؤزونو تارئ اعلام ائدیر.
5بئیه یادینزا گلمئیر اوندا کی حَلی بئلَینز اینن ایدیم، بوللاری سیزه دئدیم؟ 6سیز بیلیرینز کی ایندی نمنه اؤنونگ جلوسینی توتیر تا او اؤز وختینده ظاهر اولا. 7بو سَبریه کی دینسیزلیگینگ سِرّی ائله ایندیسی ده ایش گؤرور. آما فقط اوندایانچاز کی او کی ایندییانچاز اونونگ جلوسینی توتیر، آرادان گؤتوروله. 8اوندا او دینسیز ظاهر اولور، ائله او کی رَب عیسا بئلَسینی آغیزینینگ نَفَسی اینن اؤلدورَر و گلمَکینینگ شوکتی اینن اؤنو هئچ ائدَر. 9او دینسیزینگ گلمَکی، شیطان عَملی وسیلهسینه و بوتون قُدرت و یالان نیشانالار و معجزهلَر اینن دیر، 10و واری رَقم شَریرلیگ حیلهسی اینن کی نابود اولانلار ایچی دیر، بو خاطره کی اوللار سئمهدیلَر کی حَقیقتی چوخ سئیهلَر و بئله نجات توتالّار. 11پس تارئ بیر آلداتان گؤج اوللارا یوللاییر تا اوللار یالانا اینانالّار. 12تا بئله بوتون او آداملار کی حَقیقته ایمان گتیرمهدیلَر بلکی هَر نهدَن کی نادُرست ایدی، کیف ائدیلَر، محکوم اولالّار.
قایم تورینز
13کاکالار کی رَبّینگ عَزیزییَنز، بیز همیشه سیزینگ ایچی تارئیی شُکر ائدهسیک، بو خاطره کی تارئ سیزی نوبَرلَر لهیین سَچدی تا نجات توتانز، تارئ روحو وسیلهسینه مُقدّس اولماک طریقیندَن و حَقیقته اینانماک طریقیندَن. 14او سیزی، بیز اعلام ائتدیگی اینجیل طریقیندَن چاغیردی تا رَبّیمیز عیسا مَسیحنینگ شوکتیندَن بهر وارینز اولا. 15پس کاکالار، قایم تورینز و او رَسملَری ساخلانز کی چه سؤزوموزده چه ده نامهمیزده بیزدَن اؤرگندینز.
16ایندی، رَبّیمیز عیسا مَسیحنینگ اؤزو و بووآمیز تارئ کی بئلَمیزی چوخ سئدی و فِیض طریقیندَن بیزه بیر همیشهلیگ تَسلّی و بیر خوب امید وئردی، 17سیزینگ اؤرهکلَرینزه تَسلّی وئرسین و هَر خوب ایشده و سؤزده اُستوار ائدسین.
Currently Selected:
ایکّینجی نامه تَسالونیکیلیلَره 2: QII
Highlight
Copy
Compare
Share
Want to have your highlights saved across all your devices? Sign up or sign in
@ 2024 Korpu Company