مکاشِفۀ یوحنا 8
8
مُهرِ هفتم
1موقِی که بَرَه مُهرِ هفتِمَه اِشکَنا، نِزیکِ نیم ساعت آسَمون بیصیا وابی. 2اوسِه او هَف فرشتَه نَه دییُم که مِنِه پیشگاهِ خدا ایوِیسِن، وُ وَشون هَف شیپور دایَه وابی. 3وِ فرشتهای دَ اومَه که مَقَلی وَ طِلا بِی خُوش داشت، وِ وِیسا طِی مذبَح، یِکِلی بخور وَش دایَه وابی تا وِه نَه بِی دعایَلِ تَمومِ ایموندارَل وَ ری مذبحِ طِلا که وَرِ تختِه، تقدیم کِنِه. 4وِ دیِ بخور وَ دَسِ او فرشتَه بِی دعایَلِ ایموندارَل رَت بالا تا وَ پیشگاهِ خدا. 5اوسِه فرشتَه مَقَلِ بخورَ وَگِرُت وِ پِرِش کِه وَ تَشِ مذبَح وُ وِرِش دا وَ زمین، وِ صییِی قُرُمتراق وِ آسَمونغِرُمبَه وِ تَشِبرق وِ زمینجِمِشت اومَه.
شیپورَل
6وِ هَف فرشتَهای که هَف شیپورَ داشتِن، آمایَه وابییِن تا صیاشونَه دَرارِن. 7فرشتۀ اَوَل شیپورِشَه وَ صیا دَرآوُرد، وِ تِگِرس وِ تَشِ قاطی بِی خین بی که باری وَ زمین وِ یِهسومِ زمین سُت وِ یِهسومِ دارَل سُتِن وِ تَمومی سُوزِهیَل سُتِن. 8فرشتۀ دِوِم شیپورِشَه وَ صیا دَرآوُرد، وِ چیئی مِی کُو گَپویی که گُرگِرُتَه وَ تَش بی، وِردایَه وابی مِنِه دریا وِ یِهسومِ دریا خین وابی. 9وِ یِهسوم وَ جونوَرَلِ دریا مُردِن وِ یِهسوم وَ کشتییَل نابود وابییِن. 10فرشتۀ سوم شیپورِشَه وَ صیا دَرآوُرد، وِ ستارهای گَپو مِی مشعلی گُرگِرُتَه وَ آسَمون اُفتا وَ ری یِهسِوم وَ رویَل وِ چشمهیَلِ اُو. 11نومِ او ستارَه "اَفسَنتین" ِه. یِهسوم وَ اُویَل وَ اَفسَنتین تَل وابییِن. وِ یِکِلی وَ مردم وَ خاطرِ او اُو که تَل وابییَه بی، مُردِن. 12فرشتۀ چارُم شیپورِشَه وَ صیا دَرآوُرد، وِ ضَربَتی خَه وَ یِهسومِ اَفتو، وِ یِهسومِ ماه وِ یِهسومِ ستارهیَل، طوری که یِهسومِ نورِشون تاریک وابی. وِ یِهسوم وَ روز بینور مُند، وِ هَمیطو یِهسوم وَ شو. 13اوسِه سِیل کِردُم، وِ اِشنُفتُم باشُویی مِنِه دلِ آسَمون هَمیطو که بال ایزَه بِی صییِی بِلَند ایگُت: «وای، وای، وای وَ مردِمونِ زمین، سییِکِه چیئی نَمُندِه صییِی شیپورَلِ او سه فرشتَۀ دَ وَریسِه.»
Currently Selected:
مکاشِفۀ یوحنا 8: SLB
Highlight
Share
Compare
Copy
Want to have your highlights saved across all your devices? Sign up or sign in
@ 2024 Korpu Company
