نامۀ سِوِمِ یوحنا 1
1
1وَ طرفِ شیخِ کلیسا،
وَ گایوسِ عزیز که وِّ نَه وَ «حقیقت» دوس دارُم.
2ای عزیز، دعام یِنِه که وَ هر بابت کامیاب بِی وِ تَندِرُس وِ سلامت بِی، هَموطو که جونت هَم کامیابِه. 3یِکِلی شایَمون وابییُم که کَکایَل اومَن شَهادت دان، که وَ حقیقت وَفاداری وُ وَ راسی هَم مِنِه حقیقت زِندِیی ایکِنی. 4هیچ چی مِنَه بیشتَرَ یِه شای نیکِنِه که بِشنِفُم بَچهیَلُم مِنِه «حقیقت» زِندِیی ایکِنِن.
5ای عزیز، تِ مِنِه تَمومِ کارَلِت سی کَکایَل، وَفاداریِ خِتَه نشون ایئی، مخصوصاً سی غریبِهیَل. 6اونگَل هَم مِنِه حضورِ کلیسا وَ محبتِ تِ شهادت دانِه؛ کارِ خوبی ایکِنی اَر اونگَلَه اوطوری که مِنِه شأنِ خِدایَه، رُونۀ سفر کِنی. 7سییِکِه اونگَل وَ خاطرِ نومِ خداوند سفر کِردِنِه وُ وَ غیرِیَهودییَل کِمَکی نَگِرُتِنِه. 8پَ ایما بایِس ویردارِ ایطو کَسَلی بِیم تا ایما هَم باشون وَ خاطرِ حقیقت هُمکاری کِردَه بِیم.
9نامهای نِوِشتُم سی کلیسا، امّا دیوترِفِس که ایخوا خِش اَوَل بو، وَ زِرِ بارِ اقتدارِ ایما نیرَه. 10پَ وختی بیام، وَ کارَلی که ایکِنِه ایرَسُم، سییِکِه وَ ری غَرَض بَدی ایما نَه ایگُ، وُ وَ یِه هَم قانع نَبییِه، وَ کَکایَل ری خَش نِشون نییِه؛ وِ کَسَلی نَه هَم که ایخوان وَ اونگَل ری خَش نِشون بییِن، نهاشونَه ایگِرِه، وُ وَ کلیسا ایکِنِشون وَدَر.
11ای عزیز، بَدی نَه سرمشقِ خُوت مَکُ، بلکم وَ خوبی سرمشق بِگِه؛ سییِکِه کسی که کارِ خوب ایکِنِه وَ خدایَه، امّا کسی که کارِ بَد ایکِنِه خدا نَه نَدییِه. 12هَمَه درموردِ دیمیتریوس شهادتِ خوب اییِن، حتی حق، خُوش هَم. ایما هَم هَمیطو شهادت اییم وِ دونی که شهادتِ ایما راسِه.
13یِکِلی چییَل داشتُم که سیت بنویسُم، امّا نیخوام بِی قلم و جوهَر بُو. 14امّا امیدُم وَ یِنِه که وَ هَمی زیئی بِوینِمِت وِ ریوَری گَپ بِزَنیم.
15سلامَت بِی!
رَفیقَل وَت سلام ایرَسونِن. وَ رَفیقَلِمون که وُچِنِن یَک وَ یَک سلام بِرَسون.
Currently Selected:
نامۀ سِوِمِ یوحنا 1: SLB
Highlight
Share
Compare
Copy
Want to have your highlights saved across all your devices? Sign up or sign in
@ 2024 Korpu Company