نامَه وَ کِلیسِی کولُسی 4
4
1ای اربابَل، بِی غلامَلِ خِتون وَ عدل وُ انصاف رفتار کِنیت، سییِکِه دونیت که ایشا هم اربابی مِنِه آسمون داریت.
2خِتونَه وقفِ دعا کِنیت، وِ بِی شکر کِردَن، مِنِه دعا هوشیار بِیت. 3مِنِه هَمی حال سی ایما هَم دعا کِنیت، که خدا دَری سی کلام وَ ری ایما واز کِنِه، تا سِرِّ مسیحَ که وَ خاطرِش مِنِه زِندانُم اعلام کِنُم؛ 4تا روشن کِنُم که چِطو بایِس وِه نَه اعلام کِنُم. 5بِی مَردِمونِ وَدَرَ کِلیسا بِی حکمت رفتار کِنیت، وَ هر مِجالی خوب استِفایَه کِنیت. 6گَپَلِ ایشا همیشَه بِی فیض بو، طوری که اِنگار بِی نِمِک مِزَهدار وابییِه، تا بِیونیت وَ هر کس چطو جواب بِئیت.
سلامَلِ آخِر
7تیخیکوس ایشا نَه کامل وَ احوالِ مِ باخَوَر ایکِنِه. وِّ کَکایی عزیز وِ خادمی وَفادار وِ هُمخذمتی مِنِه خداوندِه. 8مِ وِّ نَه سی هَمیِه بِسی کِردِمِه طِیتون، تا وَ احوالِ ایما باخَوَر وابِیت، وِ تا ایشا نَه دلگرم کِنِه، 9وِ اونِسیموس هَم باشِه، کَکِی عزیز وُ وفادارِ ایما که وَ خِتونِه. اونگَل ایشا نَه وَ هَر چیئی که وِیچِه اتفاق اُفتایِه باخَوَر ایکِنِن.
10آریستارخوس که بام مِنِه زندانِه، وَتون سلام ایرَسونِه؛ وِ مرقس، کِرِ عامو برنابا، وَتون سلام ایرَسونِه(که دَرموردِش سفارِشَلی گِرُتیتِه - که اَر بیا طِیتون، وَ گرمی جِلوش دَرِیت)، 11وِ عیسی که وَش ایگُن یوستوس، وَتون سلام ایرَسونِه. اینگَل تِنا مِردَلِ ختنَه وابییَه یَن که مِنِه پادشاییِ خدا بام هُمکارِن، وِ اینگَل باعثِ دلگرمیِ مِ بییِنِه. 12اِپافراس، که وَ خِتونِه، وِ غلامِ مسیح عیسی یَه، وَتون سلام ایرَسونِه، هَمیشَه مِنِه دعا سی ایشا تلاش ایکِنِه، تا بِتَریت بالغ وِ بِی اِطمینونِ کامل مِنِه تَمومِ ارادۀ خدا وِیسیت. 13مِ شاهِدُم که وِّ سی ایشا وِ سی اونگَلی که مِنِه لائودیکیَه وِ هیراپولیسِن، سخت زحمت کَشییِه. 14لوقا دکترِ عزیز وِ دیماس وَتون سلام ایرَسونِن. 15وَ کَکایَل وِ دَیَهیَلِمون که مِنِه لائودیکیَه یَن وِ هَمیطو وَ نیمفا وِ کلیسایی که مِنِه حونَشِه، سلام بِرَسونیت.
16وِ وَختی که ای نامَه بِینِ ایشا خُوندَه وابی، مِنِه کلیسایِ لائودیکیَه هَم خُوندَه وابو؛ وِ ایشا هَم نامۀ مِنَه که وَ لائودیکیَه ایایِه بِخونیت.
17وَ آرخیپوس بِگیت: «حَواسِت بو تا خذمتی نَه که مِنِه خداوند وَت دایَه وابییِه کامل اَنجوم بِیی.»
18مو، پولُس، ای سلامَ بِی دَسِ خِم اینِویسُم. زَنجیرَلِ مِنَه وَ حوشِتون بیاریت. فیض بِی ایشا بو.
Currently Selected:
نامَه وَ کِلیسِی کولُسی 4: SLB
Highlight
Share
Compare
Copy
Want to have your highlights saved across all your devices? Sign up or sign in
@ 2024 Korpu Company
