نامۀ یعقوب 5
5
هشتار وَ دارایَل
1ایسو، ایشا ای دارایَل، شیوَن وِ زاری کنیت، سییِکِه یِکِلی مصیبَت بَندیرِتونِه. 2مالِمِنالِتون وَ بِین ایرَه وِ جومهیَلِتونَه بید ایخَرِه! 3طلا وِ نقرَهتون زنگ ایزَنِه، وِ زنگِشون وَ ضِدِ ایشا شهادت اییِه وِ مِی تَش، گوشتِ بَیَنِتونَه ایخَرِه. ایشا مِنِه ای روزَلِ آخِر مالِمِنال ذخیرَه کِردیتِه! 4ایسو دَسمِزِ کارگَرَلی نَه که مِنه زمینَلِتون دِرو کِردِنِه، وِ ایشا بِی حیلَه وِه نَه نَدِیتِه، وَ ضدِ ایشا قیرَه ایزَنِه. بَلِه، قیرۀ دِروگَرَل وَ گوشِ خداوندِ لَشکَرَل رَسییِه. 5ایشا وَ ری زمین مِنِه کِیف وُ عیش وُ نوش زِندِیی کِردیتِه، ایشا دلِ خِتونَه سی روزِ کشتار پَروار کِردیتِه! 6ایشا مِردِ صالِحَه که وَ ضدتون نیوِیسِه، محکوم کِردیتِه وِ کُشتیتِه.
طاقت آوُردَن مِنِه زمونِ گرفتاری
7پَ ای کَکایَل، تا موقِی اومَیَنِ خداوند صبر کِنیت. سِی کِنیت چطو کشاورز انتظار ایکَشِه تا زمین ثَمرِ قیمَتیشَه وَ بار بیارِه؛ چطو صبر ایکِنِه تا بارونَلِ اول وِ آخِر یعنی پِیزَه وِ بهارَه وَ زمین بُویارِه. 8پَ ایشا هَم صبور بِیت وِ دِلِتون قرص بو، سییِکِه اومَیَنِ خداوند نِزِنگِه! 9کَکایَل، وَ یِکدو شکایت نَکِنیت، نَکِنِه وَ ایشا هَم داوری وابو، ایسِه «داور» وِیسایِه مِنِه چارچو در.
10کَکایَل، صبر کِردَن مِنِه گرفتارییَلَه وَ پیغمبرلی یای بِگِریت، که وَ نومِ خداوند گَپ زَن. 11ایسو، ایما آیَمَلِ صبورَ مبارَک دونیم. ایشا درموردِ صبرِ ایوب اِشنُفتیتِه، وِ دیئیت که خداوند عاقبت باش چه کِه، سییِکِه خداوند مِرَبون وِ رحیمِه.
12ای کَکایَلُم، امّا وَ هَمَه مهمتَر یِنِه که، قسم مَخَریت؛ نَه وَ آسمون، نَه وَ زمین وِ نَه وَ هیچ چییِ دَ. بِلیت «بَلِۀ» ایشا هَمو بَلِه بو وِ «نَۀ» ایشا هَمو نَه، نَکِنِه محکوم وابِیت.
دِعِی بِی ایمون
13کسی مِلاتون هِسی که عذاب ایکَشِه؟ بِل دِعا کِنه؛ کسی هِسی که شایِه؟ بِل سی خدا سِرو ستایش بِخونِه. 14کسی هِسی که مَریضِه؟ شیخَلِ کلیسا نَه صیا کِنِه وِ اونگَل سیش دعا کِنِن وُ وَ نومِ خداوند وِّ نَه بِی روغن مَسح کِنِن. 15دِعِی بِی ایمون، مریضَه شفا اییِه وِ خداوند وِّ نَه وَ جاش راس ایکِنِه، وِ اَر گِنایی کِردَه بو، آمرزییَه ایابو. 16پَ طِی یَک وَ گِنایَلِتون اعتراف کِنیت وِ سی یَک دعا کِنیت تا شفا بِگِریت. دِعِی آیَمِ صالح، بِی قدرت زیاد عَمَل ایکِنِه.
17ایلیای پیغَمبر آیَمی بی مِی ایما، وَختی وَ تَهِ دل دعا کِه که بارون نَبارِه، سه سالِ نیم بارون وَ زمین نَباری؛ 18وِ اُمبلا دعا کِه وُ وَ آسمون بارون باری وِ زمین ثَمَر دا.
19کَکایَلُم، اَر کسی وَ ایشا وَ رَه حقیقَت وِل وابو، وِ یِکیدَه وِّ نَه وَرگَردَنِه واپَس، 20یِنَه بِیونِه که هر کس گِناکاری نَه وَ رَیی که وِل وابییِه وَرگَردَنِه واپَس، جونِشَه وَ مرگ نجات دایِه وِ یِکِلی گِنا نَه واپوشَنایِه.
Currently Selected:
نامۀ یعقوب 5: SLB
Highlight
Share
Compare
Copy
Want to have your highlights saved across all your devices? Sign up or sign in
@ 2024 Korpu Company
