نامۀ دِوِمِ یوحنا 1
1
1وَ طرفِ شیخِ کلیسا،
وَ مِهربانویِ انتخاب وابییَه وِ اولادَلِش که اونگَلَه وَ «حقیقت» دوس دارُم - وِ نَه تِنا مو، بلکم تَمومِ اونگَل که حقیقتَه اِشناختِنِه - 2وَ خاطرِ او حقیقت که مِنِه ایمایَه وِ تا ابد بامونِه.
3وَ طرفِ خِدِی بُو وِ عیسی مسیح، کِرِ او بُو، فیض وِ رحمت وِ صلحوُسلامتی مِنِه حقیقت وِ محبت بامونِه.
4یِکِلی شایَمون وابییُم که فَمِسُم یِهپارهای وَ بَچهیَلِت بنا وَ دستوری که وَ بُو گِرُتیم، مِنِه «حقیقت» زِندِیی ایکِنِن. 5ایسو، مِهربانویِ عزیز، دَرخواسی وَت دارُم. نَه یِکِه حکمِ تازهای سیت بنویسُم، بلکم هَمو حکمی یَه که وَ اَوَل داشتیمِه، که یِکدو نَه محبت کِنیم. 6وِ محبت یِنِه که ایما بنا وَ دَستورَلِش زِندِیی کِنیم. هَموطو که وَ اَوَل اِشنُفتیتِه، دستورِش یِنِه، تا مِنِه وِه زِندِیی کِنیت.
7سییِکِه حُقَهبازَلِ زیادی اومَنِه مِنِه دنیا، که وَ اومَیَنِ عیسی مسیح مِنِه جسمِ انسانی اقرار نیکِنِن. ایطو کَسَلی، هَمو حُقَهباز وِ ضدّ مسیح یَن. 8وَ هوش بِیت تا اوچیئی نَه که ایما سیش زحمت کَشیمِه نَئیت وَ بای، بلکم پاداشَه کامل بِگِریت. 9هرکه وَ تعلیمِ مسیح بِزَنِه وَدَر وِ مِنِش پاوَرجا نَوِیسِه، خدا نَه نَیارِه، وِه که مِنِه او تعلیم پاوَرجا وِیسِه، هَم بُو نَه دارِه وِ هَم کِرَ. 10اَر کسی بیا طِیتون وِ ای تعلیمَه نَیارِه، رَش نَئیت وَ حونَتون وِ ری خَش وَش نِشون نَئیت؛ 11سییِکِه وِه که ری خَش وَش نِشون بییِه، مِنِه کارَلِ گَندِش شریک ایابو.
12هَرچَن مَهلی چییَل دارُم که سیتون بِنویسُم، امّا نیخوام بِی جوهر وُ کاغذ بُو. امّا امیدُم وَ یِنِه که بیام طِیتون وِ ریوَری گَپ بِزَنیم تا شاییمون کامل وابو.
13بَچهیَلِ دَیِی انتخاب وابییَت، وَت سلام ایرَسونِن.
Currently Selected:
نامۀ دِوِمِ یوحنا 1: SLB
Highlight
Share
Compare
Copy
Want to have your highlights saved across all your devices? Sign up or sign in
@ 2024 Korpu Company
