ایکّینجی نامه تَسالونیکیلیلَره 3
3
بیزیم ایچی دُعا ائدینز
1آخیردان، کاکالار، بیزیم ایچی دُعا ائدینز کی رَبّینگ کلامی تئز داغیلا و اؤنا حُرمَت اولونا، ائله اولهیین کی سیزینگ آراینزدا اولدو 2و تا شَریر و پیس آداملاردان قورتاناک. چونکی واری کَسده ایمان یوخدور. 3آما رَب وافالی دیر. او سیزی اُستوار ائدَر و بئلَینزی او شَریردن ساخلایار. 4بیز رَبده سیزینگ بارهینزده اطمینان واریمیز کی بئلَینزه حکم ائتدیگیلَریمیزی، ائدیرَینز و ائدهرَینز ده. 5رَب سیزینگ اؤرهکلَرینزی تارئنینگ مُحبّتینه ساری و مَسیحنینگ استقامتینه ساری آپارسین.
تَنبللَری هوشکار ائدمک
6ایندی کاکالار، رَبّیمیز عیسا مَسیحنینگ آدیندا سیزه حُکم ائدیرَک کی هر کاکادان کی تَنبللیگی ایلَری توتمیش و بیزدن اؤرگندیگینز رَسمه گؤره رووآل ائدمئیر، ایراق تورینز. 7بو خاطره کی سیزینگ اؤزونز بیلیرَینز کی نهیین بیزدن سَرمَشق توتاسینز، چون اوندا کی بئلَینز اینن ایدیک، نه تنبل ائدیک، 8نه ده بیرینینگ چؤرهکینی مُفت یئدیک، بلکی گئجه و گؤندوز ایش گؤردوک و زَحمت و سزاوار چَکدیک تا بلکم سیزینگ هئچ بیرینزه یوک اولمایاک. 9نه کی بیر بئلهیین حَق یوخومیز، بلکی تا اؤزوموزدَن سیزه بیر نمونه وئرک تا سَرمَشق توتانز. 10چون حتّی اوندا کی سیزینگ اینن ایدیک، سیزه بئله حکم ائدیک کی: «اگر بیری سئمئیر ایش گؤره، چؤرهک ده یئمهسین.»
11چون ائشیتیرَک کی آراینزدان بیر پارا آدام تَنبلیگی ایلَری توتمیشلار. بو آداملار ایش گؤرمئیرلَر بلکی خلخینگ ایشینه قریشیرلَر. 12ایندی رَب عیسا مَسیحده بیر بئلهیین آداملارا حکم ائدیرَک و تشویق ائدیرَک کی آرام اؤز ایشلَرینی گؤرلَّر و چؤرهکلَرینی چیخارتالّار.
13آما سیز کاکالار، خوبلیگ ائدمَکدَن یورولمانز. 14اگر بیری بیزیم بو نامهده دئدیگیمیزدَن اطاعت ائدمئیه، او آدام اوستونه نیشانا قؤیونز و اؤنونگ اینان هئچ ایشینز اولماسین تا خجالت چکه. 15اؤنو دشمن سایمانز، بلکی بیر کاکا لهیین بئلَسینی هوشکار ائدینز.
خَتم کلام
16ایندی، صُلح و سلامتلیگ رَبّینینگ اؤزو همیشه واری لَحاظدان سیزه صُلح و سلامتلیگ وئرسین. رَب سیزینگ وارینز اینن اولسون.
17من، پولُس، بو سلامی اؤز اَلیم اینن یازیرام. بو منیم واری نامهلَریمینگ نیشاناسی دیر؛ من بو رَقم یازیرام.
18رَبّیمیز عیسا مَسیحنینگ فِیضی سیزینگ وارینز اینان اولسون.
Currently Selected:
ایکّینجی نامه تَسالونیکیلیلَره 3: QII
Highlight
Copy
Compare
Share
Want to have your highlights saved across all your devices? Sign up or sign in
@ 2024 Korpu Company