بیرینجی نامه، قُرِنتلیلَره 8
8
بُتلارا تقدیم اولان خورَکی
1ایندی بُتلارا تقدیم اولان خورَکی بارهسینده: بیز بیلیرَک کی، «بیزیم واریمیزدا مَعرفت وار.» بو مَعرفت تَکبّر گتیریر، آما مُحبّت بَنا ائدیر. 2اگر بیر آدام گمان ائدیر بیر زاد بیلیر، حَلی دا او طور کی بیلهسی، بیلمئیر. 3آما اگر بیر آدام تارئیی چوخ سئیر، تارئ بئلَسینی تانییر.
4پس بُتلارا تقدیم اولان خورَکیدَن یئمک بارهسینده، بیز بیلیرَک کی، «بُت، هئچ دیر،» و بو کی «واحد تارئدان آیری، آیری تارئ یوخ دور.» 5چون هرچند کی گؤیده یا دا یئرده، بیر پارالار واردیرلار کی بئللَرینی تارئلار چاغیریرلار، ائله کی اینگار گرچکدن چوخ تارئلار و چوخ رَبلَر وار، 6با بو حال، بیزیم ایچی بیر تارئ وار، یعنی گؤیدهکی بووآ کی واری زاد اؤنونگ طرفیندَن دیر و اؤنونگ ایچی دیر کی بیز واراک؛ و بیر رَب وار، یعنی عیسا مَسیح کی واری زاد اؤنونگ طریقیندَن دیر و اؤنونگ طریقیندَن دیر کی بیز واراک.
7هَر چند کی، واری کَسده بو مَعرفت یوخ دور. بلکی بیر پارا آدام ایلَرتر ائله بُتلارا اینان سَر و کار وارلاری ایمیش کی اگر او خورَکیدَن کی گرچکدَن بیر بُتا تقدیم اولموش یئیلّر، وجدانلارینینگ ضعیفلیگی سبرسینه، وجدانلاری نَجس اولیر. 8خورَکی، بیزی تارئیا یاخین ائدمَز؛ بیز نه یئمزلیگ اینن بدتر اولیراک، نه دا یئمک اینن یئیتر. 9آما هوشکار اولینز تا ائدمئیه بو حَق کی وارینز، اولا بیر داش ضَعیفلَرینگ قیچی دَمینده کی ییخیلمَک سببی اولیر. 10چونکی اگر بیر آدام کی وجدانی ضَعیف دیر و او گؤره کی سَن کی مَعرفتی وارینگ، اوتورموشانگ بُتخانهده خورَکی یئییرَینگ، بئیه او دا تَحریک اولماز کی بُتلارا تقدیم اولان خورَکیدَن یئیه؟ 11و بئله سنینگ مَعرفتینگ سَبرسینه، بو ضعیف آدام نابود اولیر. بو آدام کی ائله او کاکا دیر کی مَسیح بئلَسی ایچی اؤلدو. 12پس، کاکالارینز حَقّینده گُناه ائدنده و اوللارینگ ضعیف وجدانینی یارالایاندا، سیز مَسیح ضدّینه گُناه ائدیرَینز. 13بونونگ ایچی دا، اگر خورکی باعث اولیر کی منیم کاکام ییخیله، من هئچوخت اَت یئمَم، تا ائدمئیه کی کاکامینگ ییخیلمهکی سَببی اولام.
Currently Selected:
بیرینجی نامه، قُرِنتلیلَره 8: QII
Highlight
Copy
Compare
Share
Want to have your highlights saved across all your devices? Sign up or sign in
@ 2024 Korpu Company
