بیرینجی نامه، قُرِنتلیلَره 10
10
بُتپَرستلیگدَن هوشکار اولینز
1کاکالار، سئمئیرم کی سیز بوندان غافل اولانز کی جَدلَریمیزینگ واریسی او بولوت آلتیندا ایدیلار و واریسی او دریادان گچدیلَر. 2اوللارینگ واریسی او بولوتدا و او دریادا تَعمید غُسلی توتدیلار و بو ایش اینن گؤرسَدّیلَر کی موسای پیغمبر آردی سورا گئدیرلَر. 3واریسی دا ائله او روحانی خورکیدَن یئدیلَر، 4واریسی دا ائله او روحانی ایچمهلیدَن ایچدیلَر، چونکی اوللار او روحانی تووآدان کی قولونجلاریندان گلیردی، ایچدیلَر. او تووآ، مَسیح ایدی. 5با بو حال تارئ اوللارینگ چوخوندان راضی دهییلدی، بو خاطره ده اوللار بیاباندا هلاک اولدولار.
6بو تَفاقلار دؤشدو تا بیزه نمونه اولا، تا بیز دا اوللار لهیین اِشتیاقیمیز، شَریرلیگه اولمایا. 7اوللارینگ بیر پاراسی لهیین کی بُت پَرست ایدیلار، بُت پَرست اولمانز؛ ائله اولهیین کی توراتدا یازیلمیش: «خلخ یئمَک و ایچمَک ایچی اوتوردولار و خوشگذرانلیگ ایچی توردولار آیاقی.» 8عِفّتسیزلیگ ائدمهیهسیک، ائله اولهیین کی اوللارینگ بیر پاراسی ائدیلَر و بیر تک گؤنده اوللاردان ایگیرمی اؤچ مینگ نفر قیریلدی. 9مَسیحی امتحان ائدمهیهسیک، ائله اولهیین کی اوللارینگ بیر پاراسی ائدیلَر و ایلانلار بئللَرینی هلاک ائدیلَر. 10و توغّولامانز، ائله اولهیین کی اوللارینگ بیر پاراسی توغّولادیلار و هلاک ائدن، اوللاری هلاک ائدی.
11بو ایشلَر اوللارینگ باشینا گلدی تا اوللارا بیر نمونه اولا، آما یازیلدی تا بیزه دَرس اولا. بیزیم ایچی کی بیر زاماندا زندلیگ ائدیرَک کی زامانالارینگ آخیری ائتیشمیش. 12پس او آدام کی گمان ائدیر قایم تورموش، هوشکار اولسون تا ائدمئیه ییخیله! 13بَشر باشینا گلدیگی وسوسهلَردَن آیری، بیر آیری وسوسه سیزینگ باشینزا گلمهمیش. تارئ وفالی دیر و قؤیماز کی سیز توانینزدان آرتیق وسوسه اولاینز، بلکی وسوسه گلنده سیزینگ ایچی بیر قَچمَک یولو دا قؤیار تا طاقت گتیره بیلَینز.
14پس عزیزلَریم، بُتپَرستلیکدَن قَچینز. 15آنگلایان آداملار اینان دانیشان لهیین سیزینگ اینن دانیشیرام، اؤزونز دئدیگیم گپ بارهسینده حکم ائدینز. 16او بَرکت پایلاسی کی بیز تارئیی اؤنونگ ایچی شُکر ائدیرَک، بئیه مَسیح قانیندا شریک اولماک دهییل؟ او چؤرهک کی بیز تیکهلهییرَک، بئیه مَسیح بَدنینده شریک اولماک دهییل؟ 17بو خاطره کی چؤرهک بیر دیر، بیز دا کی چوخاک، بیر بدنَک. چونکی بیزیم واریمیز بیر چؤرهکدَن سَهم آپاریراک. 18یهود خلخینه باخینز: بئیه اوللار کی قُربانلوقلاردان یئییرلَر، قُربانگاهدا شریک اولمئیرلار؟ 19پس مَقصودوم بو گپدَن نهدیر؟ بو کی بُتلارا تقدیم اولان خورَکی بیر زاد دیر، یا بو کی بُت بیر زاد دیر؟ 20یو، مَقصودوم بو دور کی بُتپرستلَرینگ قُربانلوقی، شیطانلی روحلارا تقدیم اولیر، نه تارئیا. من سئمئیرَم کی سیز شیطانلی روحلار اینان شریک اولاینز. 21سیز هم رَب پایلاسیندان، هم دا شیطانلی روحلارینگ پایلاسیندان ایچه بیلمَینز. هم رَب سفرهسیندَن، هم دا شیطانلی روحلارینگ سفرهسیندَن، بَهر آپارا بیلمَینز. 22بئیه بیز سئیرَک کی رَبّینگ غیرتینی اَلوولاندیراک؟ بئیه بیز اوندان گؤجلوتَرک؟
23«واری زاد جایز دیر» - آما واری زاد فایدهلی دهییل. «واری زاد جایز دیر» - آما واری زاد بَنا ائدمئیر. 24هئچکَس اؤز مَنفعتی قولونجوندا اولماسین، بلکی قونشوسو مَنفعتینینگ قولونجوندا اولسون. 25هر اَتی کی قصّابیدا ساتیرلار یئینز، وجدانینزدا ایشینز اولماسین. 26چونکی، «یئر و هَر نه کی اؤنونگ ایچینده دیر، رَبّینگ دیر.» 27اگر بیر آدام کی ایماندار دهییل سیزی خورکی یئمک ایچی قوناقلاییر و سیز دا گؤینونز سئیر گئدَینز، وجدانینزدا ایشینز اولماسین، هَر نه کی قؤیدو جلونزا یئیینز. 28آما اگر بیری سیزه دئیه کی: «بو قُربانلوق، بُتلارا تقدیم اولموش،» اوندا بو گپی سیزه خبر وئرَن آدام خاطرینه و وجدان خاطرینه، اوندان یئمهینز. 29مَقصودوم سیزینگ وجدانینز دهییل، بلکی او آدامینگ وجدانی دیر. چونکی نه ایچی بیر آیری آدامینگ وجدانی سبرسینه، منیم آزادلیگیما حکم اولاسی؟ 30اگر من خورَکیمی شُکر ائدمَک اینن یئییرَم، نه ایچی او زاد ایچی کی تارئیی بئلَسی ایچی شُکر ائدیرَم، محکوم اولاسیم؟
31پس چه یئمَکینز، چه ایچمَکینز، چه هَر ایش کی گؤرورَینز، واریسینی تارئ شوکتی ایچی گؤرونز. 32هئچکَسی اینجیدمَینز، چه یهودیلاری، چه یونانلیلاری، چه تارئ کلیساسینی، 33ائله اولهیین کی من تلاش ائدیرَم هَر ایشده کی گؤرورَم، واری کَسی خُشنود ائدَم. من اؤز مَنفعتیم قولونجوندا دهییلَم، بلکی چوخ آداملارینگ مَنفعتی قولونجوندایام، تا بلکم اوللار نجات توتالّار.
Currently Selected:
بیرینجی نامه، قُرِنتلیلَره 10: QII
Highlight
Copy
Compare
Share
Want to have your highlights saved across all your devices? Sign up or sign in
@ 2024 Korpu Company
