روملیلَر 16
16
سلاملار
1باجیمیز فیبینینگ سفارشینی ائدیرَم بئلَینزه کی کِنخْریه شَهریندهکی کلیسادا خدمت ائدیر، 2تا بیر رقم کی مَسیحه ایمانی اولانلارا یاراشیر، اؤنو رَبده خوش ایز اینن قبول ائدَینز و هَرنهده کی کؤمَکینزه احتیاج واری بئلَسینه کؤمَک ائدینز. چونکی او چوخ آداملاردان و منیم اؤزومدَن ده، حمایت ائدمیش.
3مَسیح عیسادا منیم همکارلاریم پریسکیلا و آکیلایا، سالام ائتیردینز. 4اوللارا کی منیم جانیم یولوندا بویونلارینی قؤیدولار. نه فقط من اوللاردان ممنونام، بلکی واری غیری یهودیلار کلیسالاری دا اوللاردان ممنون دیرلار. 5اَئولریندهکی کلیسایا ده، سالام ائتیردینز. عزیزیم اِپینِتوسا کی اَوّلکی نفر ایدی کی آسیا منطقهسینده مَسیحه ایمان گتیردی سالام ائتیردینز. 6مریمه کی سیزینگ ایچی چوخ زحمت چکمیش، سالام ائتیردینز. 7منیم قوحوم و خویشلَریم، آندرونیکوس و یونیاسا کی منیم اینن زنداندا ایدیلار، سالام ائتیردینز. حَواریلر اوللاری خوب تانییرلار و اوللار مندَن ایلَری مَسیحه ایمان گتیرمیشلر. 8آمپْلیاتوسا کی رَبده منیم عزیزیم دیر سالام ائتیردینز. 9اوربانوسا کی مَسیحده همکاریمیز دیر و عزیزیم اِستاخیسه سالام ائتیردینز. 10آپِلیسا کی مَسیحده اؤز امتحانینی گئری وئرمیش، سالام ائتیردینز. آریستوبولُس اوباسینا سالام ائتیردینز. 11منیم قوحوموم هیرودیونا سالام ائتیردینز. اوللارا کی نارکیسوس اوباسیندا رَبّه ایمان وارلاری، سالام ائتیردینز. 12تْریفینا و تْریفوسا کی رَبّه خدمت ائدمَکده زَحمت چکیرلَر، سالام ائتیردینز. عزیز پِرسیسه کی رَبّه خدمت ائدمَکده چوخ زحمت چکمیش، سالام ائتیردینز. 13روفُسا کی رَبده سچیلمیش و ائله بئله ده اؤنونگ آناسینا کی مَنیم حَقّیمده ده آنالیگ ائدمیش، سالام ائتیردینز. 14آسینکْریتوسا، فْلِگونا، هِرمِسه، پاتْروباسا و هِرماسا و اوللار یانینداکی کاکالارا، سالام ائتیردینز. 15فیلولوگوسا، یولیایا، نیریاس و باجیسینا و اولیمپاسا و اوللار یانینداکی مَسیحه ایمانی اولانلارینگ واریسینا سالام ائتیردینز. 16بیر بیره مُقدّس ماچ اینان سالام ائدینز. مَسیحینگ واری کلیسالاری سیزه سالام ائتیردیرلر.
17کاکالار، سیزه یالواریرام، او آداملاردان کی تفرقه سالیرلار و یولینز اوستونه مانع قؤییرلار و سیزینگ اؤرگندیگینز تعلیم اینان ضِدّ ائدیرلر هوشکار اولینز؛ اوللاردان ایراق تورینز. 18چونکی بیر بئلهیین آداملار رَبّیمیز مَسیحی خدمت ائدمئیرلَر، بلکی اؤز قارنلارینی خدمت ائدیرلَر و دیلی یاغلیلیگ اینان و چاپلوسلیگ اینان ساده آداملارینگ اؤرهکلَرینی آلداتیرلار. 19چونکی واری کَس سیزینگ اطاعت ائدمکینزی بیلیر؛ ائله کی من سیزینگ ذوقینزی ائدیرَم. آما سیزدن سئیرم کی خوبلیگ بارهسینده حِکمتلی و پیسلیگ بارهسینده، مَعصوم اولانز.
20صُلح و سلامتلیگ تارئسی ائله بو تئزلیگده شیطانی سیزینگ قیچلَرینز آلتیندا کاچّی ائدَر.
رَبّیمیز عیسا مَسیحنینگ فِیضی سیزینگ اینن اولسون.
21همکاریم تیموتائوس سیزه سالام ائتیردیر. ائله بئله دا قوحوم و خویشلَریم لوکیوس، یاسون و سوسیپاتِروس بئلَینزه سالام ائتیردیرلر.
22من، تِرتیوس ده، کی بو نامهیی یازدیم، رَبده بئلینزه سالام ائدیرم.
23گایوس ده کی من اینن بوتون کلیسا اؤنونگ قوناقلارییاک بئلَینزه سالام ائتیردیر.
اِراستوس ده کی شَهرینگ خزینهسی اؤنونگ اَلینده دیر و کاکامیز کوآرتوس بئلَینزه سالام ائتیردیرلَر.
24«رَبّیمیز عیسا مَسیحنینگ فِیضی سیزینگ وارینز اینن اولسون. آمین».
25ایندی عزّت اولسون اؤنا کی باشاریر من اعلام ائتدیگی اینجیل و عیسا مَسیحنینگ تعلیمینه گؤره بئلَینزه قوّت وئره، او سِرّینگ وَحیینه گؤره کی چوخ زامانالار ایچی ایدی کی پنهان ایدی، 26آما ایندی آشکار اولموش و پیغمبرلَر یازیلیلاری طریقیندَن، اَبدی تارئنینگ حکمینا گؤره، واری ملّتلَره بیلدیریلمیش تا اوللار ایمان گتیرلَّر و اطاعت ائدلَّر، 27او واحد حِکمتلی تارئیا، عیسا مَسیح طریقیندَن اَبدنچاز شوکت اولسون. آمین.
Currently Selected:
روملیلَر 16: QII
Highlight
Copy
Compare
Share
Want to have your highlights saved across all your devices? Sign up or sign in
@ 2024 Korpu Company
