نامۀ اَوَل وَ کِلیسِی تسالونیکی 1
1
1وَ طرفِ پولُس، سیلاس وِ تیموتائوس،
وَ کلیسِی شهرِ تسالونیکی که مِنِه خِدِی بُو وِ خداوند عیسی مسیح یِیت:
فیض وِ صلحوُسلامتی وَ ایشا بو.
سرمشق بییَنِ ای ایموندارَل
2ایما هَمیشَه خدا نَه سی وجودِ تَمومِ ایشا شکر ایکِنیم وِ دائم مِنِه دعایَلِمون وَ یایِتونیم، 3وِ کارِتونَه که وَ ری ایمونِه وِ زحمتی نَه که وَ ری محبت ایکَشیت و پاوَرجائیتونَه که وَ اِمید وَ خداوندمون عیسی مسیح یَه، دَر برابرِ خدا وِ بو آسمونیمون، وَ حوشمون ایاریم.
4سییِکِه ای کَکایَل که عزیزِ خدایِیت، ایما دونیم که خدا ایشا نَه انتخاب کِردِه، 5سییِکِه انجیلِ ایما، تِنا بِی حرف وَتون نَرَسی، بَلکَم مِنِه قدرت وِ روحالقدس وِ بِی اِطمینونِ کامل وَ ایشا رَسی، هَموطو که دونیت وَ خاطرِ ایشا چطو مابِینِتون رفتار کِردیم. 6ایشا وَ ایما وُ وَ خداوند سرمشق گِرُتیت، سییِکِه مِنِه یِکِلی عذاب، کلامَه بِی او شایی که روحالقدس اییِه، قبول کِردیت. 7طوری که ایشا سی تَمومِ ایموندارَلِ وِلاتِ مقدونیَه وِ اَخائیَه سرمشقی وابیئیت، 8سییِکِه کلامِ خداوند وَ طریقِ ایشا نَه تِنا مِنِه مقدونیَه وِ اَخائیَه پیچِسِه، بَلکَم ایمون ایشا وَ خدا مِنِه همَه جا وَ گوش رَسییِه، طوری که دَ اِتیاجی نی ایما چیئی بِگِیم. 9سییِکِه اونگَل خِشون وَ یِکِه ایشا چِطو ایما نَه وَ گرمی قبول کِردیت گَپ ایزَنِن، وُ وَ یِکِه چطو وَ بُتَل دَس وَگِرُتیت وُ وَرگَشتیت وَ طرفِ خدا تا خِدِی زندَه وِ حقیقی نَه خذمت کِنیت، 10وِ تا بَندیرِ اومَیَنِ کِرِ خدا وَ آسمون بِیت، که خدا وِّ نَه وَ مُردِهیَل زِندَه کِه، یعنی عیسی، که ایما نَه وَ غضبی که نَهامونِه نجات اییِه.
Currently Selected:
نامۀ اَوَل وَ کِلیسِی تسالونیکی 1: SLB
Highlight
Share
Compare
Copy
Want to have your highlights saved across all your devices? Sign up or sign in
@ 2024 Korpu Company
