مکاشِفۀ یوحنا 7
7
عدۀ مهر وابییِهیَل
1دِنداش، دییُم چار فرشتَه مِنِه چارگوشۀ زمین وِیسانِه وِ نِهِی چار بایِ زمینَه ایگِرِن تا وَ ری خشکی یا ری دریا یا وَ ری هیچ داری نیا. 2اوسِه فرشتهای دَ دییُم که وَ جِیئی که اَفتو ایزَنِه، ایوَریسا وِ ایرَت بالا وَ آسَمون وِ مُهرِ خِدِی زندَه باش بی، وِ بِی صییِی بِلَند او چار فرشتَه نَه که وَشون قدرت دایَه وابییَه بی تا وَ خشکی وِ دریا ضرر بِزَنِن، صیا کِه: 3وِ گُت: «نِهِی یِکِه مُهرِ خدامونَه بِزَنیم وَ پیشونیِ خادِمَلِش، وَ خشکی، یا دریا، یا دارَل ضَرَر نَزَنیت.» 4وِ اِشنُفتُم که عِدۀ مُهر وابییِهیَل، صدوچِلوچار هزار نفر وَ تَمومِ طِیفهیَلِ قومِ اسرائیل بی.
5وَ طِیفِی یهودا دُوازَه هزار نفر مُهر وابییِن،
وَ طِیفِی رئوبین، دُوازَه هزار نفر،
وَ طِیفِی جاد، دُوازَه هزار نفر،
6وَ طِیفِی اَشیر، دُوازَه هزار نفر،
وَ طِیفِی نَفتالی، دُوازَه هزار نفر،
وَ طِیفِی مَنَسی، دُوازَه هزار نفر،
7وَ طِیفِی شَمعون، دُوازَه هزار نفر،
وَ طِیفِی لاوی، دُوازَه هزار نفر،
وَ طِیفِی یَساکار، دُوازَه هزار نفر،
8وَ طِیفِی زَبولون، دُوازَه هزار نفر،
وَ طِیفِی یوسف، دُوازَه هزار نفر،
وَ طِیفِی بِنیامین، دُوازَه هزار نفر.
جماعتِ گَپویی وَ هر قوم
9دِنداش سِیل کِردُم وِ جماعتِ گَپویی نَه دییُم که هیشکَه نیتَرِس اونگَلَه بِشمارِه، وَ هر ملت وِ طِیفَه، قوم وِ زُوونی نِهِی تخت وِ ریوَریِ بَرَه وِیسایَه بییِن، قبایِ سَفی وَرِشون بی وِ کِلغهیَلِ خرما مِنِه دَسِشون. 10وِ اونگَل بِی صییِی بِلَند قیرَه ایزَن:
«نجات این خِدِی ایمانِه،
که نِشَسِه وَ ری تخت؛
وِ این بَرَه یَه.»
11وِ تَمومِ فرشتهیَل وِیسان، دورتادورِ تخت وِ دورتادورِ ریشسَفییَل وِ او چار مَخلوقِ زِندَه؛ وِ اونگَل جلو تخت ری نَهان وَ زمین وِ خدا نَه پرستش کِردِن، 12ایگُتِن:
«آمین!
ستایش، جلال
حکمت، شکر، حُرمت
قدرت، قُویَت
وَ خِدِی ایما بو، تا ابدالآباد.
آمین!»
13اوسِه یکی وَ ریشسَفییَل مِنَه صیا کِه وِ گُت: «اینگَلی که قَبِی سَفی وَرِشونِه کییَن وُ وَ کوچِه اومَنِه؟» 14مِ وَش گُتُم: «ای آقا، یِنَه تِ دونی.» وُ وِّ وَم گُت: «اینگَل هَمونگَلی یَن که وَ او عذابِ گَپو دَراومَنِه، اونگَل قَبایَلِ خِشونَه مِنِه خینِ بَرَه شُسِنِه وِ سَفی کِردِنِه. 15سی هَمیِنِه که:
«اونگَل مِنِه پیشگاهِ تختِ خدایَن
وِ شو وِ رو مِنِه معبدِش وِّ نَه خذمت ایکِنِن؛
وُ وِّ که نِشَسِه وَ ری تخت، بِی حضورِش وَشون سَرپَنا اییِه.
16اونگَل دَ گُسنَه نیابون،
وِ دَ تِشنَه نیابون،
نَه اَفتو اییُفتِه وَ ریشون،
نَه هیچ گَرمِی که ایسوزَنِه.
17سییِکِه بَرَهای که مِنِه دلِ تختِه، چِپونِ اونگَل ایابو،
وِ اونگَلَه وَ چشمهیَلِ اُو حیات رانَمایی ایکِنِه،
وِ خدا هر خَرسی نَه وَ تییَلِشون پاک ایکِنِه.»
Currently Selected:
مکاشِفۀ یوحنا 7: SLB
Highlight
Share
Compare
Copy
Want to have your highlights saved across all your devices? Sign up or sign in
@ 2024 Korpu Company
