بیرینجی نامه، قُرِنتلیلَره 1
1
1پولُسدان، کی تارئ سئدیگی اینن چاغیریلدی تا مَسیح عیسانینگ بیر حَواریسی اولا و کاکامیز سوسْتِنِسدَن،
2تارئ کلیساسینا کی قُرِنتُس شَهرینده دیر، اوللارا کی مَسیح عیسادا مُقدّس اولموشلار و چاغیریلمیشلار تا مُقدّس زندلیگ ائدَلَّر، واری اوللار اینان کی هَر یئرده رَبّیمیز، عیسا مَسیحنینگ آدینی چاغیریرلار کی هم اوللارینگ، همده بیزیم رَبّیمیز دیر:
3بووآمیز تارئ طرفیندَن و رَب عیسا مَسیح طرفیندَن سیزه فِیض و صُلح و سلامتلیگ اولسون.
شُکر ائدمک
4من، همیشه تارئمی سیزینگ ایچی شُکر ائدیرم، تارئنینگ او فِیضی سَبرسینه کی مَسیح عیسادا بئلَینزه وئریلمیش. 5بو خاطره کی مَسیحده، سیزه واری لحاظدان، هَر رَقم سؤز و هَر رَقم مَعرفت، فراوان وئریلمیش، 6ائله اولهیین کی او گواهلیگ مَسیح بارهسینده سیزینگ آراینزدا تَصدیق اولدو، 7ائله کی رَبّیمیز عیسا مَسیحینگ ظاهر اولماکینینگ انتظارینی چَکدیگینز حالدا، سیز هئچ عَطادان نَصیبسیز دهییلَینز. 8او سیزی آخیرانچاز آیاقدا ساخلایار، تا رَبّیمیز عیسا مَسیحنینگ بؤکلمهکی گؤنونده تَقصیرسیز اولانز. 9تارئ وافالی دیر، ائله او تارئ کی سیز اؤنونگ طرفیندَن چاغیریلدینز تا اوغلو، رَبّیمیز عیسا مَسیح اینان یولداشلیگ وارینز اولا.
تَفرقه کلیسادا
10کاکالار، رَبّیمیز عیسا مَسیح آدیندا سیزه یالواریرام کی وارینز اؤرهکدَن بیر اولاینز و بو کی آراینزدا هئچ تفرقه اولمایا، بلکی فکرده و نَظرده بیر اولاینز. 11چونکی کاکالاریم، خْلوئهنینگ اوباسی آداملاری طریقیندَن منه خبر ائتیشمیش کی سیزینگ آراینزدا جَر و مُرافا وار. 12مَقصودوم بو گپدَن بودور کی، سیزینگ بیرینز دئییر، «من، پولُسا تعلّق واریم»؛ او بیرینز دئییر، «من، آپولُسا تعلّق واریم»؛ بیر داهاینز دئییر، «من، کیفایا تعلّق واریم»؛ او بیر داهاسی دئییر، «من، مَسیحه تعلّق واریم.»
13بئیه مَسیح تقسیم اولموش؟ بئیه پولُس ایدی کی سیزینگ ایچی صَلیبه چکیلدی؟ یا بئیه پولُس آدیندا تَعمید غُسلی توتدینز؟ 14تارئیی شُکر ائدیرم کی کْریسپوس و گایوسدان آیری، سیزینگ هئچ بیرینزی تَعمید وئرمهدیم، 15تا هئچکَس دئمئیه کی، منیم آدیمدا تَعمید توتدینز. 16من، اِستیفاناس اوباسی آداملارینی ده تَعمید وئردیم؛ داها بوندان آیری یاد یوخوم کی بیر آیری کَسی تَعمید وئرمیش اولام. 17چونکی مَسیح منی یوللامادی تا تَعمید وئرَم، بلکی یوللادی تا اینجیلی اعلام ائدَم، آما نه دنیا حِکمتینینگ مُجاب ائدَن سؤزلَری اینان، تا ائدمئیه کی مَسیح صَلیبینینگ قُدرتی هئچ اولا.
مَسیح، تارئنینگ حِکمتی و قُدرتی
18چونکی صَلیب پیغامی اوللار ایچی کی هلاک اولیرلار نادانلیگ دیر، آما بیزیم ایچی کی نجات توتیراک، تارئنینگ قُدرتی دیر. 19بو خاطره کی اِشعیای پیغمبر کتابیندا یازیلمیش کی:
«حِکمتلیلَرینگ، حِکمتینی نابود ائدَرم
و فَهمیدهلَرینگ، فَهمینی هئچ ائدَرم.»
20هاردا دیر حِکمتلی آدام؟ هاردا دیر تورات معلّمی؟ هاردا دیر بو زامانانینگ دانیشانی و بحث ائدَنی؟ بئیه تارئ بو دنیانینگ حِکمتینی ائدمهمیش نادانلیگ؟ 21بو سَبریه کی چون تارئ حِکمتینه گؤره، دنیا، تارئیی حِکمت طریقیندَن تانیمادی، تارئ بئله مَصلَحت گؤردو کی او نادانلیگ وَسیلهسینه کی بیزیم سؤزلَریمیزده وار، ایمان گتیرَنلَری نجات وئره. 22بو خاطره کی یهودیلَر نیشانالار سئیرلَر و یونانلیلَر حِکمت قولونجوندا دیرلار، 23آما بیز صَلیبه چکیلَن مَسیحی اعلام ائدیرَک کی یهودیلَرینگ قیچی دَمینده او داش دیر کی ییخیلمَک سَببی اولیر و غیری یهودیلَر ایچی نادانلیگ دیر. 24آما اوللار ایچی کی چاغیریلموشلار، چه یهودی و چه یونانلی، مَسیح، تارئنینگ قُدرتی و تارئنینگ حِکمتی دیر. 25چون هَر نه کی تارئ بارهسینده نادانلیگ نَظره ائتیشیر، آداملارینگ حِکمتیندن، حِکمتلیتر دیر و هَر نه کی تارئ بارهسینده ضَعیفلیگ نَظره ائتیشیر، آداملارینگ قوّتیندَن، قوّتلیتر دیر.
26کاکالار، دعوتینزی یادا گتیرینز: دُنیا معیارلارینا گؤره، چوخ آدام سیزدَن حِکمتلی دهییلدی، چوخ آدام سیزدَن قُدرتلی یا دا اَصیلزاده دهییلدی. 27آما تارئ، او زادی کی بو دنیادا نادانلیگ دیر سَچدی تا حِکمتلییی خجیل ائده؛ تارئ او زادی کی بو دنیادا ضَعیف دیر سَچدی تا قُدرتلییی خجیل ائده؛ 28تارئ او زادی کی بو دنیادا کوچوک و حَقیر دیر و حَتّی او زادلاری کی یوخ دیرلار، سَچدی تا هَرنهیی کی وار دیر، هئچ ائده. 29تا بئله هئچ بَشر، تارئ حُضوروندا غَرّهلیگ ائدمئیه. 30اؤنونگ سَبرسینه دیر کی سیز مَسیح عیسادایانز. ائله او مَسیح عیسا کی تارئ طرفیندَن بیزه حِکمت اولدو، صالحلیگ و قُدّوسلیگ و آزادلیگ اولدو. 31تا ائله اولهیین کی اِرمیای پیغمبر کتابیندا یازیلمیش: «هَر کَس کی فَخر ائدیر، رَبده فَخر ائدسین.»
Currently Selected:
بیرینجی نامه، قُرِنتلیلَره 1: QII
Highlight
Copy
Compare
Share
Want to have your highlights saved across all your devices? Sign up or sign in
@ 2024 Korpu Company
